Salmos 61
61
Salmo 61
Maa in‑ni Su'si ma kúu iya kasi ndee kasi ndoso ña'a nuu ja u'vi ma
1Su'si maa sa, koniniso'o ni ja jikan‑ta'vi sa nuu ni a,
te katanuu ña'a ni.
2Visi iyo sa onde ñuu ka iyo jika xeen ma,
kovaa ndákune'e ña'a sa,
vaa ve kuita ini anua sa ya.
Sonee tna ña'a ni onde nuu toto sukun‑ka sana saña ma.
3Vaa maa ni kúu nuu kuu chu'u sa,
vaa maa ni kúu ve'e sukun sukun‑ka nuu másu kuu kenda
ñayii ñatuu ka kunimani nuu sa ma.
4Te koo sa ve'e nuu iyo ni a ni‑kani ni‑jika,
te yukan chi koo va'a sa, vaa chii ndijin ni a kinee va'a sa.
5Vaa maa ni kúu Su'si sa,
te ni jiniso'o ni ja ni skuiso sa nuu ni ma,
te ni taa ni ja ni nduta'vi sa a,
tna'a ja ka ni'i ñayii ka kandija ja ká'an ni ma,
vaa ka yu'u ña'a i ja ndakan ni kuenda nuu i ma.
6Sa'a ni ja koteku kani‑ka rey ya,
sukan‑va'a koteku de kua'a xeen‑ka kuiya.
7Te koo de ni‑kani ni‑jika nuu ni a, vi Su'si,
te ja sukan nda'vi ini ni a ji'in tnu'u ndaa tnu'u ndija ká'an ni a,
na jin chindee i rey ma ja na koo va'a de nuu maa ni a, vi Su'si.
8Te ja sukan sa'a sukan kúu ni a,
te ko kata sa nuu ni ni‑kani ni‑jika,
te sukan, te ndataa sa ja ni skuiso sa nuu ni ma ndi‑kivi ndi‑kivi.
Currently Selected:
Salmos 61: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
