2 Kolt 4
4
Klisi 'kʋ lobholia ɔ zʋ 'lɛ anyɩ wlɩɩn na nɩkplaan
1Na, Laagɔ 'la ŋaazɩɩnlɩlɩɛa nɩkplaan, ‑a ‑kʋlʋ 'lɛ lobholi ‑naa nɩkplaan, dɛ 'nyɛkɛ 'kɔtɔ 'ta 'lɛ ‑anyɩ. 2‑A ya nʋnʋgbɩa ma cɩ 'lɛ zizie 'nyɩ ‑ɩ ‑ka 'lɛ ‑zo na bɩ 'kʋ 'wlʋ, ‑a 'ta ‑kplakplanya ‑glɩ 'nyɩ ‑a kaci 'ta Laagɔ 'la wɔɔnyɩtʋa. ‑Ma, ‑nʋawlɛnyɩtʋ nɩkplaan, ‑a 'matɩ 'lɛ le ncɛlɩa 'fɩan 'tɛbhalɩ ‑anyɩ ‑deli 'kʋ Laagɔ 'ci 'kʋ. 3'Bhlɩmɔɔn, ɩ ‑ka ‑kʋ le Dɩnanɩa* ‑a sa 'lɛ na, ɩ ‑ka ncɛlɩ 'wlu bi na, 'dɛndlana, maa ‑ɔ ‑mlɔɔ 'lɛ na, maa ɩ bi 'lɛ 'wlu, 4maa ‑ɔ la 'ta 'lɛ ‑nʋawlɛ 'nyɩ 'pʋpʋ ‑naa 'kʋ 'la ‑laagɔa#4.4 'Pʋpʋ ‑naa 'kʋ 'la ‑laagɔa, ɔmɔ ‑ɔ ‑glɩ 'lɛ gɔzɛ ma la 'lɛ Sataan na. ya 'lɛ mala dɩgalɩa kpaslɩlɩ le ma 'la ka Klisi, ɔmɔa ‑ɔ ‑kʋ 'lɛ Laagɔ 'bhisa na, 'la Dɩnanɩa 'la 'klʋagbaa 'la leliea 'lɩ na. 5‑Awlɛ, ‑n 'ta ‑anyɩ 'titi -acɩɩ ‑a plici 'ta 'lɛ, ‑ma ‑Kwlenyɔ Zozi Klisi ‑a plici 'lɛ. ‑Ɔ ‑glɩ 'lɛ ‑anyɩ na, ‑anyɩ 'titi, ‑a la ‑acɩ ala lobhonya Zozii 'la gbʋ. 6Sa Laagɔa ‑ɔ 'cla 'lɛ lebhe: 'Naa zezezeli leli 'tutua nɩkplaan na, ɔmɔ 'titii ‑ɔ leli 'lɛ ‑ala pɔlɩa nɩkplaan le ɔ 'ka gba ɩya ma 'ka ɔla 'klʋagbaa ‑a leli 'lɛ Klisi 'la 'klʋa na cibhlili. 7‑Ma 'bhɛlɩ ‑naa, mamɛnyidi nɩkplaan ‑a bhɛɛlɩɩ 'lɛ ɩya ma 'ka 'lɩ lebhe 'tɛtɩ ‑naa ‑ɩ 'ta 'lɛ 'mʋsʋ ‑ka na, Laagɔ nɩɩ ‑ɩ ‑glɩ 'lɛ, ‑ma n 'ta ‑anyɩ ‑a nɩɩ. 8Ma cili ‑anyɩ gbatlɩ daa ‑tɛtɛa, ‑ma ‑a kla kpaan. ‑A 'ta mʋnʋda ‑ka, ‑ma ‑a lɩ 'plɩda. 9Ma tli -anyɩ, ‑ma maa ŋeni 'ta -anyɩ. Ma palɩ ‑anyɩ sa, ‑ma maa ‑sɩa 'ta -anyɩ. 10‑A bhɛɛ Zozii 'la 'kwlɩbhɩɛa ‑ala 'nyɛkɛa nɩkplaan 'lʋkʋlʋkʋ ɩya ma 'ka Zozii 'la jabhʋa ‑ala 'nyɛkɛa nɩkplaan 'lɩlɩ. 11Clɩɩa 'fɩan, ‑anyɩ ‑jajanyaa, ma fa ‑anyɩ 'kwɩ neen Zozii 'la gbʋ, ɩya ma 'ka Zozii 'la jabhʋa ‑anyɩ ‑masɛ ‑ala 'nyɛkɛa ‑ɛ -cɩ ka 'lɛ 'ku na, nɩkplaan 'lɩlɩ. 12‑Sa 'kwɩ nʋnʋ 'lɛ ‑anyɩ lobholi kpʋkpʋʋn, 'nyɩ anyɩ jabhʋa ‑kʋ 'lɛ anyɩ nɩkplaan.
