Ziz 16
16
‑Kɔbhʋa ‑ngbɔɔsɔa
1Ɩla leen, n ya ‑blɩɩzɔn 'kadie bhlo 'nu, ‑ʋ 'wlʋlʋa Laagɔpaakadiea* ‑zɔn 'nyɩ ʋ claa 'bhlaandleecɩa* ‑ngbɔɔsɔa lebhe: «A mʋ ɩya a 'kɔsɔ ‑dʋdʋa 'kʋ Laagɔ 'la dɔgbɛa 'la ‑kɔbhʋa ‑ngbɔɔsɔa.» 2Na, ‑bɛka ‑naanɔa ya mʋ 'nyɩ ɔ ya ɔla ‑kɔbhɛa nɩkplaan 'la lɩɩa ‑dʋdʋa 'kʋ sakɔsɔlʋ. 'Nyɩ 'jia ‑ɩ 'ku 'ta 'lɛ na ya 'lɛ ncɛlɩa ‑ɔ ‑kaa 'lɛ mlɛa 'la cibhlilidaa cɩ 'nyɩ ‑ɔ gʋgwlaa 'lɛ ɛla palalɩlʋʋa na 'wlugblolu. 3‑Mɔsɔ ‑naanɔa ya ɔla ‑kɔbhɛa nɩkplaan 'la lɩɩa gea nɩkplaan 'kɔsɔ: Gea ya ‑dolu kaci le saa ma ya 'lɛ nclɔɔ bhla na, 'nyɩ ɛla nɩkplaan 'la ‑jajalɩɩa ‑tɛtɛa ya 'ku. 4‑Mɔta ‑naanɔa ya ɔla ‑kɔbhɛa nɩkplaan 'la lɩɩa 'nyidɔlɩ 'kadɩa ɩya 'nyukobhia ‑tɛtɛa nɩkplaan 'kɔsɔ 'nyɩ ɩ ya ‑dolu 'plɩ. 5Na, n ya 'bhlaandleea ‑ɔ ‑kalɩ 'lɛ 'nyi ‑jioli 'kʋ na, neen 'nu 'nyɩ ɔ claa lebhe: «‑Mɔa ‑ɔ ‑kʋa 'lɛ 'nyɩ ‑ɔ ‑kʋ 'lɛ na, ‑mɔ ‑Kplɔkplɔnyɔa, ‑n 'nylugolu 'kʋ, saa n ya 'lɛ ‑sa ‑naa 'kʋnylugolulɩɛ pala na.» 6‑Masa ma ya 'lɛ ‑naa ncɛlɩa ɩya ‑naa nekʋnyɩtɛnyaa 'la ‑dolua sakɔsɔ na, ‑mɔɔ ‑masɛɛ, ‑dolu ‑n 'nyɩ 'lɛ maa 'mlada. 'Nyɩ ma ‑yʋʋsʋ ‑fata. 7'Nyɩ n ya ‑blɩɩzɔn bhlo 'nu, ‑ʋ 'wlʋlʋa gʋgwlagbatɩa cɩ 'nyɩ ʋ claa lebhe: «‑Ghɛɛ, ‑Kwlenyɔ, Laagɔ, 'tɛtɩa 'fɩan To, ‑naa 'tɩtɩplalɩɛa ‑glɩ ‑nʋawlɛ 'nyɩ ɩ gɩlɩɔ 'ciin.» 8‑Nmɔɔna ‑naanɔa ya ɔla ‑kɔbhɛa nɩkplaan 'la lɩɩa 'ylʋbhuoa 'kʋ 'kɔsɔ 'nyɩ ‑jioli yʋʋ ‑nyɩɔ le ʋla 'jɩa ‑siea ncɛlɩ. 9Na, ‑kosuwoowo 'kadie ya ncɛlɩa ‑sie, 'nyɩ ma 'ta kwlacala ɩya ma 'ka Laagɔ, ‑ɔ ‑kalɩ 'lɛ ‑kwlɩbhɩɛa ‑naa ‑jioli 'kʋ na 'klʋgba, ‑ma ka ma vlɔɔ 'lɛ. 10‑Ngbi ‑naanɔa ya ɔla ‑kɔbhɛa nɩkplaan 'la lɩɩa, mlɛa 'la ‑kwlekpoa 'kʋ 'kɔsɔ 'nyɩ ɔla nyɩbhɛlɩdua ya 'tutu pla. Na, ncɛlɩ mlia ‑glaa slo, kalɔ 'la gbʋ 11'nyɩ ma vlaa Laagɔa ‑ɔ ‑kʋ 'lɛ ‑laagɔɔn na, mala 'kwlɩbhɩɛa ɩya mala 'jia 'la gbʋ, ‑ma ma 'taa mala nʋnʋgbayinyia te.
