Idi Ufa 91
91
Anutufa maasa itita qimaqee marifa maridanoo.
1Yafee Yaaweefa itita qimaqaani fee qimasee fimarifa faqa yafee aiqama afeeka faqaa Anutuna itita nimaqaranaki maridafee.
2Misa Yaaweenara maaqi qifaranoo, mifa maasa afeeka kukeeqara maqusa maridanoo fee qidaqa.
Mifa maasa Anutufa marifaqa minakai saqarikidaqa.
3Mifa namuqaa umee mandainainakinaana ani asumu maraannoo.
Manda kuqira auriranakinaana mareeqee kaqinni quqaannoo.
4Mifa kookooraanara foora narí aqoosannai ani itita amaqaannoo.
Anee mina aqoosaki keeqafinana itita amaqarana paqurinnaranoo.
Mina mapukusee marira oosana fannoo ani saqari kamma amaqeenoo ani faandaamurara foora mariannoo.
5Anee miqina maridana eendaki rufiee maria ainainausara sia rufieennaranoo.
Faasaana tautummasee ani mandaikamma amaqara ainainnara faqa sia rufieennaranoo.
6Eendaki faiqí narimari auriranara faqa sia rufieennaranoo.
Faasaana narimari manda ainainnara faqa sia rufieennaranoo.
7Ani aaqa wan tauseenna fasiqa kuqaki aqufifaranoo kafaa ani asauku uqannai maria fasiqausa ten tauseenna kuqiranaki fifaranoo.
Mi narirafa faqa sia uqanna ani aaqa aniannoo.
8Aneenna afunnoo manda oosana maree mariana akiiqara narirana qafeennaranoo.
9-10Anee uriqarara Anutunara itita qimaqee mari fee qiannanara faqa Yaaweenara qini afeeka kukeeqara maqusa fee qimasee keeqafuannanara sia moo manda ainaina anisaa aqufuannoo, sia moo ummaara ani maaqa aaqa aniannoo.
11Anee miqinanoo Anutufa narí qangeeroouqara qinaqa misa ani marirana niranasaa rakisi amaqeefaranoo.
12Mi qangiroosa nári nisaukunnai ani qumaraifana sia oonisaa aiku rupaurinnaranoo.
13Anee raioona faqa manda sakani faqa nimuaaqa aiku reennaranoo.
Raioona firaana faqa ukadiqa faqa aikunnai radamusainaqa sia ani arifaranoo.
14Anutufa maaqi qidanoo, qinee qiniara nidimarisa manda ainainakinaana qumareeqee kaqinni quqaanaura.
Qiniara karaambaiqee qimasee irimarisa qinee itita nimaanaura.
15Misa qini daaraifaqa maqi qimasee kaifaa qimamianaura.
Misa ummaaraki marifaqa misa faqa maridaqa dadaaqammianaura.
Qinee misa mandainainakinaana uqeerasee uriqarara nuqu nimianaura.
16Qinee misa marirana kisaaqaikamma nimaqasee manda ainainakinaana mareeqee kaqinni quqaanaura.
Currently Selected:
Idi Ufa 91: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
