2 Kolt 3
3
Mɛnʋ ‑lelua 'la lobholinʋnya ‑a ‑glɩ 'lɛ
1Na, ka ‑a 'matɩ ‑awlɛ 'lɛ le ‑anyɩ 'titi ‑a ka ‑acɩ anyɩ ‑mɔsɔ ‑mɔsɔ pala bha? ‑Aana ncɛlɩ ‑anʋa 'bhisa, ka ‑anyɩ ‑ma, ‑a -cɩ ka 'lɛ anyɩ ‑afluwi pala bha? ‑Aana ka ‑a cɩ 'kɩɩ 'lɛ anyɩ 'clalɩ bha? 2Anyɩ ‑glɩ 'lɛ ala ‑afluwaa, ‑ɔ ‑zieo 'lɛ ‑ala pɔlɩa nɩkplaan, ncɛlɩa 'fɩan ‑ci 'lɛ 'nyɩ ma zɛlɩ 'lɛ na. 3Ncɛlɩa 'fɩan ‑ci lebhe a ‑glɩ Klisi 'la zieziefluwa ɔ zʋ 'lɛ anyɩ wlɩɩn ɔla lobholia 'la gbʋ na. ‑N 'ta ‑afluwuzienyu ɔ 'ta 'lɛ 'ma ɩya ɔ 'kaa zie, ‑ma ‑jaja Laagɔa 'la 'Wugoa ɔ 'ma 'lɛ 'nyɩ ɔ ya 'lɛ zie. ‑N 'ta cɔkʋkpaakpɩ 'kʋ a 'ta 'lɛ ‑zieo, ‑ma 'nyɛkɛkpaakpɩ 'kʋ a ‑zieo 'lɛ, ala pɔlɩa 'ciin. 4'Lɩka ‑delikʋtɛlɔa, ‑a ‑ka 'lɛ Klisi ‑bɔɔ 'la gbʋ Laagɔ ‑deliin na. 5‑N 'ta ‑anyɩ 'titi ‑ala 'wluun, ‑ma Laagɔ wlɩɩn ‑ala minolɩɛa 'wlʋlʋ 'lɛ. 6Ɔmɔ ‑ɔ gba 'lɛ, ‑a ya 'lɛ mino 'nyɩ ‑a ya 'lɛ mɛnʋ ‑lelua 'la lobholinʋnya 'plɩ. ‑N 'ta zieziejlɩmaa 'la ‑mɛnʋa, ‑ma 'Wugoa 'la menʋa. Sa, ka zieziejlɩmaa bhla 'lɛ, ‑ma 'Wugoa, ʋmʋ -ʋ nyɩ 'lɛ jabhʋa.
7'Nyɩ, ɩ ‑ka ‑kʋ le ‑jlɩmaa ‑a ‑zieo 'lɛ cokwiea 'kʋ 'nyɩ ala lobholia lamʋ 'lɛ 'kwɩ na, a ‑ka 'klʋagba ‑zɔnwla 'nyɩ 'klʋagba ‑naa, ‑a ‑glɩ 'lɛ 'plɩplɩ ‑naana ‑ma na ala leliea 'la gbʋ, Izlayɛlɩnyaa* 'taa mino ɩya ma 'ka Moyizi 'la 'klʋa 'ciinkope na, 8'nsasa 'Wugoa 'la lobholia 'la 'klʋagbaa cɩ 'taa 'lɛ 'kʋzi bha? 9'Tɩtɩplalɩɛa ‑ɩ lamʋ 'lɛ gbaylɩsalɩɛ na, ‑ka 'klʋagba 'lɩ na, 'nsasa ɩmɩa ‑ɩ lamʋ 'lɛ 'kʋnylugolulɩɛ na 'ɩ cɩ 'ta 'lɛ 'klʋgba 'lɩ ɩya ɩ 'ka 'lɛ 'dɛ 'kʋzi bha? 10Na, ɩmɩa 'titia ɩ yaa 'lɛ 'klʋagba 'lɩ na, ɩla 'klʋagbaa 'tanɩ lʋʋ ‑ylɛylɛ ‑glɩ 'klʋagba ‑naa, ‑a 'ta 'lɛ 'mʋsʋ ‑ka na 'ci 'kʋ. 11‑Masa, ɩmɩa ‑ɩ ‑glɩa 'lɛ 'plɩplɩlɩɩ, ‑ɩ ‑ka 'klʋagba 'lɩ na, 'nsasa ɩmɩa ‑ɩ ‑kʋ 'lɛ 'lʋkʋlʋkʋ na, 'ɩ cɩ 'ta 'lɛ 'klʋagba 'lɩ ɩya ɩ 'ka 'lɛ 'dɛ 'kʋzi bha?
