Salmos 126
126
Salmo 126
Sukan jin kakan‑ta'vi o nuu Su'si ma ja na chindee ña'a ya ja na jin kaku o nuu ja u'vi ma
1Kivi ni sa'a Iya Tátnuni ma ja yo'o
ja ni ka yo iyo o nuu nda'a ñayii in‑ka ñuu ma,
ni ka ndakokuiñi o ñuu Sion ma,
te kuenda tnu'u ja ka jani o kúu ma.
2Kovaa sani te ni ka ndakusii o ja ni ka ndusii ini o,
te ni ka jita sii ini o nuu Su'si ma.
Te onde ñayii ka iyo in‑ka ñuu ma, ka ka'an i:
“Kua'a xeen ja va'a ja vii ni sa'a Su'si ma ja jin kuu ñayii ya'a”,
ka kuu i ka ka'an i.
3Vaa kua'a xeen ja va'a ja vii ni sa'a Iya Tátnuni ma
ja jin kuu o ma,
te chukan kúu ja ka kusii ini xeen o ya.
4Vitna ka jikan‑ta'vi sa nuu ni, vi Su'si Iya Tátnuni,
sukan sa'a ni ja tóo ndute nuu ñu'ú yichi ma,
te sukan sa'a tna ni ja na jin ndakokuiñi ñayii ñuu sa ya,
ja ni ka kunda'a ña'a ñayii in‑ka ñuu ma,
ja jin kunukuechi i nuu ñayii yukan ma.
5Vaa sa'a ka'an ni:
“Ñayii ka nda'yu kuan koo i ka saka i ndikin itu ma
chi sii ini xeen jin ndaxtutu i kivi ni kuu ma.
6Vaa visi ka nda'yu i kuan koo i ja ka ndo'o ka neni i
ka saka i ma,
kovaa sii ini xeen jin ndakokuiñi i,
vaa ndendee i ka ndiso i ja jâ ni ka ndaxtutu i
ja ni ka saka i ma.”
Sa'a ka'an ni vi.
Currently Selected:
Salmos 126: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
