Salmos 47
47
Salmo 47
Su'si ma kúu Rey iya tátnuni ni‑ka'nu ñuu ñayivi a
1Ndaka ni ja ka iyo ni ndaka ñuu ma, jin katu nda'a ni,
te jin kayu'u ni, jin kata ni ja ka iyo sii ini ni,
te sukan jin ndachiñu'u ni Su'si o ma.
2Vaa Su'si iya iyo onde sukun ma kúu Iya Tátnuni,
te jín koyu'u o ya,
te máko jin sa'a o ni a in ja ñatuu nde játna ini ya ma,
vaa maa ya chi kúndee ya nde'ya ya ni‑ka'nu ñuu ñayivi ya.
3Te maa ya sa'a ja kuu jin tatnuni o
nuu ndaka ñuu na'nu ñuu kuechi
ka iyo ni‑ka'nu ñuu ñayivi a,
te jin kandija i ja jin ka'an o ma.
4Te maa ya ni kaji in ñu'ú vava'a ko kuu ta'vi o,
te ni kusii ini xeen Jacob ma ja ni kuta'vi de ñu'u yukan,
vaa Su'si ma chi ni yo kutoo xen‑xeen ya de.
5Te ka kayu'u i ja ka iyo sii ini i, te ka tivi i trompeta ma,
te ni ndaa Su'si Iya Tátnuni ma nuu núkoo ya ma.
6Jín kata o nuu Su'si ma, vaa maa ya kúu Rey tátnuni nuu o a,
te chukan kúu ja jín kata o, te jín ndachiñu'u o ya.
7Te ni‑yu'u ni‑ini o jín kata o yaa játna ini maa ya ma,
vaa maa ya kúu rey iya tátnuni ni‑ka'nu ñuu ñayivi ya.
8Te onde nuu ii nuu núkoo ya ma,
te tátnuni ya ni‑ka'nu ñuu ñayivi ya.
9Ndaka tee ka netniñu in in ñuu ma,
ni jan koo de ni jan nu tu'va de sa'ya tata
tee ni yo nani Abraham ma,
ja ka kuu de ñuu Su'si o ma.
10Vaa maa Su'si ma tátnuni
nuu ndaka tee ka tatnuni ndaka ñuu ma
te nuu maa in‑ni ya iyo xeen jayiñu'u.
Currently Selected:
Salmos 47: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