‑A 'gulu 'ta 'kwɩ
13‑Ma, ‑a ‑ka 'lɛ pɔɔtɛtɩwugo ‑naa bhlogbɩɩ ɩ ‑zieo 'lɛ ʋla 'sasʋʋn lebhe: «N ya ‑nʋawlɛ la, dɛ n nyɩtɛ 'lɛ» na, ‑anyɩ ‑ma, ‑a la 'lɛ ‑nʋawlɛ na, dɛ ‑a nyɩtɛ 'lɛ. 14Sa ‑a cibhlili lebhe ɔmɔa ‑ɔ ‑bho 'lɛ ‑Kwlenyɔ Zozii 'kwɩɩn 'kʋ na, ɔ cɩ ‑anyɩ ‑ma, ‑aya Zozii 'kwɩɩnkʋbho 'nyɩ ɔ cɩ ‑aya anyɩsɔ ɔcɩ cɩ zʋ. 15'Nyɩ ɩmɩ ‑naa ‑tɛtɛa, ala gbʋ ɩ 'plɩlɩ 'lɛ ‑anyɩ 'kʋ ɩya Laagɔ 'la dananɔa 'ka gba ɩya ncaabhutukpa 'kɔɔ bhɔlʋ ɔla 'klʋagba 'la gbʋ.
‑A ‑ka pɔɔtɛtɛ le ‑a cɩ 'kwɩɩnkʋbho
16Ɩmɩ ‑naa 'la gbʋ na, dɛ ‑a cɔbha 'ta 'lɛ 'nyɩ ka ‑ala 'nyɛkɛa ‑ka cɔbhada -kʋ 'titio na, ‑ala 'wugoa plɩ ‑lɩɩlelʋʋ clɩɩa 'fɩan. 17Sa ‑ala ‑yaka 'la 'kwlɩbhɩɛa 'ta 'ghli ɛ 'ta 'klʋagba 'kadiea ‑a 'ta 'lɛ bhɩada ‑ka 'nyɩ -a -bhɔsʋa 'lɛ ‑ala gbʋ na 'kʋzi. 18Ɩmɩa ‑anyɩ ‑a 'matɩ 'lɛ na, ‑n 'ta ɩmɩa ma ‑jlɛ 'lɛ na, ‑ma ɩmɩa ma 'ta 'lɛ ‑jlɛ na. Ɩmɩa ma ‑jlɛ 'lɛ na, 'ɩ ‑gwlɛlɩ 'ta, ‑ma ɩmɩa ma 'ta 'lɛ ‑jlɛ na, ɩ 'ta 'wluzɔnbhɩalɩda ‑ka.
Currently Selected:
2 Kolt 4: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
2 Kolt 4
4
Klisi 'kʋ lobholia ɔ zʋ 'lɛ anyɩ wlɩɩn na nɩkplaan
1Na, Laagɔ 'la ŋaazɩɩnlɩlɩɛa nɩkplaan, ‑a ‑kʋlʋ 'lɛ lobholi ‑naa nɩkplaan, dɛ 'nyɛkɛ 'kɔtɔ 'ta 'lɛ ‑anyɩ. 2‑A ya nʋnʋgbɩa ma cɩ 'lɛ zizie 'nyɩ ‑ɩ ‑ka 'lɛ ‑zo na bɩ 'kʋ 'wlʋ, ‑a 'ta ‑kplakplanya ‑glɩ 'nyɩ ‑a kaci 'ta Laagɔ 'la wɔɔnyɩtʋa. ‑Ma, ‑nʋawlɛnyɩtʋ nɩkplaan, ‑a 'matɩ 'lɛ le ncɛlɩa 'fɩan 'tɛbhalɩ ‑anyɩ ‑deli 'kʋ Laagɔ 'ci 'kʋ. 3'Bhlɩmɔɔn, ɩ ‑ka ‑kʋ le Dɩnanɩa* ‑a sa 'lɛ na, ɩ ‑ka ncɛlɩ 'wlu bi na, 'dɛndlana, maa ‑ɔ ‑mlɔɔ 'lɛ na, maa ɩ bi 'lɛ 'wlu, 4maa ‑ɔ la 'ta 'lɛ ‑nʋawlɛ 'nyɩ 'pʋpʋ ‑naa 'kʋ 'la ‑laagɔa#4.4 'Pʋpʋ ‑naa 'kʋ 'la ‑laagɔa, ɔmɔ ‑ɔ ‑glɩ 'lɛ gɔzɛ ma la 'lɛ Sataan na. ya 'lɛ mala dɩgalɩa kpaslɩlɩ le ma 'la ka Klisi, ɔmɔa ‑ɔ ‑kʋ 'lɛ Laagɔ 'bhisa na, 'la Dɩnanɩa 'la 'klʋagbaa 'la leliea 'lɩ na. 5‑Awlɛ, ‑n 'ta ‑anyɩ 'titi -acɩɩ ‑a plici 'ta 'lɛ, ‑ma ‑Kwlenyɔ Zozi Klisi ‑a plici 'lɛ. ‑Ɔ ‑glɩ 'lɛ ‑anyɩ na, ‑anyɩ 'titi, ‑a la ‑acɩ ala lobhonya Zozii 'la gbʋ. 6Sa Laagɔa ‑ɔ 'cla 'lɛ lebhe: 'Naa zezezeli leli 'tutua nɩkplaan na, ɔmɔ 'titii ‑ɔ leli 'lɛ ‑ala pɔlɩa nɩkplaan le ɔ 'ka gba ɩya ma 'ka ɔla 'klʋagbaa ‑a leli 'lɛ Klisi 'la 'klʋa na cibhlili. 