Ziz 19
19
Ma ya tasɩalʋ ‑laagɔɔn bhlɩ
1Na, wɔlɩ ‑naa 'la leen, n ya 'nu 'nyɩ 'kasɛ ya ‑laagɔɔn talo le saa ‑alawlee 'kadie 'la 'kasɛ ‑kʋ 'lɛ na, 'nyɩ 'yɛpɩ claa lebhe:
«‑Aleluya*!
Gbʋʋnsalɩɛ, 'klʋagba ɩya 'tɛtɩ ‑glɩ ‑ala Laagɔ 'la da.
2Sa, ɔla 'tɩtɩplalɩɛa ‑glɩ ‑nʋawlɛ 'nyɩ ɩ 'nylugolu 'kʋ.
Ɔ ya ‑badaagluliŋlɔa ‑ɔya ɔla ‑badaaglua nyumoa 'lɛ
‑dʋdʋa 'kʋ 'la ncɛlɩa na, 'tɩtɩpla
'nyɩ ɔ yɔɔ 'lɛ ɔla lobhocuoa 'la ‑dolua ɔ 'kɔsɔ 'lɛ sa na 'la kpaa 'kʋ ‑salɩ.»
3'Nyɩ ma ya ‑awlɛ 'cla lebhe:
«‑Aleluya!
'Dua 'la gbacʋa bho 'kʋ 'lʋkʋlʋkʋ ɩya 'lʋkʋlʋkʋ.»
4Ncaakpasɩa ‑glʋʋa ɩya ‑nmɔɔnaa ɩya mlaa ‑nmɔɔnaa ya ‑kukoonkplii sasla, ma ya Laagɔ, ‑ɔ ‑kʋ 'lɛ nyɩbhɛlɩkpoa 'kʋ sa na gʋgwla, 'nyɩ ma ya 'cla lebhe:
«Ɩ kʋ sɛɛ! ‑Aleluya!»
5Na, ‑blɩɩzɔn bhlo ya kpoa 'kʋ 'wlʋlʋ, ʋ claa lebhe:
«A wo ‑ala Laagɔ ‑evli, anyɩ ɔla lobhocuoa ‑tɛtɛa,
anyɩa ‑ɔ ‑zʋɔ 'lɛ na, 'cuo ɩya ‑glɛɛglɛnya!»
6'Nyɩ 'kasɛ ya talo le saa ‑alawlee 'kadie 'la 'kasɛ ‑kʋ 'lɛ na,
le saa ge 'la gbɛtɛlɩɛ 'kʋ 'lɛ na,
le saa gude 'la gbalɩɛ ‑kʋ 'lɛ na.
Ma claa lebhe: «‑Aleluya!
Sa ‑Kwlenyɔ, ‑ala Laagɔ, 'tɛtɩa 'fɩan toa ya ɔla ‑kwleliea
kpo 'kʋ zʋ.
7‑A nʋ ‑pɔpʋɛ, ‑a kʋ ‑jaabɔɔn ɩya ‑a 'nyɩɔ 'klʋagba,
sa 'lɩka 'bhlabhlɩcoa 'la 'cɩcɩɛnʋtlɔnblɩa.
Ɔla 'ŋlɔa ya bhɔsʋa,
8‑jioli yɔɔ ‑nyɩɔ, le ɔ bibie leleslɛkɛlokwi 'titi,
sa -slɛkɛlokwia ‑glɩ Laagɔ 'la ncɛlɩa 'la 'kʋnylugolunʋnʋgbɩa.»
