Salmos 130
130
Salmo 130
Ka kukanu ini o ja maa Su'si ma sa'a ja jin kaku o nuu ja u'vi ma
1Onde nuu kunu xen‑xeen ma ñunee sa,
te káyu'u sa kána ña'a sa ja ndánduku ña'a sa, vi Su'si.
2Iya Tátnuni, koniniso'o ñukuun ni ja ká'an sa a,
te kuni ni sukan jikan‑ta'vi jikan‑ta'vi sa nuu ni a.
3Nute ndijin ma, vi Su'si, te ndakan ni kuenda nuu ndaka sa
ja u'vi ni ka yo sa'a sa ma
chi masu na in kundee ini ja konukuiñi i nuu ni ma
te ka'an i ja masu na kuechi i ma, vi Su'si.
4Kovaa nú na in na kandija ja ká'an ni ma
chi sakanu ini ni kuechi i ma,
te ndachiñu'u ña'a i,
te masu ko sa'a‑ka i ja u'vi ma, vi Su'si.
5Saña chi ni yo ndetu sa Iya Tátnuni ma,
vaa anua sa ya chi ni yo ndetu ka'nu kuiti i ya,
vaa ni kukanu ini sa ja sa'a ya sukan ká'an tnu'u maa ya ma.
6Te ini anua sa ya chi ndetu ka'nu kuiti i Iya Tátnuni ma.
Vi'i‑ka kúu sa sana sukan kúu in soldado ja jito de ñuu de ma
te ndetu ka'nu kuiti de ja na ndii ma,
xi vi'i‑ka kúu sa sana sukan kúu in ñayii ja iyo nawa jito i ma
te ndetu ka'nu kuiti i ja na ndii ma.
7Ñuu Israel, jin kondetu ka'nu kuiti ni Iya Tátnuni ma,
vaa Iya Tátnuni ma chi nda'vi xeen ini ya,
te maa ya chi iyo tnu'u ndee tnu'u ndatnu ya
ja sa'a ya ja jin ndayaa ni nuu ja u'vi ma.
8Ndijin ja ka kuu ni ñayii ñuu Israel a,
maa ya sa'a ja jin ndayaa ni nuu ndaka ja u'vi ma.
Currently Selected:
Salmos 130: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
