Efz 2
2
'Kwɩɩn ‑a 'wlʋ 'lɛ 'nyɩ ‑a ya 'lɛ jabhʋa nɩkplaan ble
1Na, anyɩ, a ‑kuoa ala ‑ngasitʋlɩɛa ɩya ala nyinyia 'la gbʋ. 2Ɩmɩa nɩkplaan a ‑kʋa 'lɛ ‑bɛkadaa, daa a gɩlɩa 'lɛ ‑laagɔzɔan na, ‑kwletɛtɩa ‑ɩ ‑kʋ 'lɛ ‑taatea nɩkplaan na 'la ‑kwletoa, 'wugoa ‑ʋ ‑kʋ 'lɛ ‑pɔtɔnʋ maa ‑ɔ zʋ 'ta 'lɛ Laagɔ na nɩkplaan na. 3‑Anyɩ ‑ma, ‑a ‑kʋmʋa maa ‑naa sidiin, ‑anyɩa 'fɩan ‑bɛkadaa, ‑ɔ nʋa 'lɛ lɩɩa ‑ɩ ‑kaa 'lɛ ‑ala 'nyɛkɛa 'tʋ na: ‑A nʋa ɛla pɔɔsa, ‑a gɩlɩa ɛla wɔɔgugwiea 'nyɩ ala kʋkʋkʋlɩɛa gbaa na, a ‑kʋa maa 'bhisa, 'nyɩ ‑a ‑kʋa 'lɛ Laagɔ 'la dɔgbɛa ‑zɔn.
4‑Ma Laagɔ 'la ŋaazɩɩnlɩlɩɛa 'ghli. ‑Walʋ 'kadʋa ɔ ‑wabha 'lɛ ‑anyɩ na, ʋla gbʋ na, 5daa ‑ala ‑ngasitʋlɩɛa 'la gbʋ, ‑a ‑kuoa 'lɛ na, ɔ ya ‑aya Klisi nebhlo jabhalɩ. Laagɔ 'la ‑danaanɔa nɩkplaan a 'lɩlɩ 'lɛ gbʋʋnsalɩɛ. 6‑Aya Zozi Klisi 'la nebhloplɩlɩɛa nɩkplaan, ɔ ya ‑a -yɔɔsɔ 'kwɩɩnkʋbho 'nyɩ ɔ ya ‑ayɔɔsɔ ‑laagɔɔn sakʋda zʋ. 7‑Sa, ɔla dananɔ ‑a 'lɩlɩ 'lɛ Zozi Klisi nɩkplaan na 'la gbʋ, ɔ wabha 'lɛ le ɔ 'ka 'bhlɛsʋa ‑ʋ cɩ ka 'lɛ ci na nɩkplaan, ɔla ‑wawʋa ‑ʋ 'ta 'lɛ 'mʋsʋ ‑ka na pala. 8‑Masa ɔla dananɔa nɩkplaan a 'lɩlɩ 'lɛ gbʋʋnsalɩɛ, pɔɔtɛtɛ nɩkplaan. 'Nyɩ 'ɩ 'wlʋlʋ 'ta anyɩ wlɩɩn, ‑ma ɩ ‑glɩ Laagɔ 'la vavalʋʋ. 9Ɩmɩ ‑naa 'wlʋlʋ 'ta nclɔɔ 'la nʋnʋgbɩ nɩkplaan, ɩya nclɔɔ 'la kasɛ gbɩɩnkpoli. 10Sa ɔla wlɩɩn na nʋnʋlobholi ‑a ‑glɩ 'lɛ. Laagɔ ya ‑anyɩ Zozi Klisi nɩkplaan nʋnʋ, le ‑a ka nʋnʋgbɩ 'nanɩa ɔ bhɔsʋa -ala gbʋ bhɔdaa tooto na 'kʋglalɩ.
