Ziz 17
17
‑Badaagluliŋlɔa 'la 'tɩtɩplalɩɛ
1Na 'bhlaandleecɩa* ‑ngbɔɔsɔa ‑ɔ ‑kaa 'lɛ ‑kɔbhʋa ‑ngbɔɔsɔa wlɩɩn na, 'la sidiian bhlo yaan 'bɩɩncili 'nyɩ ɔ yaan 'cla lebhe: «Ci ɩya n 'kɔɔ ‑badaagluliŋlɔ 'kadiea ‑ɔ ‑kʋ 'lɛ 'nyidɔlɩ 'kadɩa cɩ na, 'la 'tɩtɩplalɩɛa pala. 2‑Dʋdʋa 'kʋ 'la nyɩbhɛlɩa ‑tɛtɛa ‑yɔɔsɔ ya ‑badaaglu li 'nyɩ ‑dʋdʋa 'kʋ 'la ncɛlɩa ya 'lɛ macɩ ɔla ‑badaaglua 'la ‑diinvɛɛan tɩa.» 3Na, 'Wugoa yaan daa ‑ɩ ‑kʋ 'lɛ ɩcɩɩn na, famʋ. 'Nyɩ n ya 'ŋlɔ bhlo 'lɩ, ɔ ‑kʋa mlazalɛ bhlo 'kʋ sa, 'ŋlɩa ‑ɩ vla 'lɛ Laagɔ na, 'cɩlɩa 'mɛ 'kʋ 'nyɩ ɛ ‑kaa 'wli ‑ngbɔɔsɔ ɩya 'gwɩ 'kʋgba. 4Ŋlɔa ‑plaa lokuzalɛ 'nanɛ nɩkplaan, ɔ ‑zʋa ‑asɩkɛ ɩya 'pɛlʋtɛtɩblaazɩ cɩ. Ɔ ‑kaa ‑asɩkɛkɔbhɛ ‑ɛ yee 'lɛ ɔla ‑badaaglunʋnʋgbɩa 'fɩan ‑tɛtɛa 'kʋ na wlɩɩn. 5'Ŋlɩa ncɛlɩ 'ta 'lɛ ɩla ‑zɔn ‑ci na ‑zieoa 'mɔɔ 'kʋtaan 'kʋ: «Babilɔnʋ 'kadie, ‑badaagluliŋwlɛ ɩya ‑dʋdʋa 'kʋ 'la nʋnʋgbanyinyia ‑tɛtɛa 'nɔ.» 6'Nyɩ n ya 'ŋlɔa Laagɔ 'la ncɛlɩa ɩya Zozi 'la ‑danʋfʋɛcɩa 'la ‑dolua plɩa 'lɛ 'ci 'kʋ na 'lɩ. Daa n 'lɩɔ 'lɛ na, nikpoo yaan slaa 'kadieda. 7Na, 'bhlaandleea yaan neencla lebhe: «'Lɩsaa 'la gbʋ nikpoo slɔɔ 'lɛ ‑sa bha?» N cɩ 'kɔɔ 'ŋlɔa ɩya mlɛa ‑ɛ ‑ka 'lɛ 'wlia ‑ngbɔɔsɔa ɩya 'gwɩ 'kʋgbaa na, 'la wɔlɩa ‑ɩ ‑zizieo 'lɛ na ‑zɔn ‑sa. 8Mlɛa ‑n 'lɩ 'lɛ na, ɛ ‑kʋa, ‑ma ɛ 'tanɩ ‑kʋ. Ɛ cɩ 'ka 'bhukua ‑ʋ 'ta 'lɛ 'wlukoda ‑ka na nɩkplaan 'wlʋ ɩya ɛ 'ka mlɔ. Ɩya nikpoo 'ka ‑dʋdʋa 'kʋ 'la ncɛlɩa mala 'ŋlɩ 'ta 'lɛ ‑laagɔzɔan 'la bhɔdaa tooto, jabhʋa 'la ‑afluwaa nɩkplaan ‑zieo na sla, sa ɛ ‑kʋa na, 'nyɩ ɛ 'tanɩ kʋ, ‑ma ɛ cɩ 'ka ‑awlɛ ‑zɔnwlʋ. 