12‑Ngbʋflʋ ‑naanɔa ya ɔla ‑kɔbhɛa nɩkplaan 'la lɩɩa 'nyidɔlʋ 'kadiea ma la 'lɛ Eflatɩ na, nɩkplaan 'kɔsɔ 'nyɩ ʋ ya mla, le ‑kwletocɩa, ‑ɔ 'wlʋlʋa 'lɛ 'ylʋbhuo 'la 'wlʋlʋdaa na, 'kaa 'plɩda 'lɩ. 13Na, n ya 'wugwi ‑nyinyi ‑mɔta 'lɩ, ‑ɩ ‑kʋ 'lɛ le ‑bɔlɩ na 'nyɩ ɩ ya ‑gbɔgbʋmlɛa, mlɛa ɩya yooyo Laagɔnekʋnyɩtɛnyɔa* neen 'wlʋ. 14'Wugwi ‑nyinyi ɩ ‑glɩ 'lɛ, ɩ nʋ 'ciinzizielɩlobholi 'nyɩ ɩ mʋ 'lɛ, ɩ ŋeni ‑laagɔzɔnbhuoa 'la ‑kwletocɩa le ɩ 'ka maa 'wluwlalɩ, Laagɔ 'tɛtɩa 'fɩan To 'la tavʋclɩɩ 'kadiea 'la gbʋ.
15‑Kwlenyɔ nabhe: «'Lɩka, 'winyɔ 'bhisa 'kʋ n cɩ 'ka 'lɛ ci! Na, ɔ ‑kʋ 'nanɩ, ɔmɔa ‑ɔ ‑bhɔsʋa 'lɛ 'nyɩ ‑ɔ ‑bɛ 'lɛ, le ɔ 'la ka ‑abaan kʋ, ɔ 'la ka mʋ ɩya ɔ 'la ka ‑zo 'lɩ na.» 16Na, ɩ ya maa daa ma la 'lɛ Amagedɔn Ebleewɔlɩɩn na, 'wluwlalɩ.
17‑Ngbɔɔsɔ ‑naanɔa ya ɔla ‑kɔbhɛa nɩkplaan 'la lɩɩa ‑taatea nɩkplaan dlolu 'nyɩ ‑blɩɩzɔn 'kadie ‑ʋ 'wlʋlʋ 'lɛ ‑kwlekpoa 'kʋ na, ya ‑laagɔpaalʋa ‑zɔn 'wlʋ. Ʋ nabhe: «Ɩ ya 'wluko». 18Na, daa ya 'wɛtɩa, 'kasɛ ya gba, ‑laagɔɔn ya gbɛtɛ 'nyɩ ‑dʋdʋa ya gbasa tɩtɛlɩ, saa ʋ 'ta ka ‑azla 'lɛ tɩtɛlɩ daa tootoa nclɔɔ ‑kaa 'lɛ ‑dʋdʋa 'kʋ ci na. 19Dukadiea, Babilɔnʋdua ya 'ci ‑mɔtaan do 'nyɩ 'bhlɩ 'bhlɩ 'kʋ 'la 'dia ya gbɔlʋ. Na, Laagɔ ya Babilɔnʋdu 'kadiea 'la wɔlɩa luoli, 'nyɩ ɔ yʋʋ ɔla dɔgbɛ 'kadiea 'la ‑kɔbhɛa negɩ. 20'Lekpua ‑tɛtɛa ya mlɔ 'nyɩ ma 'tanɩ 'kikia 'lɩ. 21Wɔtlɩnyukplɩɩ 'klaklɩ ya ‑laagɔɔn 'wlʋ 'nyɩ ɩ ya ncɛlɩ 'wlu bhlili. Na, ncɛlɩa ya Laagɔ vla, ŋanɔkalɩ ‑munzuenyu ‑naa 'la gbʋ.
