3 Jean Wana ni modo zla d’a kuruta
Wana ni modo zla d’a kuruta
Ma b’ir mbaktum ndatina mi yi tam ala Ma ngolâ. Mi b’irit ni mi sama a yum ala Gayus-sâ (v1). Mam mi sama d’engzengâ yam gagazid’a; djib’er mamba ni vad’u; ti nga d’igi d’a hi Diyotref-fa na d’i. Diyotref ni ma ngol ma kak djangûna ki sama b’ir mbaktum ndata ma mi yi tam ala Ma ngolâ na, ni ma nga mi ve suma akoid’a avo hatam mbuo na mi.
Ma b’ira mi subur Gayus ngola yam he gagazi mamba, yam ndjun nda mi ndjun kretiyênid’a mi (v1-8). Mi ka sariyad’a yam Diyotref (v9-10). Bugola, mi subur Demetriyus mi (v11-12). Bugola, mi gazi humazi yam i mam mba sä hatazid’a, mi gazi depa hi buniyôzinid’a mi (v13-15).
Ei wei ala vakoina, ve b’oziyo d’a kur Christ-sâ ni od’a, ni d’engzeng nga yam gagazid’id’a mi. t Wana ni wal mata
Zla d’a avoka 1-4
Jean mi subur Gayus 5-8
Jean mi ka sariyad’a yam Diyotref 9-10
Jean mi subur Demetriyus 11-12
Zla d’a dabid’a 13-15
Currently Selected:
3 Jean Wana ni modo zla d’a kuruta: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.