Idi Ufa 12
12
Dadaaqiani fee innaaru.
1Oo Yaawee maasa dadaaqia, sia uqanna moodaa andeeqara fasiqa maridanoo.
Kuqaa kai qimari fasiqanara randeenana sia paqurinnaranoo.
2Misa nári niqoonausara unnufa kai qiqanuasa maridaqa.
Misa fadameena akusee nikaru qidaqa.
3Oo Yaawee anee fadameena akira ufa qimaria nifauruna ititannisaa.
Nári nimooqida nári nuqu uqeeree maria nifauruna faqa ititannisaa.
4Misa maaqi qidaqa maasa qeeqa ufannai maasa didimari ainaina maraidaqee qidaqa.
Maasa didimari ufana kaqi qianaura, sia moo fannoo maasa doo ititaannoo fee qidaqa.
5Yaaweefa maaqi qidanoo. Kudi fasiqauqa rafaaqafi marianara faqa aupurarana nimiafaqa
anaadannada qimarianara faqa qinee maqee aniree misa dadaaqianauree qidanoo.
Qinee anireeqa nifaaqa quqasee mariranara rakisimariana nimianaura.
6Yaaweena qima afeekaikira ufasaa nifaaqa quqee mariafa maridanoo.
Mi ufafa amiqira siruaa qisauku dinni taikasee dinni
ani qaara marasee 7 kari tisirisiri maqaafara foora kaaqa amiqirafa maridanoo.
7Oo Yaawee anee maqee maqee maasa ititaqisaa.
Mi manda fasiqausasaa ititasainaqa sia maasa mandaikamma qimaqaaqa.
8Manda oosana maree mariasa aiqamatinai maridaqa.
Aiqama fasiqa anaasee mandoosanara amiqira ainainee qimasaida asasidaqa.
Currently Selected:
Idi Ufa 12: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
