Ziz 20
20
Ma ya Sataan ‑palʋʋnpa liowlu ‑tabhlu
1Na, n ya 'bhlaandlee* bhlo 'lɩ, ɔ 'wlʋlʋa ‑laagɔɔn. Ɔ ‑kaa 'bhukua ‑ʋ 'ta 'lɛ 'wlukoda ‑ka na 'la 'safɛa ɩya ‑abhluaka 'kadie wlɩɩn. 2Ɔ ya ‑gbɔgbʋmlɛa, ‑godogodotlɛa, ‑ɛ ‑glɩ 'lɛ gɔzɛ ɩya Sataan* na 'kʋbhli 'nyɩ ɔ yɛɛ gʋa le ɛ 'ka 'bhlia nɩkplaan liowli ‑tabhlu li. 3Ɔ yɛɛ 'bhukua ‑ʋ 'ta 'lɛ 'wlukoda ‑ka na nɩkplaan 'pa, ɔ yʋʋ kpaslɩlɩ 'nyɩ ɔ yʋʋ 'tla le ɛ 'la kanɩ ncɛlɩ 'nyiglili ‑aan ɩya liowlia ‑tabhlua 'ka 'kʋcɩlɩ. ‑Ma ‑ɩ ‑fata lebhe ɩmɩ ‑naa leen, ma 'talɩɛ 'cin ɩya ɛ 'ka ‑clɩɩklipɛ 'plɩmʋ.
4'Nyɩ n ya ‑kwlekpu 'lɩ. Ma ya maa ‑ɔ cii 'lɛ ‑kʋ sakʋkan na 'tɩtɩplalɩɛ 'la ‑jioli 'nyɩ. N ya ‑awlɛ maa ma 'dɩ 'lɛ 'wli 'kʋ, Zozii 'la ‑danʋfʋɛa ma li 'lɛ na 'la gbʋ ɩya Laagɔ 'la niwɔlɩa 'la gbʋ na 'la 'wugwia 'lɩ, ɩya maa ‑ɔ 'taa 'lɛ mlɛa ‑aana ɛla palalɩlʋʋa gʋgwla 'nyɩ ‑ɔ 'taa 'lɛ ɛla cibhlilidaa 'kʋtaan ‑aana sɔ cɩ ‑ka na ‑masɛɛ. Ma ya 'kwɩɩnkʋbho 'nyɩ maya Klisi yaa ‑kwle ‑aan liowli ‑tabhlu. 5'Lɩka ‑bɛka ‑kwɩɩnkʋbhuea. ‑Daa 'kua 'ta 'kwɩɩnkʋbho ‑aan 'nyɩ liowlia ‑tabhlua ya 'lɛ 'kʋcɩlɩ. 6Ma ‑kʋ 'nanɩ 'nyɩ ma ‑glɩ ‑kplɔkplɔnya, maa ‑ɔ ‑kʋmʋ 'lɛ ‑bɛka ‑kwɩɩnkʋbhuea nɩkplaan na. ‑Mɔsɔ kwɩa 'tanɩ maa ‑jioli 'kʋ ‑kalɩ. Ma cɩ 'ka Laagɔ ɩya Klisi 'la ‑teyiyinya 'plɩ ɩya ma ‑yɔɔsɔ 'ka liowli ‑tabhlu nɩkplaan ‑kwle.
Tʋa ya Sataan ‑sɩa
7Daa liowlia ‑tabhlua cɩ 'ka 'lɛ 'kʋcɩlɩ na, ma cɩ 'ka Sataan* 'cintalɩ ɩya ɔ 'ka ɔla ‑palʋʋnpapalʋa ‑zɔn 'wlʋ, 8ɩya ɔ 'ka mʋ, ɔ 'ka ‑dʋdʋa 'kʋ 'la ‑kotia ‑nmɔɔnaa ma la 'lɛ Gɔgʋ ɩya Magɔgʋ na 'la ncɛlɩa 'nyiglili. Ɔ cɩ 'ka maa 'wluwlalɩ le ma 'ka tʋ vʋ: Ma ‑zu le ‑gezɔn 'la 'nyonu. 9Ma ya ‑dʋdʋa ‑tɛtɛa 'kʋcɩlɩ 'nyɩ ma ya Laagɔ 'la ncɛlɩa 'la sakʋdaa ɩya ɔla ‑wawadua kpamu. ‑Ma ‑kosu ya ‑laagɔɔn 'wlʋlʋ 'nyɩ ʋ ya maa ‑sie. 10'Nyɩ ma ya gɔzɛ, mala 'nyiglilinyɔa, ‑kosua ɩya pipi sloa 'la 'bhukua nɩkplaan 'pa, 'yɛpɩ mlɛa ɩya yooyo Laagɔnekʋnyɩtɛnyɔa* cɩ. 'Nyɩ 'kwlɩ cɩ 'ka maa bhɩa zezezelɩɩn ɩya bhlibhliylʋʋn, 'lʋkʋlʋkʋ ɩya 'lʋkʋlʋkʋ.