9'Lɩka ‑da ma 'matɩlɩ 'lɛ wɔɔcibhlilie ɩya dɩgalɩ: 'Wlia ‑ngbɔɔsɔa ‑glɩ daa 'ŋlɔa ‑kʋ 'lɛ na 'la 'kikia ‑ngbɔɔsɔa. Ɩ ‑glɩ ‑awlɛ nyɩbhɛlɩ ‑ngbɔɔsɔ. 10Maa nɩkplaan ‑ngbi ya bhli, ‑ngbʋflʋ ‑naanɔa ‑kwle ka, 'nyɩ ‑ngbɔɔsɔ ‑naanɔa 'ta ka ka ci, ‑ma daa ɔ cɩ 'ka 'lɛ ci na, 'ɔ cɩ 'ta ‑gwlɛlɩ. 11Mlɛa ‑ɛ ‑kʋa 'lɛ 'nyɩ ‑ɛ 'tanɩ 'lɛ ‑kʋ na, ɛmɛ 'titi ‑ma ɛ ‑glɩ nyɩbhɛlɩa 'la ‑ngbaata ‑naanɔ. Ɛ ‑kʋmʋ nyɩbhɛlɩa ‑ngbɔɔsɔa nɩkplaan 'nyɩ ɛ cɩ 'ka mlɔ.
12'Gwɩa 'kʋgbaa ‑n 'lɩ 'lɛ na, ɩ ‑glɩ nyɩbhɛlɩ 'kʋgba ma 'ta ka 'lɛ kpo 'kʋ zʋ na. ‑Ma, maya mlɛa cɩ 'ka 'ŋwacɩwlu bhlo, nebhlo ‑kwleli. 13Ma cɩ 'ka wɔɔgugwie bhlogbɩɩ kalɩ: Ma 'ka mala 'tɛtɩa ɩya mala ‑kwleliea mlɛa 'nyɩ. 14Mlɛa ɩya nyɩbhɛlɩa 'kʋgbaa cɩ 'ka 'bhlabhlɩcoa tʋ ŋeni, ɩya 'bhlabhlɩcoa 'ka maa ‑sɩa, sa ɔ ‑glɩ ‑kwlenyaa ‑tɛtɛa 'la ‑Kwlenyɔ ɩya nyɩbhɛlɩa ‑tɛtɛa 'la nyɩbhɛlʋ na. Maa ɔ sla 'lɛ de, ɔ la 'lɛ 'nyɩ ‑ɔ ‑kʋlʋɔ 'lɛ na, maa ‑ma mayɔɔsɔ cɩ 'ka ‑sɩa.
15'Nyɩ 'bhlaandleea yaan 'cla lebhe: «'Nyidɔlɩa ‑n 'lɩ 'lɛ na, daa ‑badaagluliŋlɔa ‑kʋ 'lɛ sa na, 'lɔlɩ, ‑alawlee, 'bhlɩ 'bhlɩ 'kʋ 'la ncɛlɩ ɩya ‑goje ‑goje 'la nyɩtɛnya ɩ ‑glɩ 'lɛ.» 16Mlɛa ɩya 'gwɩa 'kʋgbaa ‑n 'lɩ 'lɛ na cɩ 'ka ‑badaagluliŋlɔa zɔbhɛlɩ. Ɩ cɩ 'kɔɔ wli 'dɩ ɩya ɔ 'ka ‑abaan kʋ. Ɩ cɩ 'ka ɔla 'nyɛkɛa li ɩya ɩ 'kɔɔ ‑sie. 17Sa Laagɔ ya maa ɩmɩa ɔ 'matɩ 'lɛ na pɔlɛɛn zʋ: Ma 'plɩ bhlo ɩya ma zʋ macɩ mlɛa 'la ‑kwleliea ‑zɔn ‑aan ɩya Laagɔ 'la nyɩtɛnyɩtɛwɔlɩ 'ka 'kʋglalɩ. 18Na, 'ŋlɔa ‑n 'lɩ 'lɛ na, ɔmɔ ‑ɔ ‑glɩ 'lɛ dukadiea ‑ʋ ‑kwle 'lɛ ‑dʋdʋa 'kʋ 'la nyɩbhɛlɩa 'fɩan na.
