Efz 3
3
Pɔlʋ plici maa ‑ɔ 'ta 'lɛ Zifʋnya ‑glɩ na
1Ɩmɩ ‑naa 'la gbʋ, dɛ ‑amʋ Pɔlʋ, n ‑kʋ 'lɛ ‑palʋʋn, Zozi Klisi 'la 'ŋlɩa 'wluku, anyɩa ‑ɔ 'ta 'lɛ Zifʋnya* ‑glɩ na 'la gbʋ. 2A ya 'nanɩ 'kadiea Laagɔ bhɔsʋa 'lɛ 'nyɩ ɔ 'plɩlɩɩn 'lɛ 'kʋ le ɔ 'ka anyɩ nʋ na, ɩla wɔlɩa 'nu. 3Saa palalɩɛ nɩkplaan, n cibhlili 'lɛ wɔlɩa ‑ɩ ‑zizieoa 'lɛ na, 'nyɩ n kla 'lɛ 'pɛ 'nyɩ n solu 'lɛ anyɩ na. 4Na, a ‑ka ‑afluwaa ‑naa zɛlɩda ‑kʋ na, a cɩ 'ka 'lɩ lebhe n ‑ka Klisi 'la wɔlɩa ‑ɩ ‑zizieo 'lɛ na 'la dɩgalɩa wlɩɩn. 5Wɔlɩ ‑naa ‑ɩ ‑zizieo 'lɛ na, Laagɔ 'tɩɩ ‑godogodonyaa pala, saa ‑pɔtɔnʋ, ɔ 'plɩlɩ 'lɛ 'Wugoa* 'kʋ, 'nyɩ palɩɩ 'lɛ ɔla ‑kplɔkplɔ lobhulobhunyaa* ɩya nekʋnyɩtɛnyaa* na: 6Maa ‑ɔ 'ta 'lɛ Zifʋnya ‑glɩ na, maya Zifʋnyaa 'wlalɩnɩ ‑ajaa bhlogbɩɩ 'kʋ, ma ‑glɩnɩ 'nyɛkɛa bhlogbɩɩ 'nyɩ ma 'wlalɩnɩ ‑ndanyɩa bhlogbɩɩ 'kʋ, Zozi Klisi nɩkplaan, Dɩnanɩa* 'la gbʋ.
7Na, Laagɔ 'la ‑dananɔa nɩkplaan, ɔ yaan Dɩnanɩa* 'la lobhoco ple, ɔla 'tɛtɩa 'la zɔnwlalɩɛ nɩkplaan. 8‑Amʋa ‑ɔ ‑glɩ 'lɛ ‑kplɔkplɔnyaa 'fɩan 'la leennaanʋa mala leenbhɩalɩ ‑naanɔ na, n ya 'nyupalɩɛ ‑naa 'lɩ le n ‑sa maa ‑ɔ 'ta 'lɛ Zifʋnya ‑glɩ na, Klisi 'la 'nanɩnʋlɩɛa ‑ɩ plɩ 'lɛ nclɔɔ 'la wɔɔgugwie cɩ na 9ɩya n pala saa Laagɔ wlaawlalɩ 'lɛ wɔlɩa ‑ɩ plɩ 'lɛ nclɔɔ 'la wɔɔgugwie cɩ 'nyɩ ɔ -zizieo 'lɛ bhɔdaa tooto ɔcɩ nɩkplaan na ‑zɔn na, ɔmɔa ‑ɔ ‑glɩ 'lɛ ‑laagɔzɔn bhuoa 'la nʋnyɔ na. 10Na, ‑pɔtɔnʋ, ‑laagɔnɩkplaa ‑bɔɔ na, ‑kwleliea ɩya ‑kwletɛtɩa ‑ɩ ‑kʋ 'lɛ ‑laagɔɔn na, cɩ 'kanɩ Laagɔ 'la dɩgalɩa ‑ɩ ‑kʋ 'lɛ 'ci 'ci na cibhlili. 11Ɩmɩa ɔ bhɔsʋa 'lɛ bhɔdaa tooto 'nyɩ ɔ ‑glalɩlɩ 'lɛ kʋ, ‑ala ‑Klwenyɔ Zozi Klisi nɩkplaan na. 12Na, Klisi nɩkplaan, ɔla pɔɔtɛtɛa nɩkplaan, ‑a kanɩ ‑jioli le ‑a ka Laagɔ cɩmɛ, ‑delikʋtɛlɔ nɩkplaan. 13Ɩla gbʋ dɛ, n 'clalɩ anyɩ le a 'la 'talɩa acɩ 'ciin ɩya 'kwlɩa ‑ɩ bhɩaan 'lɛ ala gbʋ na, ɩ 'la 'kɔtɔa anyɩ 'nyɛkɛ. Ala 'klʋkpanzʋlɩɛ ɩ ‑glɩ 'lɛ.
