Buzuk ka Abud’a 5
5
Moise ki Aron a i avok Faron
1Bugol ahle ndazina, Moise azi ki Aron a i gen Faron, a dum ala: Ma didina Alona hi Israel-lîna mi dala: Ang ar sum mana a iya, kayam azi i le vun tilâ á gilen simiyên abagei hur fulâ.
2Faron mi hulong dazi ala: Ma didina ni nge ba, an humum vunam ba, an ar Israel-lâ á id’a ge? An we nga Ma didina d’i, an nga ni ar Israel-lâ á id’a d’uo mi.
3Moise azi ki Aron a dum ala: Alona hi Hebre-nina mi nde tam mbei iramiya. Kayam ndata, ami nga tchenengû, ang arami lovota á tita burâ hindi abagei hur fulâ á hahle suma ngat buzuna mi Ma didina Alo mamina, kayam mi ar tugud’ei d’a tcho d’a tchi matna ti tchami d’oze mi dabami woi avun ayîna d’uo mi.
4Amul ma Ezipte-na mi dazi ala: Ang Moise ki Aron, ni kayam me ba, agi vagi suma yazi woi ata sun mazid’a ge? Agi igi ata sun magid’a. 5Suma ablau suma tchotcho suma wana, agi min d’elezi avun sun mazid’a zu?
Faron mi tin aneka yam Israel-lâ kua
6Kur bur máma tamba Faron mi he vuna mi nglo suma Ezipte suma yam Israel-lîna ki Israel suma a gol sundina ala: 7Ar agi hagi kuzad’a mi Israel-lâ d’igi agi nga hazizi avok dei á tchi derengelîd’a na d’i. Ar azi tazi i yoï kuzad’a ni aziya. 8Ar agi pad’agi derengel ma agi ngazizi kazi avo’â woi d’i, agi pad’agi va woi tu d’i, kayam azi ni suma azulomba. Ni kayam ndata ba, a nga tchiya, a nga dala: Ang arami ami i hami ahle suma ngat buzuna mAlo mamina ni na. 9Agi tinizi sun nda aneka kaziya, agi arazi a lat tala a djib’er yam zla d’a kad’a d’uo d’a.
10Suma nglo suma yam suma ki suma gol sun ndazina a i de mi Israel-lâ ala: Faron mi dala: An nga ni hagi kuzad’a d’uo d’a. 11Agi tagid’a i halagi kuzad’a ata yima lara ma agi fat kuana, kayam an nga ni pad’agi va woi kur sun magid’a tu d’i.
12Kayam ndata, suma Israel-lâ a b’rau kur ambas sa Ezipte-d’a pet, a ar zla d’a yo kuzad’a woi ta, a yoï ni hububuna. 13Nglo suma Ezipte suma a te kazina a tezezi akulo ped’et, a dazi ala: Agi dabagi sun magi d’a a ngagizi kagi á lat burâ ki burîd’a d’igi avok dei d’a a nga hagi kuzad’id’a na.
14A nga to suma gol sunda hi Israel suma suma nglo suma hi Faron-na a tinizina, a nga dazi ala: Ni kayam me ba, agi dabagi derengel ma ngagizi á tchid’a kama ki ini na d’igi agi nga tchagizi avok dei na d’uo ge?
15Suma gol sunda hi Israel-lîna a i ki tchina avok Faron, a dum ala: Ni kayam me ba, ang lami ami azungeî mangâ hina djeî ge? 16A nga he kuzad’a mi ami azungeî mangâ d’uo, a nga dami ala ami tchami derengelâ, a nga tomiya, wani azungeî mangâ a lami ni tchod’a.
17Faron mi hulong dazi ala: Agi ni suma azulomba! Agi ni suma azulomba! Ni kayam ndata ba, agi nga dagi ala: Ami i hami ahle suma ngat buzuna mi Ma didina. 18Agi igi ata sun magid’a ka tchetchem! Sa nga mi hagi asu d’i; agi i tchagi derengel ma a ngagizi kagina.
19Suma gol sunda hi Israel-lîna a wala azi kalî kur ndaka, kayam a dazi ala: Agi i pad’agi vun derengel ma a ngagizi kagi á tchid’a kur burîna woi d’i. 20Kid’a azi buzuk kei avo hi Faron-nda, a ngaf Moise azi ki Aron suma a nga djubuzina. 21Azi dazi ala: Ar Ma didina mi gologiya, mi ka ir zla ndata! Agi mbud’umi ndjendjed’a avok Faron ki sum mama, agi hazi mbigeud’a abozi á tchamiya.
22Moise mi hulong gen Ma didina, mi dum ala: Salad’a, ni kayam me ba, ang le sum ndazina ndaka na ge? Ni kayam me ba, ang sununï ge? 23Dedei d’a an mba gen Faron á dum zlad’a ki simiyênga, mi le ni sum ndazina ndaka. Wani ang sut nga sum mangâ woi d’i!
Currently Selected:
Buzuk ka Abud’a 5: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.
