Salmos 133
133
Salmo 133
Naka vii naka va'a kúu ja jin kutoo tna'a o ma
1¡Jín konde'ya o ja naka vii naka va'a kúu ja vivii jin koo tutu
ndaka o ja ni ka nduu o sa'ya Su'si o a,
te jin koo sii ini o!
2Kuenda kúu ndute jáxiko asi ka chiso i xini sutu Aarón ma,
ja núu de onde ixi yu'u de ma onde sukun sa'ma de ma.
3Xi kuenda kúu yuyu núu yuku nani Hermón ma,
te núu i siki yuku nani Sion ma, ja vivii iyo ma.
Te sukan kúu nuu ka ndatna'a o ma,
vaa yukan tétniñu Iya Tátnuni ma ja vii ja va'a,
te sa'a ya ja jin koteku o ni‑kani ni‑jika.
Currently Selected:
Salmos 133: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
