Salmos 125
125
Salmo 125
Su'si ma chi jito vava'a ya ñayii ñuu ya ma
1Ñayii ka kukanu ini Iya Tátnuni ma
chi sukan kúu yuku nani Sion ma
ja núkuiñi vava'a i ni‑kani ni‑jika ma,
sukan ka kuu ñayii yukan.
2Sukan kúu ñuu Jerusalén ma ja ni ka ndakonduu ña'a yuku ma,
sukan kúu Iya Tátnuni ma, ni ndakonduu ya ñuu ya ma.
Jito ya i onde vitna, te sukan ko koto ya i ni‑kani ni‑jika.
3Te tnu'u ndee tnu'u ndatnu ja u'vi ma,
másu kua'a Iya Tátnuni ma tnu'u ja koo yatni i
nuu ka iyo ñayii ka sa'a ja va'a ja ndaa ma.
Vaa nasa yukan, te jin ko sa'a tna i ja u'vi ma.
4Su'si Iya Tátnuni, sa'a ni ja va'a ja jin kuu ñayii
ka sa'a ja va'a ma
te ka iyo ndaa ini anua i ma nuu ni.
5Kovaa ñayii ni ka kusiin ma te ka sa'a i ja u'vi ma,
chi maa Iya Tátnuni ma, jin nu chunee ya i
nuu ka iyo ñayii ka sa'a ja u'vi ma.
Kovaa ñayii ñuu Israel ma, na jin koo mani i.
Currently Selected:
Salmos 125: xtm
Highlight
Share
Compare
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.
