Isai 12
12
Gilei Alo ma sut suma
1Kur bur máma ang mba dala:
Ma didina, an nga ni gilengû,
kayam hurung zal kanu,
wani hurung vat tei kanu,
ang b’lengên hurun mi.
2Wana nAlo ma sud’una.
An mba ni tin hurun kamu,
an mba ni le mandara va tu d’i,
kayam Ma didina, mam mad’eng manda,
ni ma an gilema,
mam mi ma sud’una mi.
3Agi mba gulugi mbina ni ki furîd’a
kur golong nga lau d’a suta.
4Kur bur máma agi mba dagi ala:
Agi gilegi Ma didina,
agi dagi woi yam simiyêmu,
agi tagam sun mam mba nglo d’a mam lata woi aduk andjaf suma.
Ar agi wagi ala simiyêmî Ma kal papana.
5Agi suburugi Ma didina ki sawala,
kayam mi lahle suma kal papana.
Ar suma a wazi woi yam andagad’a pet mi.
6Agi suma avo Siyon-na,
agi eregi ad’ugi akulo ki furîd’a,
kayam Ma tin tam irat vat yam Israel-lîna
ni ma ngol ma adigagina!
Currently Selected:
Isai 12: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