12‑Sa 'la pɔlɛkʋtɛlɔ ‑a ‑ka 'lɛ, dɛ ‑delikʋtɛlɔ ‑yelio 'lɛ ‑anyɩ. 13‑Anyɩ, ‑a nʋ 'ta le Moyizi, ‑ɔ zʋa 'lɛ ɔcɩ ‑aslala 'klʋ le Izlayɛlɩnyaa 'la kasɛ leliea ‑ɩ ‑glɩ 'lɛ 'plɩplɩ ‑naanɩ na 'la bhɩadaa 'lɩmʋ na. 14Mala dɩgalɩa ya 'tutu pla 'nyɩ ‑yaka ‑awlɛ, ma ‑ka ‑godogodomɛnʋa 'la ‑afluwaa zɛlɩda ‑kʋ na, ‑aslala ‑naa ‑sakasaka ‑kʋ ka ‑azla 'dɛ. A 'ta ka 'dɛ 'wlʋ, sa Klisi nɩkplaan ‑tɛɛ a 'wlʋlʋ 'lɛ 'dɛ na. 15‑Ghɛɛ, 'dɛ 'la 'bhlɛsʋa nɩkplaan tootoa ‑aan ‑yaka 'titio, ma ‑ka Moyizi 'la ‑afluwia zɛlɩda ‑kʋ na, ‑aslala ‑gblio ka ‑azla mala pɔlɩa 'wlu. 16Nclɔɔ ‑ka kwlacala 'nyɩ ɔ ‑ka ‑Kwlenyɔ 'klʋ ‑tla na, 'dɛ ‑tɛɛ ‑aslala ‑naa bhli 'lɛ. 17Sa, ‑Kwlenyɔ ‑glɩ 'lɛ 'Wugoa, 'nyɩ daa ‑Kwlenyɔ 'la 'Wugoa ‑kʋ 'lɛ na, dɩpɩa ‑ncɩkalɩɛ kʋ 'lɛ. 18Na, ‑anyɩa 'fɩan ‑ɔ 'ta 'lɛ ‑aslala 'klʋ ‑gblio, 'nyɩ ‑Kwlenyɔ 'la 'klʋagbaa 'la 'jɩa kla 'lɛ na, ‑a kɩɩ 'pa na, ka ‑Kwlenyɔa ‑ɔ ‑glɩ 'lɛ 'Wugo na, kaci 'lɛ anyɩ ɔcɩ, ɔla 'klʋagbaa ‑a 'ghlibholighlibholili 'lɛ 'kʋ na nɩkplaan.
Currently Selected:
2 Kolt 3: NTLD13
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.
2 Kolt 3
3
Mɛnʋ ‑lelua 'la lobholinʋnya ‑a ‑glɩ 'lɛ
1Na, ka ‑a 'matɩ ‑awlɛ 'lɛ le ‑anyɩ 'titi ‑a ka ‑acɩ anyɩ ‑mɔsɔ ‑mɔsɔ pala bha? ‑Aana ncɛlɩ ‑anʋa 'bhisa, ka ‑anyɩ ‑ma, ‑a -cɩ ka 'lɛ anyɩ ‑afluwi pala bha? ‑Aana ka ‑a cɩ 'kɩɩ 'lɛ anyɩ 'clalɩ bha? 2Anyɩ ‑glɩ 'lɛ ala ‑afluwaa, ‑ɔ ‑zieo 'lɛ ‑ala pɔlɩa nɩkplaan, ncɛlɩa 'fɩan ‑ci 'lɛ 'nyɩ ma zɛlɩ 'lɛ na. 3Ncɛlɩa 'fɩan ‑ci lebhe a ‑glɩ Klisi 'la zieziefluwa ɔ zʋ 'lɛ anyɩ wlɩɩn ɔla lobholia 'la gbʋ na. ‑N 'ta ‑afluwuzienyu ɔ 'ta 'lɛ 'ma ɩya ɔ 'kaa zie, ‑ma ‑jaja Laagɔa 'la 'Wugoa ɔ 'ma 'lɛ 'nyɩ ɔ ya 'lɛ zie. ‑N 'ta cɔkʋkpaakpɩ 'kʋ a 'ta 'lɛ ‑zieo, ‑ma 'nyɛkɛkpaakpɩ 'kʋ a ‑zieo 'lɛ, ala pɔlɩa 'ciin. 4'Lɩka ‑delikʋtɛlɔa, ‑a ‑ka 'lɛ Klisi ‑bɔɔ 'la gbʋ Laagɔ ‑deliin na. 5‑N 'ta ‑anyɩ 'titi ‑ala 'wluun, ‑ma Laagɔ wlɩɩn ‑ala minolɩɛa 'wlʋlʋ 'lɛ. 6Ɔmɔ ‑ɔ gba 'lɛ, ‑a ya 'lɛ mino 'nyɩ ‑a ya 'lɛ mɛnʋ ‑lelua 'la lobholinʋnya 'plɩ. ‑N 'ta zieziejlɩmaa 'la ‑mɛnʋa, ‑ma 'Wugoa 'la menʋa. Sa, ka zieziejlɩmaa bhla 'lɛ, ‑ma 'Wugoa, ʋmʋ -ʋ nyɩ 'lɛ jabhʋa.
7'Nyɩ, ɩ ‑ka ‑kʋ le ‑jlɩmaa ‑a ‑zieo 'lɛ cokwiea 'kʋ 'nyɩ ala lobholia lamʋ 'lɛ 'kwɩ na, a ‑ka 'klʋagba ‑zɔnwla 'nyɩ 'klