Ma tchi wala 6

1Tcho d’a an wat ka hî kur duniyad’id’a ti nga, taneka ngola yam suma. 2Sama Alona mi hum ndjondjoîd’a ngola ki suburina, mi nga. Vama tu ma mi minim ma kid’agam nga d’i. Wani Alona mi aram nga lovota á tat ti, kayam ni sama dingâ ba, mi tad’u. Ndata ni sun nda hawa yak ka tcho d’a kala. 3Le sana mi vut grona kis, mi le bizad’a ngola yam andagad’a, le burumî ngola pî, le mi fe nga djivid’a yam andagad’a d’uo, asuwam nga d’uo mi ni, an nga ni dala hur ma nded’a mi kalamu. 4Kayam hur ma nde máma mi mbeï ni hawa na, mi i ni kur nduvunda, nduvunda ti dugum yam simiyêm kä. 5Mi we nga burâ d’uo mi na, mi we nga afata d’uo mi. Mi ki tuk tad’a kal ma le bizad’a tatâ yam andagad’a ka hina mi. 6Le mam le bizad’a dudubud’a yam mbà bei mi kak ki halasa ni, djivi mata ni me? Suma pet a i nata yima tuna d’uo zu?

7Sana mi fe ndaka pet ni yam te ma avunama, wan pî, a nga ndagam mbi. 8Ma ned’a mi kal ma lilid’a ni ki me ge? D’oze vama djivi ma ma hou ma nga mi tit d’ingêr avok suma yam andagad’a ka hina, vama mi fuma ni me ge? 9Hotei ang we va ki ira kal la ang le d’od’oka yam ahlena tetenga. Ndata ni sun nda hawa yaka d’igi sana mi dik simetna na d’a.

D’alâ hi sama ned’ina

10Vama nga na, a yumï ki simiyêm adjeu dei, a wala ni sana; mi ndak á tchi tuguyod’a ki sama mi kalam kad’engina d’i. 11Ata yima zla d’a de d’a nga kua wü na, zla d’a de d’a hawa yaka nga kua mi. Sana mi fe ni djiviya me kua ge? 12Ni nge ba, mi we vama djivi ma yam sana kid’a mi nga kaka yam andagad’a ka hî kur burum ma mi kal lei d’igi anguzuna na ni nana ge? Ni nge ba, mi ndak á de mi sana yam vama mi le blogom ka hî yam andagad’a ka hina ge?

Currently Selected:

Ma tchi wala 6: BA

Highlight

Copy