Currently Selected:
Ziz 16: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Ziz 16
16
‑Kɔbhʋa ‑ngbɔɔsɔa
1Ɩla leen, n ya ‑blɩɩzɔn 'kadie bhlo 'nu, ‑ʋ 'wlʋlʋa Laagɔpaakadiea* ‑zɔn 'nyɩ ʋ claa 'bhlaandleecɩa* ‑ngbɔɔsɔa lebhe: «A mʋ ɩya a 'kɔsɔ ‑dʋdʋa 'kʋ Laagɔ 'la dɔgbɛa 'la ‑kɔbhʋa ‑ngbɔɔsɔa.» 2Na, ‑bɛka ‑naanɔa ya mʋ 'nyɩ ɔ ya ɔla ‑kɔbhɛa nɩkplaan 'la lɩɩa ‑dʋdʋa 'kʋ sakɔsɔlʋ. 'Nyɩ 'jia ‑ɩ 'ku 'ta 'lɛ na ya 'lɛ ncɛlɩa ‑ɔ ‑kaa 'lɛ mlɛa 'la cibhlilidaa cɩ 'nyɩ ‑ɔ gʋgwlaa 'lɛ ɛla palalɩlʋʋa na 'wlugblolu. 3‑Mɔsɔ ‑naanɔa ya ɔla ‑kɔbhɛa nɩkplaan 'la lɩɩa gea nɩkplaan 'kɔsɔ: Gea ya ‑dolu kaci le saa ma ya 'lɛ nclɔɔ bhla na, 'nyɩ ɛla nɩkplaan 'la ‑jajalɩɩa ‑tɛtɛa ya 'ku. 4‑Mɔta ‑naanɔa ya ɔla ‑kɔbhɛa nɩkplaan 'la lɩɩa 'nyidɔlɩ 'kadɩa ɩya 'nyukobhia ‑tɛtɛa nɩkplaan 'kɔsɔ 'nyɩ ɩ ya ‑dolu 'plɩ. 5Na, n ya 'bhlaandleea ‑ɔ ‑kalɩ 'lɛ 'nyi ‑jioli 'kʋ na, neen 'nu 'nyɩ ɔ claa lebhe: «‑Mɔa ‑ɔ ‑kʋa 'lɛ 'nyɩ ‑ɔ ‑kʋ 'lɛ na, ‑mɔ ‑Kplɔkplɔnyɔa, ‑n 'nylugolu 'kʋ, saa n ya 'lɛ ‑sa ‑naa 'kʋnylugolulɩɛ pala na.» 6‑Masa ma ya 'lɛ ‑naa ncɛlɩa ɩya ‑naa nekʋnyɩtɛnyaa 'la ‑dolua sakɔsɔ na, ‑mɔɔ ‑masɛɛ, ‑dolu ‑n 'nyɩ 'lɛ maa 'mlada. 'Nyɩ ma ‑yʋʋsʋ ‑fata. 7'Nyɩ n ya ‑blɩɩzɔn bhlo 'nu, ‑ʋ 'wlʋlʋa gʋgwlagbatɩa cɩ 'nyɩ ʋ claa lebhe: «‑Ghɛɛ, ‑Kwlenyɔ, Laagɔ, 'tɛtɩa 'fɩan To, ‑naa 'tɩtɩplalɩɛa ‑glɩ ‑nʋawlɛ 'nyɩ ɩ gɩlɩɔ 'ciin.» 8‑Nmɔɔna ‑naanɔa ya ɔla ‑kɔbhɛa nɩkplaan 'la lɩɩa 'ylʋbhuoa 'kʋ 'kɔsɔ 'nyɩ ‑jioli yʋʋ ‑nyɩɔ le ʋla 'jɩa ‑siea ncɛlɩ. 9Na, ‑kosuwoowo 'kadie ya ncɛlɩa ‑sie, 'nyɩ ma 'ta kwlacala ɩya ma 'ka Laagɔ, ‑ɔ ‑kalɩ 'lɛ ‑kwlɩbhɩɛa ‑naa ‑jioli 'kʋ na 'klʋgba, ‑ma ka ma vlɔɔ 'lɛ. 10‑Ngbi ‑naanɔa ya ɔla ‑kɔbhɛa nɩkplaan 'la lɩɩa, mlɛa 'la ‑kwlekpoa 'kʋ 'kɔsɔ 'nyɩ ɔla nyɩbhɛlɩdua ya 'tutu pla. Na, ncɛlɩ mlia ‑glaa slo, kalɔ 'la gbʋ 11'nyɩ ma vlaa Laagɔa ‑ɔ ‑kʋ 'lɛ ‑laagɔɔn na, mala 'kwlɩbhɩɛa ɩya mala 'jia 'la gbʋ, ‑ma ma 'taa mala nʋnʋgbayinyia te.