Currently Selected:
Ziz 17: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 17
17
‑Badaagluliŋlɔa 'la 'tɩtɩplalɩɛ
1Na 'bhlaandleecɩa* ‑ngbɔɔsɔa ‑ɔ ‑kaa 'lɛ ‑kɔbhʋa ‑ngbɔɔsɔa wlɩɩn na, 'la sidiian bhlo yaan 'bɩɩncili 'nyɩ ɔ yaan 'cla lebhe: «Ci ɩya n 'kɔɔ ‑badaagluliŋlɔ 'kadiea ‑ɔ ‑kʋ 'lɛ 'nyidɔlɩ 'kadɩa cɩ na, 'la 'tɩtɩplalɩɛa pala. 2‑Dʋdʋa 'kʋ 'la nyɩbhɛlɩa ‑tɛtɛa ‑yɔɔsɔ ya ‑badaaglu li 'nyɩ ‑dʋdʋa 'kʋ 'la ncɛlɩa ya 'lɛ macɩ ɔla ‑badaaglua 'la ‑diinvɛɛan tɩa.» 3Na, 'Wugoa yaan daa ‑ɩ ‑kʋ 'lɛ ɩcɩɩn na, famʋ. 'Nyɩ n ya 'ŋlɔ bhlo 'lɩ, ɔ ‑kʋa mlazalɛ bhlo 'kʋ sa, 'ŋlɩa ‑ɩ vla 'lɛ Laagɔ na, 'cɩlɩa 'mɛ 'kʋ 'nyɩ ɛ ‑kaa 'wli ‑ngbɔɔsɔ ɩya 'gwɩ 'kʋgba. 4Ŋlɔa ‑plaa lokuzalɛ 'nanɛ nɩkplaan, ɔ ‑zʋa ‑asɩkɛ ɩya 'pɛlʋtɛtɩblaazɩ cɩ. Ɔ ‑kaa ‑asɩkɛkɔbhɛ ‑ɛ yee 'lɛ ɔla ‑badaaglunʋnʋgbɩa 'fɩan ‑tɛtɛa 'kʋ na wlɩɩn. 5'Ŋlɩa ncɛlɩ 'ta 'lɛ ɩla ‑zɔn ‑ci na ‑zieoa 'mɔɔ 'kʋtaan 'kʋ: «Babilɔnʋ 'kadie, ‑badaagluliŋwlɛ ɩya ‑dʋdʋa 'kʋ 'la nʋnʋgbanyinyia ‑tɛtɛa 'nɔ.» 6'Nyɩ n ya 'ŋlɔa Laagɔ 'la ncɛlɩa ɩya Zozi 'la ‑danʋfʋɛcɩa 'la ‑dolua plɩa 'lɛ 'ci 'kʋ na 'lɩ. Daa n 'lɩɔ 'lɛ na, nikpoo yaan slaa 'kadieda. 7Na, 'bhlaandleea yaan neencla lebhe: «'Lɩsaa 'la gbʋ nikpoo slɔɔ 'lɛ ‑sa bha?» N cɩ 'kɔɔ 'ŋlɔa ɩya mlɛa ‑ɛ ‑ka 'lɛ 'wlia ‑ngbɔɔsɔa ɩya 'gwɩ 'kʋgbaa na, 'la wɔlɩa ‑ɩ ‑zizieo 'lɛ na ‑zɔn ‑sa. 8Mlɛa ‑n 'lɩ 'lɛ na, ɛ ‑kʋa, ‑ma ɛ 'tanɩ ‑kʋ. Ɛ cɩ 'ka 'bhukua ‑ʋ 'ta 'lɛ 'wlukoda ‑ka na nɩkplaan 'wlʋ ɩya ɛ 'ka mlɔ. Ɩya nikpoo 'ka ‑dʋdʋa 'kʋ 'la ncɛlɩa mala 'ŋlɩ 'ta 'lɛ ‑laagɔzɔan 'la bhɔdaa tooto, jabhʋa 'la ‑afluwaa nɩkplaan ‑zieo na sla, sa ɛ ‑kʋa na, 'nyɩ ɛ 'tanɩ kʋ, ‑ma ɛ cɩ 'ka ‑awlɛ ‑zɔnwlʋ. 9'Lɩka ‑da ma 'matɩlɩ 'lɛ wɔɔcibhlilie ɩya dɩgalɩ: 'Wlia ‑ngbɔɔsɔa ‑glɩ daa 'ŋlɔa ‑kʋ 'lɛ na 'la 'kikia ‑ngbɔɔsɔa. Ɩ ‑glɩ ‑awlɛ nyɩbhɛlɩ ‑ngbɔɔsɔ. 10Maa nɩkplaan ‑ngbi ya bhli, ‑ngbʋflʋ ‑naanɔa ‑kwle ka, 'nyɩ ‑ngbɔɔsɔ ‑naanɔa 'ta ka ka ci, ‑ma daa ɔ cɩ 'ka 'lɛ ci na, 'ɔ cɩ 'ta ‑gwlɛlɩ. 11Mlɛa ‑ɛ ‑kʋa 'lɛ 'nyɩ ‑ɛ 'tanɩ 'lɛ ‑kʋ na, ɛmɛ 'titi ‑ma ɛ ‑glɩ nyɩbhɛlɩa 'la ‑ngbaata ‑naanɔ. Ɛ ‑kʋmʋ nyɩbhɛlɩa ‑ngbɔɔsɔa nɩkplaan 'nyɩ ɛ cɩ 'ka mlɔ.
12'Gwɩa 'kʋgbaa ‑n 'lɩ 'lɛ na, ɩ ‑glɩ nyɩbhɛlɩ 'kʋgba ma 'ta ka 'lɛ kpo 'kʋ zʋ na. ‑Ma, maya mlɛa cɩ 'ka 'ŋwacɩwlu bhlo, nebhlo ‑kwleli. 13Ma cɩ 'ka wɔɔgugwie bhlogbɩɩ kalɩ: Ma 'ka mala 'tɛtɩa ɩya mala ‑kwleliea mlɛa 'nyɩ. 14Mlɛa ɩya nyɩbhɛlɩa 'kʋgbaa cɩ 'ka 'bhlabhlɩcoa tʋ ŋeni, ɩya 'bhlabhlɩcoa 'ka maa ‑sɩa, sa ɔ ‑glɩ ‑kwlenyaa ‑tɛtɛa 'la ‑Kwlenyɔ ɩya nyɩbhɛlɩa ‑tɛtɛa 'la nyɩbhɛlʋ na. Maa ɔ sla 'lɛ de, ɔ la 'lɛ 'nyɩ ‑ɔ ‑kʋlʋɔ 'lɛ na, maa ‑ma mayɔɔsɔ cɩ 'ka ‑sɩa.
15'Nyɩ 'bhlaandleea yaan 'cla lebhe: «'Nyidɔlɩa ‑n 'lɩ 'lɛ na, daa ‑badaagluliŋlɔa ‑kʋ 'lɛ sa na, 'lɔlɩ, ‑alawlee, 'bhlɩ 'bhlɩ 'kʋ 'la ncɛlɩ ɩya ‑goje ‑goje 'la nyɩtɛnya ɩ ‑glɩ 'lɛ.» 16Mlɛa ɩya 'gwɩa 'kʋgbaa ‑n 'lɩ 'lɛ na cɩ 'ka ‑badaagluliŋlɔa zɔbhɛlɩ. Ɩ cɩ 'kɔɔ wli 'dɩ ɩya ɔ 'ka ‑abaan kʋ. Ɩ cɩ 'ka ɔla 'nyɛkɛa li ɩya ɩ 'kɔɔ ‑sie. 17Sa Laagɔ ya maa ɩmɩa ɔ 'matɩ 'lɛ na pɔlɛɛn zʋ: Ma 'plɩ bhlo ɩya ma zʋ macɩ mlɛa 'la ‑kwleliea ‑zɔn ‑aan ɩya Laagɔ 'la nyɩtɛnyɩtɛwɔlɩ 'ka 'kʋglalɩ. 18Na, 'ŋlɔa ‑n 'lɩ 'lɛ na, ɔmɔ ‑ɔ ‑glɩ 'lɛ dukadiea ‑ʋ ‑kwle 'lɛ ‑dʋdʋa 'kʋ 'la nyɩbhɛlɩa 'fɩan na.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.