Bhɩalɩtɩtɩa
11Na, n ya ‑kwlekpokadie 'pɔpʋa bhlo ɩya ɔmɔa ‑ɔ ‑kʋa 'lɛ 'kʋ sa na 'lɩ: ‑Laagɔɔn ɩya ‑dʋdʋa yɔɔ 'ci 'kʋ mlɔnʋ 'nyɩ ma cɩ 'tanɩɩ 'lɩ. 12'Nyɩ n ya 'kua 'lɩ, 'cuo ɩya ‑glɛɛglɛnya, ɩ 'nylugoa ‑kwlekpoa ‑deliin, 'nyɩ ‑afluwi ya ‑kalɩɔ. ‑Daa ‑afluwa bhlo ya ‑kalɩɔ: Jabhʋa 'la ‑afluwaa, 'nyɩ ma ya 'kua 'tɩtɩpla, ɩla nʋnʋgbɩa ɩya ɩmɩa ‑ɩ ‑zieoa 'lɛ ‑afluwia nɩkplaan na 'la 'sasʋʋn. 13Gea ya ɛla 'kua ‑zɔnwlaa, 'kwɩ ɩya 'kuduku ‑ma ya ɩla 'kua ‑zɔnwlaa 'nyɩ ma ya nclɔɔ nclɔɔ 'tɩtɩpla, ɔla nʋnʋgbɩa 'la 'sasʋʋn. 14Na, ma ya 'kwɩ ɩya 'kuduku ‑kosubhukua nɩkplaan 'pa. ‑Kosubhukua ‑glɩ 'lɛ ‑mɔsɔ kwɩa! 15Ncaatʋtʋʋntʋa ɔla 'ŋlɩ 'ta 'lɛ jabhʋa 'la ‑afluwaa nɩkplaan ‑zieo na, ‑kosubhukua nɩkplaan ma pɔɔ 'lɛ.
Currently Selected:
Ziz 20: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 20
20
Ma ya Sataan ‑palʋʋnpa liowlu ‑tabhlu
1Na, n ya 'bhlaandlee* bhlo 'lɩ, ɔ 'wlʋlʋa ‑laagɔɔn. Ɔ ‑kaa 'bhukua ‑ʋ 'ta 'lɛ 'wlukoda ‑ka na 'la 'safɛa ɩya ‑abhluaka 'kadie wlɩɩn. 2Ɔ ya ‑gbɔgbʋmlɛa, ‑godogodotlɛa, ‑ɛ ‑glɩ 'lɛ gɔzɛ ɩya Sataan* na 'kʋbhli 'nyɩ ɔ yɛɛ gʋa le ɛ 'ka 'bhlia nɩkplaan liowli ‑tabhlu li. 3Ɔ yɛɛ 'bhukua ‑ʋ 'ta 'lɛ 'wlukoda ‑ka na nɩkplaan 'pa, ɔ yʋʋ kpaslɩlɩ 'nyɩ ɔ yʋʋ 'tla le ɛ 'la kanɩ ncɛlɩ 'nyiglili ‑aan ɩya liowlia ‑tabhlua 'ka 'kʋcɩlɩ. ‑Ma ‑ɩ ‑fata lebhe ɩmɩ ‑naa leen, ma 'talɩɛ 'cin ɩya ɛ 'ka ‑clɩɩklipɛ 'plɩmʋ.