7‑Ma 'bhɛlɩ ‑naa, mamɛnyidi nɩkplaan ‑a bhɛɛlɩɩ 'lɛ ɩya ma 'ka 'lɩ lebhe 'tɛtɩ ‑naa ‑ɩ 'ta 'lɛ 'mʋsʋ ‑ka na, Laagɔ nɩɩ ‑ɩ ‑glɩ 'lɛ, ‑ma n 'ta ‑anyɩ ‑a nɩɩ. 8Ma cili ‑anyɩ gbatlɩ daa ‑tɛtɛa, ‑ma ‑a kla kpaan. ‑A 'ta mʋnʋda ‑ka, ‑ma ‑a lɩ 'plɩda. 9Ma tli -anyɩ, ‑ma maa ŋeni 'ta -anyɩ. Ma palɩ ‑anyɩ sa, ‑ma maa ‑sɩa 'ta -anyɩ. 10‑A bhɛɛ Zozii 'la 'kwlɩbhɩɛa ‑ala 'nyɛkɛa nɩkplaan 'lʋkʋlʋkʋ ɩya ma 'ka Zozii 'la jabhʋa ‑ala 'nyɛkɛa nɩkplaan 'lɩlɩ. 11Clɩɩa 'fɩan, ‑anyɩ ‑jajanyaa, ma fa ‑anyɩ 'kwɩ neen Zozii 'la gbʋ, ɩya ma 'ka Zozii 'la jabhʋa ‑anyɩ ‑masɛ ‑ala 'nyɛkɛa ‑ɛ -cɩ ka 'lɛ 'ku na, nɩkplaan 'lɩlɩ. 12‑Sa 'kwɩ nʋnʋ 'lɛ ‑anyɩ lobholi kpʋkpʋʋn, 'nyɩ anyɩ jabhʋa ‑kʋ 'lɛ anyɩ nɩkplaan.
‑A 'gulu 'ta 'kwɩ
13‑Ma, ‑a ‑ka 'lɛ pɔɔtɛtɩwugo ‑naa bhlogbɩɩ ɩ ‑zieo 'lɛ ʋla 'sasʋʋn lebhe: «N ya ‑nʋawlɛ la, dɛ n nyɩtɛ 'lɛ» na, ‑anyɩ ‑ma, ‑a la 'lɛ ‑nʋawlɛ na, dɛ ‑a nyɩtɛ 'lɛ. 14Sa ‑a cibhlili lebhe ɔmɔa ‑ɔ ‑bho 'lɛ ‑Kwlenyɔ Zozii 'kwɩɩn 'kʋ na, ɔ cɩ ‑anyɩ ‑ma, ‑aya Zozii 'kwɩɩnkʋbho 'nyɩ ɔ cɩ ‑aya anyɩsɔ ɔcɩ cɩ zʋ. 15'Nyɩ ɩmɩ ‑naa ‑tɛtɛa, ala gbʋ ɩ 'plɩlɩ 'lɛ ‑anyɩ 'kʋ ɩya Laagɔ 'la dananɔa 'ka gba ɩya ncaabhutukpa 'kɔɔ bhɔlʋ ɔla 'klʋagba 'la gbʋ.
‑A ‑ka pɔɔtɛtɛ le ‑a cɩ 'kwɩɩnkʋbho
16Ɩmɩ ‑naa 'la gbʋ na, dɛ ‑a cɔbha 'ta 'lɛ 'nyɩ ka ‑ala 'nyɛkɛa ‑ka cɔbhada -kʋ 'titio na, ‑ala 'wugoa plɩ ‑lɩɩlelʋʋ clɩɩa 'fɩan. 17Sa ‑ala ‑yaka 'la 'kwlɩbhɩɛa 'ta 'ghli ɛ 'ta 'klʋagba 'kadiea ‑a 'ta 'lɛ bhɩada ‑ka 'nyɩ -a -bhɔsʋa 'lɛ ‑ala gbʋ na 'kʋzi. 18Ɩmɩa ‑anyɩ ‑a 'matɩ 'lɛ na, ‑n 'ta ɩmɩa ma ‑jlɛ 'lɛ na, ‑ma ɩmɩa ma 'ta 'lɛ ‑jlɛ na. Ɩmɩa ma ‑jlɛ 'lɛ na, 'ɩ ‑gwlɛlɩ 'ta, ‑ma ɩmɩa ma 'ta 'lɛ ‑jlɛ na, ɩ 'ta 'wluzɔnbhɩalɩda ‑ka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.