Klisi nɩkplaan, ‑a ‑glɩnɩ bhlo
11Na, a luoli lebhe ‑bɛkadaa, anyɩa 'nyɛkɛa 'la 'sasʋʋn, ‑ɔ 'taa 'lɛ Zifʋnya* ‑glɩ na, anyɩ maa mala 'nyɛkɛa 'la 'kʋdɩlɩɛ 'la gbʋ, ‑ɔ cla 'lɛ macɩ lebhe ma ‑dɩɔ 'kʋ na, laa 'lɛ «ncɛlɩa ‑ɔ 'ta 'lɛ 'kʋdɩɔ» na. 12A luoli lebhe 'dɛ 'la daa, a 'ta ka kaa Klisi ‑ka, a 'taa Izlayɛlɩlɔlʋa* nɩkplaan ‑kʋmʋ, a 'taa mɛnʋa 'la ‑ndanyɩa nɩkplaan ‑kʋmʋ, a 'taa pɔlɛkʋtɛlɔ ‑ka, a 'ta Laagɔ ‑ka 'nyɩ a ‑kʋa 'lɛ ‑laagɔzɔan. 13‑Ma ‑pɔtɔnʋ, Zozi Klisi nɩkplaan, anyɩa ‑ɔ ‑kʋa 'lɛ ‑bɛkadaa 'koonko na, Klisi 'la ‑dolua ya gba na a ‑kʋnɩ ‑koko. 14‑Masa, ɔmɔ ‑ɔ nyɩ 'lɛ ‑anyɩ pupue na. Ɩmɩa ‑ɩ ‑sasalɩɔa 'lɛ cɩ na, ɔ yɩɩ bhlo ple. Ɔla 'kwɩa nɩkplaan, ɔ ya ‑gbudua ‑ʋ sasalɩa 'lɛ -anyɩ cɩ na gbɔlʋ.#2.14 Zifʋnyaa 'la Laagɔpaakadie ‑zɔn, ‑gbudu sasalɩa lowiea ɩya Zifʋnyaa cɩ. 'Nyɩ gbazɩ lowlunyɔ ‑ka Zifʋnyaa 'la gbazɩa ble na, ka ma bhlɔɔ 'lɛ, saa Moyizi 'la ‑jlɩmaa bhli 'lɛ kʋ na. Ʋmʋ ‑ʋ ‑glɩ 'lɛ ‑zɔbhɛlɩzʋ. 15Ɔ ya ‑jlɩmaa ɩya ala nɩkplaan 'la wɔlɩa 'dɛ ‑sa. Ɔ ya Zifʋnyɔ* ɩya ɔmɔa ‑ɔ 'ta 'lɛ Zifʋnyɔ ‑glɩ na ɔcɩ nɩkplaan bhlo pleli, ɩya pupue 'ka ci. 16Ɔ ya dabhlalɩsua 'kʋ 'plɩlɩ, ɔ ya ncaacia ‑mɔsɔa nclɔɔ bhlo ple 'nyɩ ɔ ya maya Laagɔ cɩzʋlʋ: Dɩpɩa ɔ 'bhlalɩ 'lɛ ‑zɔbhɛlɩzʋ. 17Ka ɔ ci 'lɛ le ɔ 'ka pupue 'la Dɩnanɩa* anyɩa ‑ɔ ‑kʋa 'lɛ 'koonko ɩya maa ‑ɔ ‑kʋa 'lɛ ‑koko na ‑sa. 18Ɔmɔ ‑bɔɔ gba 'lɛ 'nyɩ ‑anʋaa ɩya ‑da -naanʋaa, 'Wugoa bhlogbɩɩ nɩkplaan, ‑a ŋeni 'lɛ Toa cɩ.
19Na, a 'tanɩ lowie ‑glɩ, a 'tanɩ 'plɩplɩnya ‑glɩ, ‑ma a ‑glɩnɩ ‑kplɔkplɔnyaa 'bhlɩnyaa, a ‑glɩnɩ Laagɔ 'la 'lɔlʋnya. 20A ‑kʋmʋnɩ ‑palʋa lobhulobhunyaa* ɩya Laagɔnekʋnyɩtɛnyaa* zʋ 'lɛ ‑gluu 'nyɩ Zozi Klisi 'titi ‑glɩ 'lɛ cokwiea 'kʋa ʋ 'slalɩ na, 'la 'slalɩɛa nɩkplaan. 21Ɔmɔ nɩkplaan ‑palʋa ‑tɛtɛa 'wlʋlʋ 'lɛ 'kʋ, ʋ ‑gblaa 'lɛ 'nyɩ ʋ ‑glɩ 'lɛ ‑Kwlenyɔa 'la ‑kplɔkplɔ ‑palʋ. 22Na, ɔmɔ nɩkplaan, anyɩ ‑ma, ma zʋmʋ 'lɛ anyɩ nebhlo ‑palʋa 'la 'slalɩɛa nɩkplaan, ɩya ‑Kplɔkplɔ ‑Wugoa* 'la 'kʋplɩlɩlɩɛa nɩkplaan, a 'ka Laagɔ 'la sakʋda 'plɩ.
