Idi Ufa 97
97
Anutufa uriqarara rakisirafa.
1Yaaweefa karaambaiqa marinara maa maqa maaqafa asasiani.
Ooruku nammariki mari afumausa faqa asasiaqa.
2Eekara oonnamu faqa asukuna faqa Yaaweena fiqu fiqu inoo maridanoo mina kukeeqa amaqaidanoo.
Mifa andeeqaranannai faqa amana amana kai raina nimaqararannai faqa faiqí anaasee rakisi nimaqaidanoo.
3Ida fannoo mina oorinni fidanoo mina namuqaa mina fiqu fiqu imariasa qamataika nimaqaidanoo.
4Mina aakuasaa fannoo aiqama maqa maaqaki kaaqa qamannimaqaifanoo, maa maqafa qafeenoo rufiaifanoo aindiri raidanoo.
5Aiyama maqa maaqa quqoo Karaambaiqana Yaaweena afusaa aaqanauqa tasirisirimma taikaidaqa.
6Innaaruna fannoo Yaaweena andeeqaranara kooroo ifaqa aiqama maqannaa mina areenarana qafaidaqa.
7Nisaukunnai auqimaria unna anutusa nimoo qimariasa Anutufa uqanna misa mareeqee nisauriranaki quqaidanoo.
Unna anutusauqa aiqama quandaki Yaaweena oorinni kummarama fuaqa.
8Yaaweena andeeqa nimaqara ufa marinara Sioona maqusanaasa faqa Yuda maqannaasa faqa asasidaqa.
9Oo Yaawee, anee aiqama afeeka faqaafa aiqama maqa maaqaki mariasa rakisi nimaqee marianafa mariananoo.
Aiqama unnaqira anutusa faqa firaaqoo urinnaaqararafa uqanna mariananoo.
10Yaaweefa mandoosanaa fidiaqaa imariasara aididanoo.
Mifa narí ufamau fimariasa misa mariranasaa rakisida ititannisaidanoo.
Mifa manda oosana maree mariasa nisaukukinaana mara kaqinni quqannisaidanoo.
11Kaaqa qarafa andeeqarausasaa kaaqa qaidanoo.
Andeeqara marirana faqaasaki asasirafa maridanoo.
12Innee andeeqaramau fimariasa, Yaaweefa auqoo ainainara irisee asasiaqa.
Naaquqara Anutufa auqoo ainainara oonumafi irisee dufi dufi qima amaqaaqa.
Currently Selected:
Idi Ufa 97: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