Buzuk ka Abud’a 5
5
Moise ki Aron a i avok Faron
1Bugol ahle ndazina, Moise azi ki Aron a i gen Faron, a dum ala: Ma didina Alona hi Israel-lîna mi dala: Ang ar sum mana a iya, kayam azi i le vun tilâ á gilen simiyên abagei hur fulâ.
2Faron mi hulong dazi ala: Ma didina ni nge ba, an humum vunam ba, an ar Israel-lâ á id’a ge? An we nga Ma didina d’i, an nga ni ar Israel-lâ á id’a d’uo mi.
3Moise azi ki Aron a dum ala: Alona hi Hebre-nina mi nde tam mbei iramiya. Kayam ndata, ami nga tchenengû, ang arami lovota á tita burâ hindi abagei hur fulâ á hahle suma ngat buzuna mi Ma didina Alo mamina, kayam mi ar tugud’ei d’a tcho d’a tchi matna ti tchami d’oze mi dabami woi avun ayîna d’uo mi.
4Amul ma Ezipte-na mi dazi ala: Ang Moise ki Aron, ni kayam me ba, agi vagi suma yazi woi ata sun mazid’a ge? Agi igi ata sun magid’a. 5Suma ablau suma tchotcho suma wana, agi min d’elezi avun sun mazid’a zu?
Faron mi tin aneka yam Israel-lâ kua
6Kur bur máma tamba Faron mi he vuna mi nglo suma Ezipte suma yam Israel-lîna ki Israel suma a gol sundina ala: 7Ar agi hagi kuzad’a mi Israel-lâ d’igi agi nga hazizi avok dei á tchi derengelîd’a na d’i. Ar azi tazi i yoï kuzad’a ni aziya. 8Ar agi pad’agi derengel ma agi ngazizi kazi avo’â woi d’i, agi pad’agi va woi tu d’i, kayam azi ni suma azulomba. Ni kayam ndata ba, a nga tchiya, a nga dala: Ang arami ami i hami ahle suma ngat buzuna mAlo mamina ni na. 9Agi tinizi sun nda aneka kaziya, agi arazi a lat tala a djib’er yam zla d’a kad’a d’uo d’a.
10Suma nglo suma yam suma ki suma gol sun ndazina a i de mi Israel-lâ ala: Faron mi dala: An nga ni hagi kuzad’a d’uo d’a. 11Agi tagid’a i halagi kuzad’a ata yima lara ma agi fat kuana, kayam an nga ni pad’agi va woi kur sun magid’a tu d’i.
12Kayam ndata, suma Israel-lâ a b’rau kur ambas sa Ezipte-d’a pet, a ar zla d’a yo kuzad’a woi ta, a yoï ni hububuna. 13Nglo suma Ezipte suma a te kazina a tezezi akulo ped’et, a dazi ala: Agi dabagi sun magi d’a a ngagizi kagi á lat burâ ki burîd’a d’igi avok dei d’a a nga hagi kuzad’id’a na.
14A nga to suma gol sunda hi Israel suma suma nglo suma hi Faron-na a tinizina, a nga dazi ala: Ni kayam me ba, agi dabagi derengel ma ngagizi á tchid’a kama ki ini na d’igi agi nga tchagizi avok dei na d’uo ge?
15Suma gol sunda hi Israel-lîna a i ki tchina avok Faron, a dum ala: Ni kayam me ba, ang lami ami azungeî mangâ hina djeî ge? 16A nga he kuzad’a mi ami azungeî mangâ d’uo, a nga dami ala ami tchami derengelâ, a nga tomiya, wani azungeî mangâ a lami ni tchod’a.
17Faron mi hulong dazi ala: Agi ni suma azulomba! Agi ni suma azulomba! Ni kayam ndata ba, agi nga dagi ala: Ami i hami ahle suma ngat buzuna mi Ma didina. 18Agi igi ata sun magid’a ka tchetchem! Sa nga mi hagi asu d’i; agi i tchagi derengel ma a ngagizi kagina.
19Suma gol sunda hi Israel-lîna a wala azi kalî kur ndaka, kayam a dazi ala: Agi i pad’agi vun derengel ma a ngagizi kagi á tchid’a kur burîna woi d’i. 20Kid’a azi buzuk kei avo hi Faron-nda, a ngaf Moise azi ki Aron suma a nga djubuzina. 21Azi dazi ala: Ar Ma didina mi gologiya, mi ka ir zla ndata! Agi mbud’umi ndjendjed’a avok Faron ki sum mama, agi hazi mbigeud’a abozi á tchamiya.
22Moise mi hulong gen Ma didina, mi dum ala: Salad’a, ni kayam me ba, ang le sum ndazina ndaka na ge? Ni kayam me ba, ang sununï ge? 23Dedei d’a an mba gen Faron á dum zlad’a ki simiyênga, mi le ni sum ndazina ndaka. Wani ang sut nga sum mangâ woi d’i!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.