Buzuk ka Abud’a 6
6
1Ma didina mi de mi Moise ala: Ki tchetchemba, ang mba we vama an mba ni lum ki Faron-na. Ad’eng manda mba d’i oromom gak mam mba mi arazi á id’a. Ad’eng ndata mba d’i oromom gak mba mi digizi woi yam ambas mamba.
Alona mi hle vunam mi Moise á pat Israel-lâ woyo
2Alona mi de mi Moise kua ala: An ni Ma didina. 3An nde tan ndei ir Abraham, ir Isak, ir Jakob ni ki simiyên ma ala Alo ma ad’engêm kal petna na, wani a we nga simiyên ma ala Ma didina na d’i. 4An djin vunan ki sed’ezi á hazi ambas sa Kanan nda azi kak adjeu kat d’igi angoyogeina na d’a. 5An hum zam tad’a hi Israel-lîd’a abo magom mba Ezipte-na a nga lazizid’a, an djib’er yam vun man ma djinda.
6Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a, 7an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina. 8An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.
9Moise mi de zla ndata mi Israel-lâ hina, wani a humum nga d’i abo djop vuna ki ndaka hi magom mba a nga lazizid’a.
10Ma didina mi de mi Moise ala: 11Ang i de mi Faron amul ma Ezipte-na ala mi ar Israel-lâ a buzuk kei yam ambas mamba.
12Moise mi hulong de mi Ma didina avunam ala: Le suma Israel-lâ a humun nga d’uo ni, ni nana ba, Faron mba mi humun an ma nga ni de zlad’a woi yed’et tuo na ge?
13Ma didina mi de zlad’a mi Moise azi ki Aron, mi hazi vuna ala a i fe Israel-lâ ki Faron amul ma Ezipte-na á buzuk Israel-lâ woi kur ambas sa Ezipte-d’a.
Moise azi ki Aron abuyozi ngolo
14Wana ni suma nglo suma yam aziyazina:
Ruben Israel gorom ma ngolâ groma ba wana: Enok, Palu, Hesron ki Karmi. Wana nadesâ hi Ruben-na.
15Simeon groma ba wana: Jemuwel, Jamin, Ohat, Jakin, Sohar ki Saul ma asumî gor ra Kanan-ndina. Wana nadesâ hi Simeon-na.
16Wana ni simiyê Levi groma kandjavaziya: Gerson, Kehat ki Merari. Levi mi le bizad’a ni kis yam dok hindi yam kid’iziya, mi mid’a. 17Gerson groma ba wana: Libini ki Simei kadeziziya. 18Kehat groma ba wana: Amram, Isar, Hebron ki Uziyel. Kehat mi le bizad’a ni kis yam dok hindi yam hindi, mi mid’a. 19Merari groma ba wana: Mali ki Musi. Wana nadesâ hi Levi-na kandjavaziya.
20Amram mi vabam mba abumba Jokebet. Ti vud’um Aron ki Moise. Amram mi le bizad’a ni kis yam dok hindi yam kid’iziya, mi mid’a.
21Isar groma ba wana: Kore, Nefek ki Zikri.
22Uziyel groma ba wana: Misayel, Elsafan ki Sitri.
23 Aron mi ve Eliseba Aminadap gorom mba Nason wiyembid’a. Ti vud’um Nadap, Abihu, Elazar ki Itamar.
24Kore groma ba wana: Asir, Elkana ki Abiyasaf. Wana nadesâ hi Kore-na.
25Elazar Aron goroma, mi ve Putiyel goromba. Ti vud’um Fines. Wana ni suma nglo suma yam azina hi suma hi Levi-nina kadezeziya.
26Ni Aron azi ki Moise ndazina ba, Ma didina mi hazi vuna ala: Agi buzugugi Israel-lâ woi kur Ezipte ad’u andjavaziya na. 27Ni Moise azi ki Aron ndazina ba, ni suma a de mi Faron amul ma Ezipte-na ala mi ar Israel-lâ a buzuk kei kur ambas sa Ezipte-d’a na.
Alona mi hle vunam mi Moise kua
28Kur bur ma Ma didina mi de zlad’a mi Moise yam ambas sa Ezipte-d’ina, 29mi dum ala: An ni Ma didina. Ang hulong de mi Faron amul ma Ezipte-na ahlena pet suma an hang vuna kazina.
30Wani Moise mi de mi Ma didina avunam ala: Gola! An ni sama nga ni de zlad’a woi yed’et tuo na. Ni nana ba, Faron mba mi humun nge?
