1 Amuleina Wana ni modo zla d’a kuruta
Wana ni modo zla d’a kuruta
Adjeu dei mbaktum mba nga d’i de zlad’a yam amulei suma Israel-lâ kamulei suma Juda-nid’a ni mbaktum mba tud’a zlapa ki mbaktum mba avoka ki d’a mbàd’a hi Samuel-la. Wani bugola, a walat ad’u fid’i.
Mbaktum mba avok ka yam Amuleina ndata, zla mat ta avoka ti de ni zla d’a yam dabid’a hamul la ted’a hi David-ta. Bugola, ti de zla d’a yam amul la ted’a hi goroma Salomon nda yam Israel-lîd’a. Bugol mat mama, leud’a ti wal kä ad’u mbà. Salomon goroma ki grom ngolona a tamula yam suma Juda-na ki suma Benjamin-na. Wani suma teteng a tamula yam andjaf ma dogo ma wal leina mi. Leu d’a mbà ndata, a yat ala leu d’a Juda-d’a ki leu d’a Israel-la. Mbaktum ndata ti de zlad’a yam amulei suma a tamula yam suma Juda-na gak mba yam Josafat-na, yam amulei suma a tamula yam Israel-lâ gak mba yam Ahaziya-na mi d’a.
Salomon ni ma min gong nga kud’ora hAlonid’a ki gong nga amul la ngol la avo Jerusalem-mbina mi. Mi vik arop suma ad’u andjaf ma dingîna teteng ablaud’a mi. Kur mamaramu, arop ndazina a tinim á tuwal filei mazina mi. Kayam ndata, Alona mi wal leu d’a abo goroma Robowam-mba woi mbà, mi habot ma dingâ tu mi Jerobowam, Salomon azong mama mi.
Mbaktum ndata nga d’i tagei ala le amulâ ki mam suma nglona a nga ge yazi kä avok Alona ni, andjafâ pet nga mi zula, nga mi kak tchugot mi. Wani, le a kal kur fileina, le a ge nga yazi kä ad’u Alona d’uo ni, b’laka mba d’i mba yam andjafâ, mba mi sut ti. t Wana ni wal mata
David mi tin goroma Salomon amula; bugola, mi mid’a 1.1–2.12
Salomon mi mbut amulâ 2.13-46
Salomon mi tamula 3–11
(a) Atchogoi d’a avoka 3–4
(b) Mi min gong nga kud’ora 5–8
(c) Atchogoi d’a dabid’a 9–11
Leu d’a wal mbàd’a 12–22
(a) Andjaf suma dogona mi tchol huneîd’a 12.1–14.20
(b) Amulei suma Juda-na kamulei suma Israel-lâ 14.21–16.34
(c) Ma djok vun Alona Elie 17–19
(d) Ahap amul ma Israel-lâ 20.1–22.40
(e) Josafat amul ma Juda-na azi ki Ahaziya amul ma Israel-lâ 22.41–22.54
Currently Selected:
1 Amuleina Wana ni modo zla d’a kuruta: BA
Highlight
Copy
Compare
Share
Want to have your highlights saved across all your devices? Sign up or sign in
Azumeina Bible © Alliance Biblique du Tchad, 1999.