9Na, 'bhlaandlee* bhlo yaan 'cla lebhe: Zie lebhe: «Ma ‑kʋ 'nanɩ, maa ‑anʋa ma la 'lɛ 'bhlabhlɩcoa 'la 'cɩcɩɛnʋtlɔnblɩa 'kʋ na!» 'Nyɩ ɔ ya ‑awlɛɛn 'lɛ 'cla lebhe: «Laagɔ 'la wɔɔnyɩtʋ 'titi ‑kʋ 'lɛ ‑da.» 10Na, n yɔɔ ‑deliin ‑kukoonkplii sasla le n 'kɔɔ gʋgwla, ‑ma ɔ yaan 'cla lebhe: «‑Naa nʋa sɛɛ! ‑Ma lobhoco n ‑glɩmʋ 'lɛ, ‑n ‑ya ‑n bholiecɩa ‑ɔ 'plɩlɩ 'lɛ Zozii 'la niwɔlɩa 'kʋ na 'bhisa. Laagɔ ɩ ‑fata 'lɛ lebhe ‑n gʋgwla, sa Zozii 'la niwɔlɩa 'kʋ Laagɔnekʋnyɩtɛnyaa* 'la lobholia 'slalɩɔ 'lɛ.»
Laagɔ 'la ‑Sasanyɔa ya tʋa ‑sɩa
11Na, n ya ‑laagɔɔn 'lɩ, ɩ ya 'gbokalɩ, 'nyɩ ‑kpangɔ 'pɔpʋ bhlo ya ‑zɔnwlʋ. Ɔmɔa ‑ɔ ‑gbɩʋ 'lɛ 'kʋ na, ma lɔɔ nclɔɔa ma cɩ 'lɛ ‑deli 'kʋ 'tɛbhalɩ na ɩya ‑nʋawlɛɛnyɔ. Ɔla 'tɩtɩplalɩɛ ɩya tavʋlɩɛ 'nylugolu 'kʋ. 12Ɔla 'cia ‑glɩ ‑kosuzalʋ. Ɔ ‑kaa nyɩbhɛlɩkpoonkpu ‑bhutukpa 'wlu 'nyɩ 'ŋlɩa ɔmɔ bhlogbɩɩ ‑tɛɛ ‑ci 'lɛ na, ‑zieo 'lɛ cɩ. 13Ɔ ‑bibiea lokwia ‑ɛ ‑budo 'lɛ ‑dolu na 'nyɩ ɔmɔ ma la 'lɛ Laagɔ 'la wɔɔnyɩtʋa. 14‑Laagɔɔn 'la tavʋkandinyaa gɩlɩa 'mɔɔ, ma ‑gbɛa ‑kpangwɩ 'pɔpɩ 'kʋ, 'nyɩ ma ‑plaa -slɛkɛlokwi 'pɔpʋɛ 'titi nɩkplaan. 15'Nɛnɛlɛtɛ wlʋa 'mɔɔ neen, le ɔ 'kɛɛ 'ma ɩya ɔ 'ka 'bhlɩ 'bhlɩ 'kʋ 'la ncɛlɩa ‑tɛtɛa 'bhla. Ɔ cɩ 'ka letiepɛ 'ma ɩya ɔ 'ka maa ‑kwle. Ɔ su ‑ghlɛzɛɛncaa Laagɔ, 'tɛtɩa 'fɩan to 'la dɔgbɛa 'la ‑diivɛɛn ylidaa. 16'Ŋlɩ bhlo ‑zieo ɔla lokwia ɩya ɔla bhopolua 'kʋ, ɩmɩ ‑ɩ ‑glɩ 'lɛ nyɩbhɛlɩ 'la Nyɩbhɛlʋ ɩya ‑kwlenyaa 'la ‑Kwlenyɔ.
17'Nyɩ n ya 'bhlaandlee* bhlo 'lɩ, ɔ 'nylugoa 'ylʋbhuoa nɩkplaan. Ɔ yaan ‑gaa 'nyɩ ɔ ya libhlia ‑tɛtɛa ‑ɩ 'plɩlɩa 'lɛ ‑taatea nɩkplaan na, 'cla lebhe: A ci, a 'wlalɩ 'wlu Laagɔ 'la 'tlɔnblɩa 'kadiea ɔ palɩ 'lɛ sa na 'kʋ 18ɩya a 'ka nyɩbhɛlɩ, tavʋkanditocɩ, tavʋnyaa, ‑kpangwɩ ɩya ɩla 'kʋgbɛnyaa, ncɛlɩa ‑tɛtɛa, ‑ncɩkalɩnyaa ɩya geyea, 'cuo ɩya ‑glɛɛglɛnyaa 'la 'nyɛkɛa li.
