2 Korente-na Wana ni modo zla d’a kuruta
Wana ni modo zla d’a kuruta
Kur mbaktum mba mbà ndata ei wei ala zlad’a nga aduk Paul ki kretiyê suma Korente-na. Suma dingâ ablaud’a adigazi a tchuk zlad’a yam Paul, a d’el ad’eng mam mba ala ni ma a sunuma d’a mi.
Paul mi hulong ki zla d’a ad’enga, wani nga mi tak kei ala nga mi le kazi heî, mi min kak ki hur ma tuna ki sed’ezi mi. Kayam ndata, mi nga mi le furîd’a ata yima mi hum zla d’a djivi d’a kal la tcholï adigazid’a (7.5-15).
Mi de zlad’a yam ndak mam mba lum kur ambas sa Efes-sid’a (1.1-11), mi gazi humazi yam zla d’a teteng nga nga adigam ki azi suma Korente-nid’a, mi tak kei ala tin nda a tinim ma a sunuma hi Jesus Christ-sîd’a ni vama ngolâ. Mi nga mi vad’ud’a ni nana ba, mi b’irizi mbaktum mba ad’enga, ni nana ba, mi le furîd’a kazi yam sun nda d’ingêr ra azi lat yam zla mam mba ded’a mi ge (1.12–7.16).
Mi de zla d’a yam he d’a hawa d’a kretiyêna a nga togot yam kretiyê suma Jude-nid’a (sapitre d’a 8–9). Mi tchenezi á he ngola, mi dazi kua ala: Agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba (8.9).
Kur sapitre d’a 10–13 Paul mi de zla d’a ad’enga yam suma a nga dala mam mi ma a sunum ma gagazina d’uo na. Zla d’a dabid’a ni zla d’a yam od’id’a (13.11-13).
Mi min ala suma a we woi tetet ala mam mi ma a sunum ma gagazina hi Salad’a Jesus Christ-sâ. Le ni na ni, suma a wala zla d’a mi data ni Zla d’a Djivi d’a gagazi d’a ndak suma a vat a we Christ d’igi Ma sud’uzi ma gagazina na d’a mi. t Wana ni wal mata
Zla d’a avoka 1.1-11
Paul ki Tok ka Korente-d’a 1.12–7.16
He d’a hawa d’a yam kretiyê suma Jude-nid’a 8.1–9.15
Paul nga mi tak kei ala mam mi ma a sunum ma gagazina 10.1–13.10
Zla d’a dabid’a 13.11-14
Currently Selected:
2 Korente-na Wana ni modo zla d’a kuruta: BA
Highlight
Share
Copy
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.