Aze Wana ni modo zla d’a kuruta
Wana ni modo zla d’a kuruta
Mbaktum ndata nga d’i tagei sunda hi ma djok vuna Aze-d’a yam minda hi gong nga kud’ora hAlona d’a avo Jerusalem bugol la Israel-lâ a tcholï Babilon a mba avod’a. Kayam suma Babilon-na a yozi magomba adjeu ni go kad’u tinda hi biza d’a 600 d’a avok vuta hi Jesus Christ-sa. Ti tagei zla d’a ded’a hi ma djok vuna Aze d’a mi dumzi kur biza d’a 520 d’a avok vuta hi Jesus Christ-sa.
Juif suma a mbeï avok kur biza d’a 538 d’a avok vuta hi Jesus Christ-sina, le ni djivid’a ni, azi hulong min gong nga kud’ora hAlona d’a suma Babilon-na a tot teid’a ni kur biza d’a 587-d’a. Wani atogo hina zak tazi d’i tchuk lus. Ni kayam ndata ba, kur biza d’a 520 d’a ma djok vuna Aze mi zut suma avorozina ala a hulong á le sun ndata. Aze mi zlit suma ki sed’ema akulo á le sunda ki zlezleûd’a, mi dazi woi ala houd’a hi sumid’a ki kid’aka hawunid’a a mba ni yam b’lak ka gong nga kud’ora hAlona d’a ti b’lak keid’a. Gol 1.1-15.
Aze mi dazi ala gong nga kud’ora hAlona d’a a nga minit awilid’a mba d’i kal la b’lak keid’a ki subura. Gol 2.1-9.
Mi dazi kua ala fata azi minita, Alona mba mi b’e vunam kaziya, a mba kid’ak va tu d’uo d’a. Gol 2.10-20.
Ma te yamba Zorobabel ma ad’u andjafâ hi David-na, mi wala Alona mi hlum vunam yam vama ngol ma mba mi lävina. Gol 2.21-23.
Djup pa suma a nga djup gong nga kud’ora hAlona d’a subur mata kal la avokid’a ki mba d’a Alona mba mi mba kazong mam ma mam mba mi manamid’a, a mba tak zlap pa tu d’a awilid’a hi Israel-lîd’a bugol mba mazi d’a ei kur magombid’a. Aze mi zut ndroma ala a ar azulom mazid’a, a i ata gong nga kud’ora hAlonid’a, a minda, kayam Alona nga mi minizi kak mazi d’a awilid’a avoroziya. t Wana ni wal mata
Ma didina mi he vuna á min gong mamba akulo 1.1-15
Ma didina mi de zla d’a djivid’a mi sum mama á b’lengêzi huruziya 2.1-23
Currently Selected:
Aze Wana ni modo zla d’a kuruta: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.