4'Nyɩ n ya ‑kwlekpu 'lɩ. Ma ya maa ‑ɔ cii 'lɛ ‑kʋ sakʋkan na 'tɩtɩplalɩɛ 'la ‑jioli 'nyɩ. N ya ‑awlɛ maa ma 'dɩ 'lɛ 'wli 'kʋ, Zozii 'la ‑danʋfʋɛa ma li 'lɛ na 'la gbʋ ɩya Laagɔ 'la niwɔlɩa 'la gbʋ na 'la 'wugwia 'lɩ, ɩya maa ‑ɔ 'taa 'lɛ mlɛa ‑aana ɛla palalɩlʋʋa gʋgwla 'nyɩ ‑ɔ 'taa 'lɛ ɛla cibhlilidaa 'kʋtaan ‑aana sɔ cɩ ‑ka na ‑masɛɛ. Ma ya 'kwɩɩnkʋbho 'nyɩ maya Klisi yaa ‑kwle ‑aan liowli ‑tabhlu. 5'Lɩka ‑bɛka ‑kwɩɩnkʋbhuea. ‑Daa 'kua 'ta 'kwɩɩnkʋbho ‑aan 'nyɩ liowlia ‑tabhlua ya 'lɛ 'kʋcɩlɩ. 6Ma ‑kʋ 'nanɩ 'nyɩ ma ‑glɩ ‑kplɔkplɔnya, maa ‑ɔ ‑kʋmʋ 'lɛ ‑bɛka ‑kwɩɩnkʋbhuea nɩkplaan na. ‑Mɔsɔ kwɩa 'tanɩ maa ‑jioli 'kʋ ‑kalɩ. Ma cɩ 'ka Laagɔ ɩya Klisi 'la ‑teyiyinya 'plɩ ɩya ma ‑yɔɔsɔ 'ka liowli ‑tabhlu nɩkplaan ‑kwle.
Tʋa ya Sataan ‑sɩa
7Daa liowlia ‑tabhlua cɩ 'ka 'lɛ 'kʋcɩlɩ na, ma cɩ 'ka Sataan* 'cintalɩ ɩya ɔ 'ka ɔla ‑palʋʋnpapalʋa ‑zɔn 'wlʋ, 8ɩya ɔ 'ka mʋ, ɔ 'ka ‑dʋdʋa 'kʋ 'la ‑kotia ‑nmɔɔnaa ma la 'lɛ Gɔgʋ ɩya Magɔgʋ na 'la ncɛlɩa 'nyiglili. Ɔ cɩ 'ka maa 'wluwlalɩ le ma 'ka tʋ vʋ: Ma ‑zu le ‑gezɔn 'la 'nyonu. 9Ma ya ‑dʋdʋa ‑tɛtɛa 'kʋcɩlɩ 'nyɩ ma ya Laagɔ 'la ncɛlɩa 'la sakʋdaa ɩya ɔla ‑wawadua kpamu. ‑Ma ‑kosu ya ‑laagɔɔn 'wlʋlʋ 'nyɩ ʋ ya maa ‑sie. 10'Nyɩ ma ya gɔzɛ, mala 'nyiglilinyɔa, ‑kosua ɩya pipi sloa 'la 'bhukua nɩkplaan 'pa, 'yɛpɩ mlɛa ɩya yooyo Laagɔnekʋnyɩtɛnyɔa* cɩ. 'Nyɩ 'kwlɩ cɩ 'ka maa bhɩa zezezelɩɩn ɩya bhlibhliylʋʋn, 'lʋkʋlʋkʋ ɩya 'lʋkʋlʋkʋ.
Bhɩalɩtɩtɩa
11Na, n ya ‑kwlekpokadie 'pɔpʋa bhlo ɩya ɔmɔa ‑ɔ ‑kʋa 'lɛ 'kʋ sa na 'lɩ: ‑Laagɔɔn ɩya ‑dʋdʋa yɔɔ 'ci 'kʋ mlɔnʋ 'nyɩ ma cɩ 'tanɩɩ 'lɩ. 12'Nyɩ n ya 'kua 'lɩ, 'cuo ɩya ‑glɛɛglɛnya, ɩ 'nylugoa ‑kwlekpoa ‑deliin, 'nyɩ ‑afluwi ya ‑kalɩɔ. ‑Daa ‑afluwa bhlo ya ‑kalɩɔ: Jabhʋa 'la ‑afluwaa, 'nyɩ ma ya 'kua 'tɩtɩpla, ɩla nʋnʋgbɩa ɩya ɩmɩa ‑ɩ ‑zieoa 'lɛ ‑afluwia nɩkplaan na 'la 'sasʋʋn. 13Gea ya ɛla 'kua ‑zɔnwlaa, 'kwɩ ɩya 'kuduku ‑ma ya ɩla 'kua ‑zɔnwlaa 'nyɩ ma ya nclɔɔ nclɔɔ 'tɩtɩpla, ɔla nʋnʋgbɩa 'la 'sasʋʋn. 14Na, ma ya 'kwɩ ɩya 'kuduku ‑kosubhukua nɩkplaan 'pa. ‑Kosubhukua ‑glɩ 'lɛ ‑mɔsɔ kwɩa! 15Ncaatʋtʋʋntʋa ɔla 'ŋlɩ 'ta 'lɛ jabhʋa 'la ‑afluwaa nɩkplaan ‑zieo na, ‑kosubhukua nɩkplaan ma pɔɔ 'lɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.