Hebre-na Wana ni modo zla d’a kuruta
Wana ni modo zla d’a kuruta
Ei wei nga sama b’ir mbaktum ndatina d’i. Dam ma mi b’iritna mi b’irit ni kur ambas sa Itali-d’a kla (13.24). Suma a d’el suma he gagazid’a mi Jesus Christ-sâ a zul heî, gak a kuk kretiyêna kayam a ar he gagazi mazid’a woyo. Kayam ndata, sama b’iritna mi min gigid’eziya, mi min tagazi ala Jesus Christ mi kal suma ki malaikana pet, sun mamba ti kal sun nda dinga pet mi.
Vama avo’â, mbaktum ndata ti dei ala Alona mi nde tam mbei ni kur Goroma Jesus Christ (1.1-3). Mbaktum ndata, zla mata ti wal ad’u mbà:
Wal la avoka (1.4–10.18), ti tak kei ala Christ mi kal ahlena pet. Mi kal suma djok vun Alona (1.1-2), mi kal malaikana (1.4–2.18), mi kal Moise ki Josue mi (3.1–4.13). Christ ma ngol ma ngat buzuna hi Vun ma Djin ma Awilinina, mi kal nglo suma ngat buzuna hi Vun ma Djin ma Adjeunina mi (4.14–7.28). Vama ngat buzu ma mi ngad’am yam tu gid’engâ, mi kal ahle suma ngat buzu suma dingâ pet mi (8.1–10.18).
Wal la mbàd’a (10.19–13.17), ti nga d’i giget suma á i avogovok kur he gagazid’a (10.19-39). Bugola, sama b’ira mi de zlad’a yam Israel suma adjeu zlazi nde yinina, mi gigid’ezi ala a tit ad’uziya (11.1-40). Bugola, mi yi suma a tin irazi yam Jesus, a tit ad’um mi (12.1-11). Bugola, mi had’aziya (12.12–13.19), mi b’e vunam kaziya, mi gazi depa mi (13.20-24). t Wana ni wal mata
Zla d’a avoka:
Christ ni Ma tak Alona woi tetetna 1.1-3
Christ mi kal malaikana 1.4–2.18
Christ mi kal Moise azi ki Josue 3.1–4.13
Christ ni ma ngol ma ngat buzu ma kal nglo suma ngat buzu suma dingâ petna 4.14–7.28
Vama ngat buzuna hi Christ-sâ mi kal ahle suma ngat buzu suma dingâ pet mi 8.1–10.18
Christ mi malei lovot ta awili d’a arid’a 10.19-39
Ar ei tid’i kur lovot ta he gagazid’a 11.1–12.29
Zla d’a gigeta ki zla d’a dabid’a 13.1-25
Currently Selected:
Hebre-na Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.