Gat ta a hat á mbàd’id’a Wana ni modo zla d’a kuruta
Wana ni modo zla d’a kuruta
Dabid’a hi Mbaktum mba a Ndum ki Israel-lîd’a, ti tagei mbad’a hi Israel-lâ avun ambas sa Alona mi hlazi vunam kata. Mbaktumba hi Gat ta a Hat Mbàd’id’a ni vunat ma arâ. Zla d’a de d’a Moise mi dat mi Israel-lâ yam á hindid’id’a ti nga kuru. Gol 1.1–4.43; 4.44–28.68; 28.69–30.20. Moise nga mi ge humba yam sun nda Alona kur o mam mba bei dabid’a ba d’a mi ndagat vunat yam djivid’a hi sum mamid’a, mi djin vunam ki sed’eziya, mi tit ki sed’ezi abagei hur fulâ bizad’a dok fid’i, mi ngomozi abo mazi suma djangûna, mi hazi vun mam ma hed’a, mi hlazi vunam mi. Wani Moise mi dugot ahle suma a lena d’oze gat ta azi a wat tei kur mbaktum mba avoka ni hawa d’i. Mi tchazi wala akud’a kekeng ki zumala kamu, mi yi suma a nga hum zla mambina, a djib’er yam d’engzenga hi Ma didinid’a, a man arid’a á le djivid’a kAlo ma gagazina. Mi dazi ala: Agi Israel-lâ, agi humugiya! Ma didina Alo meina ni Ma didina tu. Ang le yam Alo mangâ ki hurung pet, ki djib’er manga pet, kad’engêng pet mi (6.4-5). A de zla ndata nga kur Mat 22.37 mi. Zla mam mba de ndata nad’u tinda hi hat ta burâ ki burîd’a hi Israel-lîd’a yam he gagazid’a ki tchen mazi d’a a yat ki vun Hebre-na ala Shema d’a.
Sapitre d’a 31-d’a nga d’i de zlad’a yam Josue ma Alona mi manam mi vragam balum Moise-sâ. Ni ma kal Israel-lâ yam ambas sa Alona mi hle vunam katina.
Sapitre d’a 32-d’a ni sawal la Moise mi hlata.
Kur sapitre d’a 33-d’a Moise mi b’e vunam yam andjafâ hi Israel ma dogo yam mbàna.
Sapitre d’a 34-d’a ni zla d’a a b’irit yam matna hi Moise-sîd’a.
Mbaktumba hi Gat ta a Hat á Mbàd’id’a, dam ni mbaktum mba a yat ala Mbaktumba hi Gatid’a d’a a fat kur gong nga kud’ora hAlonid’a avo Jerusalem ata yima Josiyas nga mi tamulina kla. Gol 2 Amul 22. Gat ndata ti zut Josiyas amul ma azong ma mi tin Israel-lâ á kud’or Alona kud’or ra iratina. Ei wei zla d’a ded’a hi Moise-sa kur Vun ma Djin ma Adjeuna (Gol 1 ki 2 Amul ki Jeremi), gak mba kur Vun ma Djin ma Awilina (Gol Mat 4.4,7,10 ki Mar 12.32 mi).
Sama nga mi ndum mbaktum ndata inina, mi ni d’igi sama ndumud’ï adjeu deina na mi. Mbaktumba hi Gat ta a Hat á Mbàd’id’a nga d’i gei humei ala djivid’a nge nge pî mi hat hurum katna, mi fat ni ki he gagazid’a ki ge yamba kä ki d’engzenga avok Alo ma sut suma ma tchuk suma akulo ata yima lara ge petna. t Wana ni wal mata
Zla d’a ded’a hi Moise sa avok kikidjid’a 1.1–4.43
Zla d’a ded’a mbàd’a hi Moise-sa 4.44–11.32
Gata hi Ma didinid’a 12–26
Israel-lâ a le vun tilâ yam vun ma djinda 27–28
Zla d’a de d’a dabid’a hi Moise-sa 29–30
Moise mi ar Israel-lâ, mi mid’a 31–34
Currently Selected:
Gat ta a hat á mbàd’id’a Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.