12‑Ngbʋflʋ ‑naanɔa ya ɔla ‑kɔbhɛa nɩkplaan 'la lɩɩa 'nyidɔlʋ 'kadiea ma la 'lɛ Eflatɩ na, nɩkplaan 'kɔsɔ 'nyɩ ʋ ya mla, le ‑kwletocɩa, ‑ɔ 'wlʋlʋa 'lɛ 'ylʋbhuo 'la 'wlʋlʋdaa na, 'kaa 'plɩda 'lɩ. 13Na, n ya 'wugwi ‑nyinyi ‑mɔta 'lɩ, ‑ɩ ‑kʋ 'lɛ le ‑bɔlɩ na 'nyɩ ɩ ya ‑gbɔgbʋmlɛa, mlɛa ɩya yooyo Laagɔnekʋnyɩtɛnyɔa* neen 'wlʋ. 14'Wugwi ‑nyinyi ɩ ‑glɩ 'lɛ, ɩ nʋ 'ciinzizielɩlobholi 'nyɩ ɩ mʋ 'lɛ, ɩ ŋeni ‑laagɔzɔnbhuoa 'la ‑kwletocɩa le ɩ 'ka maa 'wluwlalɩ, Laagɔ 'tɛtɩa 'fɩan To 'la tavʋclɩɩ 'kadiea 'la gbʋ.
15‑Kwlenyɔ nabhe: «'Lɩka, 'winyɔ 'bhisa 'kʋ n cɩ 'ka 'lɛ ci! Na, ɔ ‑kʋ 'nanɩ, ɔmɔa ‑ɔ ‑bhɔsʋa 'lɛ 'nyɩ ‑ɔ ‑bɛ 'lɛ, le ɔ 'la ka ‑abaan kʋ, ɔ 'la ka mʋ ɩya ɔ 'la ka ‑zo 'lɩ na.» 16Na, ɩ ya maa daa ma la 'lɛ Amagedɔn Ebleewɔlɩɩn na, 'wluwlalɩ.
17‑Ngbɔɔsɔ ‑naanɔa ya ɔla ‑kɔbhɛa nɩkplaan 'la lɩɩa ‑taatea nɩkplaan dlolu 'nyɩ ‑blɩɩzɔn 'kadie ‑ʋ 'wlʋlʋ 'lɛ ‑kwlekpoa 'kʋ na, ya ‑laagɔpaalʋa ‑zɔn 'wlʋ. Ʋ nabhe: «Ɩ ya 'wluko». 18Na, daa ya 'wɛtɩa, 'kasɛ ya gba, ‑laagɔɔn ya gbɛtɛ 'nyɩ ‑dʋdʋa ya gbasa tɩtɛlɩ, saa ʋ 'ta ka ‑azla 'lɛ tɩtɛlɩ daa tootoa nclɔɔ ‑kaa 'lɛ ‑dʋdʋa 'kʋ ci na. 19Dukadiea, Babilɔnʋdua ya 'ci ‑mɔtaan do 'nyɩ 'bhlɩ 'bhlɩ 'kʋ 'la 'dia ya gbɔlʋ. Na, Laagɔ ya Babilɔnʋdu 'kadiea 'la wɔlɩa luoli, 'nyɩ ɔ yʋʋ ɔla dɔgbɛ 'kadiea 'la ‑kɔbhɛa negɩ. 20'Lekpua ‑tɛtɛa ya mlɔ 'nyɩ ma 'tanɩ 'kikia 'lɩ. 21Wɔtlɩnyukplɩɩ 'klaklɩ ya ‑laagɔɔn 'wlʋ 'nyɩ ɩ ya ncɛlɩ 'wlu bhlili. Na, ncɛlɩa ya Laagɔ vla, ŋanɔkalɩ ‑munzuenyu ‑naa 'la gbʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.