19'Nyɩ n ya 'lɛ mlɛa, ‑dʋdʋa 'kʋ 'la nyɩbhɛlɩa ɩya mala tavʋkandia 'lɩ. Ma 'wlalɩa 'wlu le maya ‑kpangɔa 'la 'kʋgbɛnyɔa ɩya ɔla tavʋkandea 'ka tʋ vʋ. 20Ma ya mlɛa ɩya yooyo Laagɔnekʋnyɩtɛnyɔa* ‑ɔ 'plɩlɩ 'lɛ 'ciinzizielɩlobholia ɔ nʋnʋa 'mɛɛ 'lɛ 'ci 'kʋ na 'kʋ, 'nyɩ ɔ 'nyiglilia 'lɛ maa ‑ɔ ‑kaa 'lɛ mlɛa 'la cibhlilidaa cɩ 'nyɩ ‑ɔ gʋgwlaa 'lɛ ɛla palalɩlʋʋa na, 'kʋbhli. Ma ya maa ‑mɔsɔa 'la ‑jaja -naanʋa ‑kosu ‑zalʋa nɩkplaan 'pa. 21Lɛtɛa ɛ 'wlʋa 'lɛ ‑kpangɔa 'la 'kʋgbɛnyɔa neen na, ya ‑daa ncɛlɩa ‑tɛtɛa 'bhla 'nyɩ libhlia ‑tɛtɛa ya mala 'nyɛkɛa li ‑aan 'nyɩ ɩ ya lo.
Currently Selected:
Ziz 19: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 19
19
Ma ya tasɩalʋ ‑laagɔɔn bhlɩ
1Na, wɔlɩ ‑naa 'la leen, n ya 'nu 'nyɩ 'kasɛ ya ‑laagɔɔn talo le saa ‑alawlee 'kadie 'la 'kasɛ ‑kʋ 'lɛ na, 'nyɩ 'yɛpɩ claa lebhe:
«‑Aleluya*!
Gbʋʋnsalɩɛ, 'klʋagba ɩya 'tɛtɩ ‑glɩ ‑ala Laagɔ 'la da.
2Sa, ɔla 'tɩtɩplalɩɛa ‑glɩ ‑nʋawlɛ 'nyɩ ɩ 'nylugolu 'kʋ.
Ɔ ya ‑badaagluliŋlɔa ‑ɔya ɔla ‑badaaglua nyumoa 'lɛ
‑dʋdʋa 'kʋ 'la ncɛlɩa na, 'tɩtɩpla
'nyɩ ɔ yɔɔ 'lɛ ɔla lobhocuoa 'la ‑dolua ɔ 'kɔsɔ 'lɛ sa na 'la kpaa 'kʋ ‑salɩ.»
3'Nyɩ ma ya ‑awlɛ 'cla lebhe:
«‑Aleluya!
'Dua 'la gbacʋa bho 'kʋ 'lʋkʋlʋkʋ ɩya 'lʋkʋlʋkʋ.»
4Ncaakpasɩa ‑glʋʋa ɩya ‑nmɔɔnaa ɩya mlaa ‑nmɔɔnaa ya ‑kukoonkplii sasla, ma ya Laagɔ, ‑ɔ ‑kʋ 'lɛ nyɩbhɛlɩkpoa 'kʋ sa na gʋgwla, 'nyɩ ma ya 'cla lebhe:
«Ɩ kʋ sɛɛ! ‑Aleluya!»