14Ɩla gbʋ, dɛ n sla 'lɛ Toa ‑deliin ‑kukoonkplii sa. 15Ɔmɔ 'lɔlɩa ‑tɛtɛa ‑ɩ ‑kʋ 'lɛ ‑laagɔɔn ɩya ‑dʋdʋa 'kʋ na ‑kʋlʋ 'lɛ. 16'Naa ɔla 'klʋagbaa 'la 'ghlilo 'la gbʋ, ɔ ŋonu, ɔ 'plɩlɩ ɔla 'Wugoa 'kʋ, ɩya ɔ zʋ anyɩ 'tɛtɩɩn ɩya a 'ka nɩklpaan 'tɛbhalɩ. 17'Naa ɔ gba ɩya Klisi kʋ ala pɔlɩa nɩkplaan sa, pɔɔtɛtɛ nɩkplaan ɩya a zʋ ‑sikplii ɩya a 'slalɩ ‑walʋ nɩkplaan, 18ɩya aya ‑kplɔkplɔnyaa 'fɩan 'ka mino ɩya 'ka Klisi 'la ‑walʋa 'la 'ghliloa, ʋla 'bhʋalɔa, ʋla 'kʋtoloa ɩya ʋla nɩkplaantlʋlɔa 'la ‑zɔn 'nu, 19ɩya a 'ka Klisi 'la ‑walʋa, ‑ʋ plɩ 'lɛ wɔɔcibhlililiea ‑tɛtɛa cɩ na a cibhlili, ɩya Laagɔ 'la jabhʋa ‑tɛtɛa 'ka anyɩ yeli.
20Ɔmɔa ‑ɔ 'plɩlɩ 'lɛ ɔla 'tɛtɩa ‑ɩ ‑kʋ 'lɛ ‑anyɩ nɩkplaan na 'kʋ, ɔ mino 'lɛ ‑ɔ nʋ 'lɛ 'nyɩ ɔ zi 'lɛ ɩmɩa ‑a cɩɔ 'lɛ 'clalɩ ‑aana ‑a cɩ 'lɛ gugu na 'kʋ na, 21'naa 'klʋagba ŋenio ‑laagɔnɩkplaa ɩya Zozi Klisi nɩkplaan, ‑zɔkpʋa 'fɩan 'la gbʋ, 'lʋkʋlʋkʋ ɩya 'lʋkʋlʋkʋ. Ɩ kʋ sɛɛ.
Currently Selected:
Efz 3: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Efz 3
3
Pɔlʋ plici maa ‑ɔ 'ta 'lɛ Zifʋnya ‑glɩ na
1Ɩmɩ ‑naa 'la gbʋ, dɛ ‑amʋ Pɔlʋ, n ‑kʋ 'lɛ ‑palʋʋn, Zozi Klisi 'la 'ŋlɩa 'wluku, anyɩa ‑ɔ 'ta 'lɛ Zifʋnya* ‑glɩ na 'la gbʋ. 2A ya 'nanɩ 'kadiea Laagɔ bhɔsʋa 'lɛ 'nyɩ ɔ 'plɩlɩɩn 'lɛ 'kʋ le ɔ 'ka anyɩ nʋ na, ɩla wɔlɩa 'nu. 3Saa palalɩɛ nɩkplaan, n cibhlili 'lɛ wɔlɩa ‑ɩ ‑zizieoa 'lɛ na, 'nyɩ n kla 'lɛ 'pɛ 'nyɩ n solu 'lɛ anyɩ na. 4Na, a ‑ka ‑afluwaa ‑naa zɛlɩda ‑kʋ na, a cɩ 'ka 'lɩ lebhe n ‑ka Klisi 'la wɔlɩa ‑ɩ ‑zizieo 'lɛ na 'la dɩgalɩa wlɩɩn. 5Wɔlɩ ‑naa ‑ɩ ‑zizieo 'lɛ na, Laagɔ 'tɩɩ ‑godogodonyaa pala, saa ‑pɔtɔnʋ, ɔ 'plɩlɩ 'lɛ 'Wugoa* 'kʋ, 'nyɩ palɩɩ 'lɛ ɔla ‑kplɔkplɔ lobhulobhunyaa* ɩya nekʋnyɩtɛnyaa* na: 6Maa ‑ɔ 'ta 'lɛ Zifʋnya ‑glɩ na, maya Zifʋnyaa 'wlalɩnɩ ‑ajaa bhlogbɩɩ 'kʋ, ma ‑glɩnɩ 'nyɛkɛa bhlogbɩɩ 'nyɩ ma 'wlalɩnɩ ‑ndanyɩa bhlogbɩɩ 'kʋ, Zozi Klisi nɩkplaan, Dɩnanɩa* 'la gbʋ.
