Idi Ufa 75
75
Anutuna raina nimaqarafa.
1Oo Anutu, maasa aniara dufi dufi qidaqa ani auqu uqeeraidaqa.
Maasa anee uriqararafa mariannanara kooroommasee qimannimisee kaifaa anee naaquqara uriqarara ainaina auqoonnanara faqa aiqamausa qimannimidaqa.
2Anutufa maaqi qidanoo.
Qinee ufa irira faasaana utaaqamaqaunanoo maridanoo, qinee andeeqasee amana amana kai raina nimaqara oosanannoo raina nimaqaanaura.
3Maa maqa maaqanakinaa aiqama ainaina rufieeqa naindiri raifanoo maqa faqa kasinaqa qinee Anutusa kai mina oosana atukaramma qumaraananoo sia kaaqa mandaikiannoo.
4Qinee manda oosana maree mariasa sia ramoo ramaa iaqeera qimannimidaqa.
5Qinee maaqi qimasee qimannimidaqa. Innee sia inneeqa nuqu uqeeraseeqa qiniara sia fee qiaqa.
6Raina nimaqara oosana fannoo sia suani oosanaindari fau sia suani keeqee marinnaindari fau sia dinni dinni ataaqeendari fau anidanoo fau.
Sia moo fannoo suani dinni dinni ataaqeendari amana faiqí raina nimaqaannoo.
7Anutufa kai faiqí rainee marifa maridanoo.
Mifa kai moo mara maqasaa muqufi quqaidanoo, moo uqeerasaifanoo uriqaraidanoo.
8Yaaweefa narí asaukuki narí aanooqira nammari taqu uaqee idanoo.
Mi taqufa afeeka wainna mina aanooqirafa qumbiqanoo marina uaqee idanoo.
Mifa mi nammarina adiasaifaqa aiqama manda oosana maree mariasa namaseeqa mandainainaki maridaqa.
Misa aiqama nama taikaidaqa, sia atiti taquki kaqi mariannoo.
9Qinee Yakooboona Anutunara naaruara naaruara koorooiqa fuanaura.
Qinee Yakooboona Anutunara idi raidaqa amooqianaura.
10Mifa manda oosana maree mariasa afeeka aiqama rauda nimaqaannoo.
Andeeqara oosana maree mariasa afeeka moo faqa moo faqa nimiannoo.
Currently Selected:
Idi Ufa 75: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