5Na, ‑blɩɩzɔn bhlo ya kpoa 'kʋ 'wlʋlʋ, ʋ claa lebhe:
«A wo ‑ala Laagɔ ‑evli, anyɩ ɔla lobhocuoa ‑tɛtɛa,
anyɩa ‑ɔ ‑zʋɔ 'lɛ na, 'cuo ɩya ‑glɛɛglɛnya!»
6'Nyɩ 'kasɛ ya talo le saa ‑alawlee 'kadie 'la 'kasɛ ‑kʋ 'lɛ na,
le saa ge 'la gbɛtɛlɩɛ 'kʋ 'lɛ na,
le saa gude 'la gbalɩɛ ‑kʋ 'lɛ na.
Ma claa lebhe: «‑Aleluya!
Sa ‑Kwlenyɔ, ‑ala Laagɔ, 'tɛtɩa 'fɩan toa ya ɔla ‑kwleliea
kpo 'kʋ zʋ.
7‑A nʋ ‑pɔpʋɛ, ‑a kʋ ‑jaabɔɔn ɩya ‑a 'nyɩɔ 'klʋagba,
sa 'lɩka 'bhlabhlɩcoa 'la 'cɩcɩɛnʋtlɔnblɩa.
Ɔla 'ŋlɔa ya bhɔsʋa,
8‑jioli yɔɔ ‑nyɩɔ, le ɔ bibie leleslɛkɛlokwi 'titi,
sa -slɛkɛlokwia ‑glɩ Laagɔ 'la ncɛlɩa 'la 'kʋnylugolunʋnʋgbɩa.»
9Na, 'bhlaandlee* bhlo yaan 'cla lebhe: Zie lebhe: «Ma ‑kʋ 'nanɩ, maa ‑anʋa ma la 'lɛ 'bhlabhlɩcoa 'la 'cɩcɩɛnʋtlɔnblɩa 'kʋ na!» 'Nyɩ ɔ ya ‑awlɛɛn 'lɛ 'cla lebhe: «Laagɔ 'la wɔɔnyɩtʋ 'titi ‑kʋ 'lɛ ‑da.» 10Na, n yɔɔ ‑deliin ‑kukoonkplii sasla le n 'kɔɔ gʋgwla, ‑ma ɔ yaan 'cla lebhe: «‑Naa nʋa sɛɛ! ‑Ma lobhoco n ‑glɩmʋ 'lɛ, ‑n ‑ya ‑n bholiecɩa ‑ɔ 'plɩlɩ 'lɛ Zozii 'la niwɔlɩa 'kʋ na 'bhisa. Laagɔ ɩ ‑fata 'lɛ lebhe ‑n gʋgwla, sa Zozii 'la niwɔlɩa 'kʋ Laagɔnekʋnyɩtɛnyaa* 'la lobholia 'slalɩɔ 'lɛ.»
