Salmos 129
129
Salmo 129
Jín ndatna'a maa ñayii ñatuu ka kunimani nuu o ma ja kan‑nuu
1Kua'a xeen ja ni ndo'o, ni neni sa onde nuu jaa‑ka sa ma
―te sukan na jin ndaka'an maa ñayii ñuu Israel ma―,
2nde'e xeen ni ka xndo'o, ni ka xneni ña'a i onde nuu jaa‑ka sa ma,
kovaa ñatuu ni ka kundee i ja jin chitna'nu ña'a i.
3Vaa kuenda tnu'u ja onde yata sa ya ni ka ya'a ñayii ka jitu ma,
te ni ka sa'a kunu‑ka i yukun ma.
Ûni sukan ni jini sa nuu ni ka xndo'o, ni ka xneni ña'a i ma.
4Kovaa Su'si Iya Tátnuni ma chi iya sa'a va'a sa'a ndaa kúu ya,
te ni ja'nde ya yo'o kaa ni ka ju'ni ña'a ñayii ka sa'a ja u'vi ma,
te ni kaku sa.
5Te jín ndatna'a maa ñayii ka sa'a ja u'vi ma ja kan‑nuu.
Ndaka maa i ja ka saxiko i ñuu Sion ma,
te jín ndakakayata maa i jín koo i.
6Te jín ko kuu maa i sukan‑ni kúu yi'i nana xini ve'e ma,
ja masu nde ja'nu ma, sani te yichi i ma.
7Ja ni masu nde ni'i ña'a tee ja'nde yi'i ma
ja xtutu de nuu nda'a de ma te ka'nde de.
Ni a jaku'un nuu nda'a de ma te ku'ni de kuenda nu'ni i.
Sukan‑ni jín ko kuu maa i.
8Te ni a ñayii jin ya'a kuan koo ma, masu jin kuña'a i:
“Su'si Iya Tátnuni ma, na skuta'vi ña'a ya ja vii ja va'a.”
Ni a jin kuña'a i nuu ñayii ya'a:
“Ja maa Su'si ma, te ka ka'an sa ja vii ja va'a ja jin kuu ni”,
chi ña'a.
Currently Selected:
Salmos 129: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
