Idi Ufa 11
11
Yaaweenaki afaaqa uqara ufa
1Qinee Yaaweena saqarikiananoo mifa qini ititaqimaqaannoo.
Anee nana furufaree inanee qiniara ufiniara foora qaqamaree aaqanai ooru fuannee qidanee.
2Misa maaqi qimasee kaifaa unna qimasee qima qimidaqa.
Manda oosana maree mariasa nári duru rambaqa fufusee, dindaramasee andeeqarausa qumee kukeeqaindari nariraree qidaqa.
3Maa maqanasaa aiqama maasa dadaaqi maria ainainausa mandaikinaqa andeeqara fasiqauqa naqaa fee ifaree.
4Yaaweefa narí naaquqara amaana maqaki maridanoo, mina ufirira qaari innaarunai ufiqinoo marifanoo minasaa maridanoo.
Miqooqari mina afu fannoo aiqama fasiqa anaasee aiqamatinai nindafaidanoo.
Misa auqee marianara iridanoo.
5Yaaweefa andeeqee mariasa faqa aaqee mariasa faqa amana amana kai niuqidanoo.
Sia mina sandufa afaqee mariasara Yaaweefa narí amuqusa aiqamannoo misara fidiaqaammidanoo.
6Mandoosana maree mariasa Yaaweefa ida qauni
namufaqa idauru fasafasi marina namufaqa nammariara foora teeqimma nimaqaidanoo.
Mifa ididimari ufainannoo misa aupurarana nimidanoo.
7Yaaweefa andeeqarafa maridanoo.
Mifa andeeqaranara aididanoo.
Miandeeqara oosanna maree mariasa misa Anutuna oorisaa marifaranoo.
Currently Selected:
Idi Ufa 11: bjr
Highlight
Copy
Compare
Share
Want to have your highlights saved across all your devices? Sign up or sign in
© 2017 Wycliffe Bible Translators, Inc. All rights reserved.