Currently Selected:
Efz 2: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
Efz 2
2
'Kwɩɩn ‑a 'wlʋ 'lɛ 'nyɩ ‑a ya 'lɛ jabhʋa nɩkplaan ble
1Na, anyɩ, a ‑kuoa ala ‑ngasitʋlɩɛa ɩya ala nyinyia 'la gbʋ. 2Ɩmɩa nɩkplaan a ‑kʋa 'lɛ ‑bɛkadaa, daa a gɩlɩa 'lɛ ‑laagɔzɔan na, ‑kwletɛtɩa ‑ɩ ‑kʋ 'lɛ ‑taatea nɩkplaan na 'la ‑kwletoa, 'wugoa ‑ʋ ‑kʋ 'lɛ ‑pɔtɔnʋ maa ‑ɔ zʋ 'ta 'lɛ Laagɔ na nɩkplaan na. 3‑Anyɩ ‑ma, ‑a ‑kʋmʋa maa ‑naa sidiin, ‑anyɩa 'fɩan ‑bɛkadaa, ‑ɔ nʋa 'lɛ lɩɩa ‑ɩ ‑kaa 'lɛ ‑ala 'nyɛkɛa 'tʋ na: ‑A nʋa ɛla pɔɔsa, ‑a gɩlɩa ɛla wɔɔgugwiea 'nyɩ ala kʋkʋkʋlɩɛa gbaa na, a ‑kʋa maa 'bhisa, 'nyɩ ‑a ‑kʋa 'lɛ Laagɔ 'la dɔgbɛa ‑zɔn.
4‑Ma Laagɔ 'la ŋaazɩɩnlɩlɩɛa 'ghli. ‑Walʋ 'kadʋa ɔ ‑wabha 'lɛ ‑anyɩ na, ʋla gbʋ na, 5daa ‑ala ‑ngasitʋlɩɛa 'la gbʋ, ‑a ‑kuoa 'lɛ na, ɔ ya ‑aya Klisi nebhlo jabhalɩ. Laagɔ 'la ‑danaanɔa nɩkplaan a 'lɩlɩ 'lɛ gbʋʋnsalɩɛ. 6‑Aya Zozi Klisi 'la nebhloplɩlɩɛa nɩkplaan, ɔ ya ‑a -yɔɔsɔ 'kwɩɩnkʋbho 'nyɩ ɔ ya ‑ayɔɔsɔ ‑laagɔɔn sakʋda zʋ. 7‑Sa, ɔla dananɔ ‑a 'lɩlɩ 'lɛ Zozi Klisi nɩkplaan na 'la gbʋ, ɔ wabha 'lɛ le ɔ 'ka 'bhlɛsʋa ‑ʋ cɩ ka 'lɛ ci na nɩkplaan, ɔla ‑wawʋa ‑ʋ 'ta 'lɛ 'mʋsʋ ‑ka na pala. 8‑Masa ɔla dananɔa nɩkplaan a 'lɩlɩ 'lɛ gbʋʋnsalɩɛ, pɔɔtɛtɛ nɩkplaan. 'Nyɩ 'ɩ 'wlʋlʋ 'ta anyɩ wlɩɩn, ‑ma ɩ ‑glɩ Laagɔ 'la vavalʋʋ. 9Ɩmɩ ‑naa 'wlʋlʋ 'ta nclɔɔ 'la nʋnʋgbɩ nɩkplaan, ɩya nclɔɔ 'la kasɛ gbɩɩnkpoli. 10Sa ɔla wlɩɩn na nʋnʋlobholi ‑a ‑glɩ 'lɛ. Laagɔ ya ‑anyɩ Zozi Klisi nɩkplaan nʋnʋ, le ‑a ka nʋnʋgbɩ 'nanɩa ɔ bhɔsʋa -ala gbʋ bhɔdaa tooto na 'kʋglalɩ.
