Salmos 82
82
Salmo 82
Sukan ndonda Su'si ma nuu o, nú ma sa'a ndaa sa'a ndija o ja jin kuu ñayii ma
1Nuu ka iyo ñayii ja ka kuu i kuenda tnu'u ja Su'si ma
iyo Su'si Iya Tátnuni ma,
te me'ñu ndaka ñayii yukan ma núkuiñi ya
ja ndákan ya kuenda nuu i ma.
2Te sa'a ni jiña'a ya:
“¿Na saa‑ka kivi jin jatna ini ro ja ka sa'a ñayii ka sa'a ja u'vi ma?
¿Te na saa‑ka kivi jin kachi ro ja jin sa'a ndeva'a i
ñayii nda'vi ma?
3Va'a‑ka su'va jin chindee ñayii nda'vi ma,
ji'in suchi ñatuu na yuva na si'i‑ka i ka iyo ma.
Te suni jin chindee tna ro ñayii ka ndo'o ka neni ma,
ji'in ñayii ka kunda'vi ka kukee ma.
4Jin sa'a ro ja jin ndayaa ñayii ka ndo'o ka neni ma,
ji'in ñayii ñatuu nawa ka neva'a i ja jin kaa i ma,
jin ndayaa tna i nuu nda'a tee ka sa'a ja u'vi ma.
5’Vaa tee ya'a chi ka sa'a de ja u'vi ma,
te ni masu nde ka jini de,
te ni masu nde ka jaku'ni ini de nawa ka sa'a de ma,
vaa ka iyo de nuu nee kuiti ma.
Te ndaka kuiti ja ni tatnuni Su'si ma
sukan ko kuu nuu ñayii ma ni ka ndaxsama de”,
kúu ya jiña'a ya.
6Saña chi ni jiña'a sa nuu ñayii a:
“Ro'o chi kuenda tnu'u ja su'si ka kuu tna ro,
vaa sa'ya Su'si iya iyo onde sukun ma ka kuu ro.
7Kovaa jin kûu ro sukan ka ji'i ndeva'a‑ni ñayii ma,
visi sa'ya tee ka tatnuni‑ka ma ka kuu i, sukan jin naa ro”,
kúu ya jiña'a ya.
8Su'si, ndokuiñi ni, te ndakan ni kuenda nuu ñayii ñuu ñayivi a,
vaa kuenda maa ni ka kuu ñayii ka iyo ni‑ka'nu ñuu ñayivi a.
Currently Selected:
Salmos 82: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