Currently Selected:
Buzuk ka Abud’a 6: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Buzuk ka Abud’a 6
6
1Ma didina mi de mi Moise ala: Ki tchetchemba, ang mba we vama an mba ni lum ki Faron-na. Ad’eng manda mba d’i oromom gak mam mba mi arazi á id’a. Ad’eng ndata mba d’i oromom gak mba mi digizi woi yam ambas mamba.
Alona mi hle vunam mi Moise á pat Israel-lâ woyo
2Alona mi de mi Moise kua ala: An ni Ma didina. 3An nde tan ndei ir Abraham, ir Isak, ir Jakob ni ki simiyên ma ala Alo ma ad’engêm kal petna na, wani a we nga simiyên ma ala Ma didina na d’i. 4An djin vunan ki sed’ezi á hazi ambas sa Kanan nda azi kak adjeu kat d’igi angoyogeina na d’a. 5An hum zam tad’a hi Israel-lîd’a abo magom mba Ezipte-na a nga lazizid’a, an djib’er yam vun man ma djinda.
6Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a, 7an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina. 8An mba ni kalagi kur ambas sa an gun tan kat á hat mi Abraham Isak ki Jakob-pa, an Ma didina mba ni hagizi djona.
9Moise mi de zla ndata mi Israel-lâ hina, wani a humum nga d’i abo djop vuna ki ndaka hi magom mba a nga lazizid’a.
10Ma didina mi de mi Moise ala: 11Ang i de mi Faron amul ma Ezipte-na ala mi ar Israel-lâ a buzuk kei yam ambas mamba.
12Moise mi hulong de mi Ma didina avunam ala: Le suma Israel-lâ a humun nga d’uo ni, ni nana ba, Faron mba mi humun an ma nga ni de zlad’a woi yed’et tuo na ge?
13Ma didina mi de zlad’a mi Moise azi ki Aron, mi hazi vuna ala a i fe Israel-lâ ki Faron amul ma Ezipte-na á buzuk Israel-lâ woi kur ambas sa Ezipte-d’a.
Moise azi ki Aron abuyozi ngolo
14Wana ni suma nglo suma yam aziyazina:
Ruben Israel gorom ma ngolâ groma ba wana: Enok, Palu, Hesron ki Karmi. Wana nadesâ hi Ruben-na.
15Simeon groma ba wana: Jemuwel, Jamin, Ohat, Jakin, Sohar ki Saul ma asumî gor ra Kanan-ndina. Wana nadesâ hi Simeon-na.
16Wana ni simiyê Levi groma kandjavaziya: Gerson, Kehat ki Merari. Levi mi le bizad’a ni kis yam dok hindi yam kid’iziya, mi mid’a. 17Gerson groma ba wana: Libini ki Simei kadeziziya. 18Kehat groma ba wana: Amram, Isar, Hebron ki Uziyel. Kehat mi le bizad’a ni kis yam dok hindi yam hindi, mi mid’a. 19Merari groma ba wana: Mali ki Musi. Wana nadesâ hi Levi-na kandjavaziya.
20Amram mi vabam mba abumba Jokebet. Ti vud’um Aron ki Moise. Amram mi le bizad’a ni kis yam dok hindi yam kid’iziya, mi mid’a.
21Isar groma ba wana: Kore, Nefek ki Zikri.
22Uziyel groma ba wana: Misayel, Elsafan ki Sitri.
23 Aron mi ve Eliseba Aminadap gorom mba Nason wiyembid’a. Ti vud’um Nadap, Abihu, Elazar ki Itamar.
24Kore groma ba wana: Asir, Elkana ki Abiyasaf. Wana nadesâ hi Kore-na.
25Elazar Aron goroma, mi ve Putiyel goromba. Ti vud’um Fines. Wana ni suma nglo suma yam azina hi suma hi Levi-nina kadezeziya.
26Ni Aron azi ki Moise ndazina ba, Ma didina mi hazi vuna ala: Agi buzugugi Israel-lâ woi kur Ezipte ad’u andjavaziya na. 27Ni Moise azi ki Aron ndazina ba, ni suma a de mi Faron amul ma Ezipte-na ala mi ar Israel-lâ a buzuk kei kur ambas sa Ezipte-d’a na.
Alona mi hle vunam mi Moise kua
28Kur bur ma Ma didina mi de zlad’a mi Moise yam ambas sa Ezipte-d’ina, 29mi dum ala: An ni Ma didina. Ang hulong de mi Faron amul ma Ezipte-na ahlena pet suma an hang vuna kazina.
30Wani Moise mi de mi Ma didina avunam ala: Gola! An ni sama nga ni de zlad’a woi yed’et tuo na. Ni nana ba, Faron mba mi humun nge?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.