Klisi nɩkplaan, ‑a ‑glɩnɩ bhlo
11Na, a luoli lebhe ‑bɛkadaa, anyɩa 'nyɛkɛa 'la 'sasʋʋn, ‑ɔ 'taa 'lɛ Zifʋnya* ‑glɩ na, anyɩ maa mala 'nyɛkɛa 'la 'kʋdɩlɩɛ 'la gbʋ, ‑ɔ cla 'lɛ macɩ lebhe ma ‑dɩɔ 'kʋ na, laa 'lɛ «ncɛlɩa ‑ɔ 'ta 'lɛ 'kʋdɩɔ» na. 12A luoli lebhe 'dɛ 'la daa, a 'ta ka kaa Klisi ‑ka, a 'taa Izlayɛlɩlɔlʋa* nɩkplaan ‑kʋmʋ, a 'taa mɛnʋa 'la ‑ndanyɩa nɩkplaan ‑kʋmʋ, a 'taa pɔlɛkʋtɛlɔ ‑ka, a 'ta Laagɔ ‑ka 'nyɩ a ‑kʋa 'lɛ ‑laagɔzɔan. 13‑Ma ‑pɔtɔnʋ, Zozi Klisi nɩkplaan, anyɩa ‑ɔ ‑kʋa 'lɛ ‑bɛkadaa 'koonko na, Klisi 'la ‑dolua ya gba na a ‑kʋnɩ ‑koko. 14‑Masa, ɔmɔ ‑ɔ nyɩ 'lɛ ‑anyɩ pupue na. Ɩmɩa ‑ɩ ‑sasalɩɔa 'lɛ cɩ na, ɔ yɩɩ bhlo ple. Ɔla 'kwɩa nɩkplaan, ɔ ya ‑gbudua ‑ʋ sasalɩa 'lɛ -anyɩ cɩ na gbɔlʋ.#2.14 Zifʋnyaa 'la Laagɔpaakadie ‑zɔn, ‑gbudu sasalɩa lowiea ɩya Zifʋnyaa cɩ. 'Nyɩ gbazɩ lowlunyɔ ‑ka Zifʋnyaa 'la gbazɩa ble na, ka ma bhlɔɔ 'lɛ, saa Moyizi 'la ‑jlɩmaa bhli 'lɛ kʋ na. Ʋmʋ ‑ʋ ‑glɩ 'lɛ ‑zɔbhɛlɩzʋ. 15Ɔ ya ‑jlɩmaa ɩya ala nɩkplaan 'la wɔlɩa 'dɛ ‑sa. Ɔ ya Zifʋnyɔ* ɩya ɔmɔa ‑ɔ 'ta 'lɛ Zifʋnyɔ ‑glɩ na ɔcɩ nɩkplaan bhlo pleli, ɩya pupue 'ka ci. 16Ɔ ya dabhlalɩsua 'kʋ 'plɩlɩ, ɔ ya ncaacia ‑mɔsɔa nclɔɔ bhlo ple 'nyɩ ɔ ya maya Laagɔ cɩzʋlʋ: Dɩpɩa ɔ 'bhlalɩ 'lɛ ‑zɔbhɛlɩzʋ. 17Ka ɔ ci 'lɛ le ɔ 'ka pupue 'la Dɩnanɩa* anyɩa ‑ɔ ‑kʋa 'lɛ 'koonko ɩya maa ‑ɔ ‑kʋa 'lɛ ‑koko na ‑sa. 18Ɔmɔ ‑bɔɔ gba 'lɛ 'nyɩ ‑anʋaa ɩya ‑da -naanʋaa, 'Wugoa bhlogbɩɩ nɩkplaan, ‑a ŋeni 'lɛ Toa cɩ.
19Na, a 'tanɩ lowie ‑glɩ, a 'tanɩ 'plɩplɩnya ‑glɩ, ‑ma a ‑glɩnɩ ‑kplɔkplɔnyaa 'bhlɩnyaa, a ‑glɩnɩ Laagɔ 'la 'lɔlʋnya. 20A ‑kʋmʋnɩ ‑palʋa lobhulobhunyaa* ɩya Laagɔnekʋnyɩtɛnyaa* zʋ 'lɛ ‑gluu 'nyɩ Zozi Klisi 'titi ‑glɩ 'lɛ cokwiea 'kʋa ʋ 'slalɩ na, 'la 'slalɩɛa nɩkplaan. 21Ɔmɔ nɩkplaan ‑palʋa ‑tɛtɛa 'wlʋlʋ 'lɛ 'kʋ, ʋ ‑gblaa 'lɛ 'nyɩ ʋ ‑glɩ 'lɛ ‑Kwlenyɔa 'la ‑kplɔkplɔ ‑palʋ. 22Na, ɔmɔ nɩkplaan, anyɩ ‑ma, ma zʋmʋ 'lɛ anyɩ nebhlo ‑palʋa 'la 'slalɩɛa nɩkplaan, ɩya ‑Kplɔkplɔ ‑Wugoa* 'la 'kʋplɩlɩlɩɛa nɩkplaan, a 'ka Laagɔ 'la sakʋda 'plɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.