Laagɔ 'la ‑Sasanyɔa ya tʋa ‑sɩa
11Na, n ya ‑laagɔɔn 'lɩ, ɩ ya 'gbokalɩ, 'nyɩ ‑kpangɔ 'pɔpʋ bhlo ya ‑zɔnwlʋ. Ɔmɔa ‑ɔ ‑gbɩʋ 'lɛ 'kʋ na, ma lɔɔ nclɔɔa ma cɩ 'lɛ ‑deli 'kʋ 'tɛbhalɩ na ɩya ‑nʋawlɛɛnyɔ. Ɔla 'tɩtɩplalɩɛ ɩya tavʋlɩɛ 'nylugolu 'kʋ. 12Ɔla 'cia ‑glɩ ‑kosuzalʋ. Ɔ ‑kaa nyɩbhɛlɩkpoonkpu ‑bhutukpa 'wlu 'nyɩ 'ŋlɩa ɔmɔ bhlogbɩɩ ‑tɛɛ ‑ci 'lɛ na, ‑zieo 'lɛ cɩ. 13Ɔ ‑bibiea lokwia ‑ɛ ‑budo 'lɛ ‑dolu na 'nyɩ ɔmɔ ma la 'lɛ Laagɔ 'la wɔɔnyɩtʋa. 14‑Laagɔɔn 'la tavʋkandinyaa gɩlɩa 'mɔɔ, ma ‑gbɛa ‑kpangwɩ 'pɔpɩ 'kʋ, 'nyɩ ma ‑plaa -slɛkɛlokwi 'pɔpʋɛ 'titi nɩkplaan. 15'Nɛnɛlɛtɛ wlʋa 'mɔɔ neen, le ɔ 'kɛɛ 'ma ɩya ɔ 'ka 'bhlɩ 'bhlɩ 'kʋ 'la ncɛlɩa ‑tɛtɛa 'bhla. Ɔ cɩ 'ka letiepɛ 'ma ɩya ɔ 'ka maa ‑kwle. Ɔ su ‑ghlɛzɛɛncaa Laagɔ, 'tɛtɩa 'fɩan to 'la dɔgbɛa 'la ‑diivɛɛn ylidaa. 16'Ŋlɩ bhlo ‑zieo ɔla lokwia ɩya ɔla bhopolua 'kʋ, ɩmɩ ‑ɩ ‑glɩ 'lɛ nyɩbhɛlɩ 'la Nyɩbhɛlʋ ɩya ‑kwlenyaa 'la ‑Kwlenyɔ.
17'Nyɩ n ya 'bhlaandlee* bhlo 'lɩ, ɔ 'nylugoa 'ylʋbhuoa nɩkplaan. Ɔ yaan ‑gaa 'nyɩ ɔ ya libhlia ‑tɛtɛa ‑ɩ 'plɩlɩa 'lɛ ‑taatea nɩkplaan na, 'cla lebhe: A ci, a 'wlalɩ 'wlu Laagɔ 'la 'tlɔnblɩa 'kadiea ɔ palɩ 'lɛ sa na 'kʋ 18ɩya a 'ka nyɩbhɛlɩ, tavʋkanditocɩ, tavʋnyaa, ‑kpangwɩ ɩya ɩla 'kʋgbɛnyaa, ncɛlɩa ‑tɛtɛa, ‑ncɩkalɩnyaa ɩya geyea, 'cuo ɩya ‑glɛɛglɛnyaa 'la 'nyɛkɛa li.
19'Nyɩ n ya 'lɛ mlɛa, ‑dʋdʋa 'kʋ 'la nyɩbhɛlɩa ɩya mala tavʋkandia 'lɩ. Ma 'wlalɩa 'wlu le maya ‑kpangɔa 'la 'kʋgbɛnyɔa ɩya ɔla tavʋkandea 'ka tʋ vʋ. 20Ma ya mlɛa ɩya yooyo Laagɔnekʋnyɩtɛnyɔa* ‑ɔ 'plɩlɩ 'lɛ 'ciinzizielɩlobholia ɔ nʋnʋa 'mɛɛ 'lɛ 'ci 'kʋ na 'kʋ, 'nyɩ ɔ 'nyiglilia 'lɛ maa ‑ɔ ‑kaa 'lɛ mlɛa 'la cibhlilidaa cɩ 'nyɩ ‑ɔ gʋgwlaa 'lɛ ɛla palalɩlʋʋa na, 'kʋbhli. Ma ya maa ‑mɔsɔa 'la ‑jaja -naanʋa ‑kosu ‑zalʋa nɩkplaan 'pa. 21Lɛtɛa ɛ 'wlʋa 'lɛ ‑kpangɔa 'la 'kʋgbɛnyɔa neen na, ya ‑daa ncɛlɩa ‑tɛtɛa 'bhla 'nyɩ libhlia ‑tɛtɛa ya mala 'nyɛkɛa li ‑aan 'nyɩ ɩ ya lo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.