Ziz 15

'Bhlaandleecɩa ɩya leenbhɩalɩ -kwlɩbhɩɛa

1Na, n ya ‑awlɛ ‑laagɔa nɩkplaan ‑daa nikplooslaslawɔlɩ 'kadie bhlo 'lɩ: 'Bhlaandleecɩ* ‑ngbɔɔsɔ ‑kaa 'kwlɩbhɩɛ 'la 'ci ‑ngbɔɔsɔ wlɩɩn. Ɩmɩ -ɩ -glɩ 'lɛ bhɩalɩkwlɩbhɩɛa, sa ɩmɩ nɩkplaan Laagɔ 'la dɔgbɛa cɩ 'ka 'lɛ 'kʋglalɩlɩ na.

2N ya ‑awlɛ lʋʋ bhlo 'lɩ, ‑ʋ ‑kʋ le gea ‑ɛ le ‑mlamla, 'nyɩ ‑kosu bhu 'lɛ 'kʋtaan na. 'Nyɩ maa ‑ɔ ‑sɩaa 'lɛ mlɛa, ɛla palalɩlʋʋa ɩya ɛla 'ŋlɩa 'la 'ylɩa na, 'nylugoa ge ‑naa ‑ɛ le 'lɛ le cokwiea ma la 'lɛ klisitalɩa na 'kʋ 'nyɩ ma ‑kaa 'lɛ Laagɔ 'la dʋpɩa wlɩɩn. 3Ma bhlɩa Moyizi, Laagɔ 'la lobhocoa 'la lʋʋa ɩya 'bhlabhlɩcoa 'la lʋʋa, 'nyɩ ma claa lebhe:

«‑Naa nʋnʋlobholi 'ghli 'nyɩ ɩ ‑ka ‑jaka,

‑Kwlenyɔ, Laagɔ, 'tɛtɩa 'fɩan To!

‑Naa nʋnʋgbɩ 'nylugolu 'kʋ 'nyɩ ɩ ‑gɩlɩɔ 'ciin.

‑Mɔ ‑ɔ ‑glɩ 'lɛ 'bhlɩ 'bhlɩ 'kʋ 'la ncɛlɩa ‑tɛtɛa 'la ‑Kwleto.

4‑Kwlenyɔ, ncaasaa 'titi ‑ɔ cɩ 'tɔɔ 'lɛ 'gulu,

ɩya ɔ 'la kaa 'lɛ ‑naa 'ŋlɩa 'klʋgba bha?

Sa ‑mɔɔ bhlogbɩɩ ‑ɔ ‑kplɔ 'lɛ.

'Bhlɩ 'bhlɩ 'kʋ 'la ncɛlɩa ‑tɛtɛa cɩ 'ka ci

ɩya ma 'kɔɔ ‑deliin ‑kukoonkplii sasla,

sa, ‑naa 'kʋnylugolunʋnʋgbɩa ‑tɛtɛa ya ɩcɩ ‑zɔnwlaa.»

5N ya ‑awlɛ kope, 'nyɩ n ya ‑laagɔa nɩkplaan, Laagɔpaakadiea* ‑zɔan ‑danʋfʋɛlipaaplua ‑kʋa 'lɛ na 'lɩ. Ʋ ya kalɩ 6'nyɩ 'bhlaandleecɩa ‑ngbɔɔsɔa ‑ɔ ‑kaa 'lɛ 'kwlɩbhɩɛa 'la 'cia ‑ngbɔɔsɔa wlɩɩn na, yʋʋ ‑zɔn 'wlʋ. Ma ‑bibiea ‑slɛkɛloku 'titi, ɩ lea, 'nyɩ ma ‑gʋalɩɔa 'lɛ ‑asɩkɛbɛtʋ dineen. 7Mlaa ‑nmɔɔnaa 'la sidiian bhlo ya 'bhlaandleecɩa ‑ngbɔɔsɔa ‑asɩkɛkɔbhʋ ‑ngbɔɔsɔ 'nyɩ, ɩ yea Laagɔ, ‑ɔ ‑kʋ 'lɛ 'lʋkʋlʋkʋ ɩya 'lʋkʋlʋkʋ na 'la dɔgbɛa 'kʋ. 8'Nyɩ ‑palʋa ya gbacʋ 'kʋ ye, Laagɔ 'la 'klʋagbaa ɩya ɔla 'tɛtɩa 'la gbʋ. Na, nclɔɔ bhlogbɩɩ 'taanɩa 'yɛpɩ blelie mino ‑aan 'nyɩ 'kwlɩbhɩɛa 'la 'cia ‑ngbɔɔsɔa 'bhlaandleecɩa ‑ngbɔɔsɔa ‑lamʋ 'lɛ na, ya 'lɛ 'wluko.

Currently Selected:

Ziz 15: NTLD13

Highlight

Copy

Compare