7Na, Laagɔ 'la ‑dananɔa nɩkplaan, ɔ yaan Dɩnanɩa* 'la lobhoco ple, ɔla 'tɛtɩa 'la zɔnwlalɩɛ nɩkplaan. 8‑Amʋa ‑ɔ ‑glɩ 'lɛ ‑kplɔkplɔnyaa 'fɩan 'la leennaanʋa mala leenbhɩalɩ ‑naanɔ na, n ya 'nyupalɩɛ ‑naa 'lɩ le n ‑sa maa ‑ɔ 'ta 'lɛ Zifʋnya ‑glɩ na, Klisi 'la 'nanɩnʋlɩɛa ‑ɩ plɩ 'lɛ nclɔɔ 'la wɔɔgugwie cɩ na 9ɩya n pala saa Laagɔ wlaawlalɩ 'lɛ wɔlɩa ‑ɩ plɩ 'lɛ nclɔɔ 'la wɔɔgugwie cɩ 'nyɩ ɔ -zizieo 'lɛ bhɔdaa tooto ɔcɩ nɩkplaan na ‑zɔn na, ɔmɔa ‑ɔ ‑glɩ 'lɛ ‑laagɔzɔn bhuoa 'la nʋnyɔ na. 10Na, ‑pɔtɔnʋ, ‑laagɔnɩkplaa ‑bɔɔ na, ‑kwleliea ɩya ‑kwletɛtɩa ‑ɩ ‑kʋ 'lɛ ‑laagɔɔn na, cɩ 'kanɩ Laagɔ 'la dɩgalɩa ‑ɩ ‑kʋ 'lɛ 'ci 'ci na cibhlili. 11Ɩmɩa ɔ bhɔsʋa 'lɛ bhɔdaa tooto 'nyɩ ɔ ‑glalɩlɩ 'lɛ kʋ, ‑ala ‑Klwenyɔ Zozi Klisi nɩkplaan na. 12Na, Klisi nɩkplaan, ɔla pɔɔtɛtɛa nɩkplaan, ‑a kanɩ ‑jioli le ‑a ka Laagɔ cɩmɛ, ‑delikʋtɛlɔ nɩkplaan. 13Ɩla gbʋ dɛ, n 'clalɩ anyɩ le a 'la 'talɩa acɩ 'ciin ɩya 'kwlɩa ‑ɩ bhɩaan 'lɛ ala gbʋ na, ɩ 'la 'kɔtɔa anyɩ 'nyɛkɛ. Ala 'klʋkpanzʋlɩɛ ɩ ‑glɩ 'lɛ.
14Ɩla gbʋ, dɛ n sla 'lɛ Toa ‑deliin ‑kukoonkplii sa. 15Ɔmɔ 'lɔlɩa ‑tɛtɛa ‑ɩ ‑kʋ 'lɛ ‑laagɔɔn ɩya ‑dʋdʋa 'kʋ na ‑kʋlʋ 'lɛ. 16'Naa ɔla 'klʋagbaa 'la 'ghlilo 'la gbʋ, ɔ ŋonu, ɔ 'plɩlɩ ɔla 'Wugoa 'kʋ, ɩya ɔ zʋ anyɩ 'tɛtɩɩn ɩya a 'ka nɩklpaan 'tɛbhalɩ. 17'Naa ɔ gba ɩya Klisi kʋ ala pɔlɩa nɩkplaan sa, pɔɔtɛtɛ nɩkplaan ɩya a zʋ ‑sikplii ɩya a 'slalɩ ‑walʋ nɩkplaan, 18ɩya aya ‑kplɔkplɔnyaa 'fɩan 'ka mino ɩya 'ka Klisi 'la ‑walʋa 'la 'ghliloa, ʋla 'bhʋalɔa, ʋla 'kʋtoloa ɩya ʋla nɩkplaantlʋlɔa 'la ‑zɔn 'nu, 19ɩya a 'ka Klisi 'la ‑walʋa, ‑ʋ plɩ 'lɛ wɔɔcibhlililiea ‑tɛtɛa cɩ na a cibhlili, ɩya Laagɔ 'la jabhʋa ‑tɛtɛa 'ka anyɩ yeli.
20Ɔmɔa ‑ɔ 'plɩlɩ 'lɛ ɔla 'tɛtɩa ‑ɩ ‑kʋ 'lɛ ‑anyɩ nɩkplaan na 'kʋ, ɔ mino 'lɛ ‑ɔ nʋ 'lɛ 'nyɩ ɔ zi 'lɛ ɩmɩa ‑a cɩɔ 'lɛ 'clalɩ ‑aana ‑a cɩ 'lɛ gugu na 'kʋ na, 21'naa 'klʋagba ŋenio ‑laagɔnɩkplaa ɩya Zozi Klisi nɩkplaan, ‑zɔkpʋa 'fɩan 'la gbʋ, 'lʋkʋlʋkʋ ɩya 'lʋkʋlʋkʋ. Ɩ kʋ sɛɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.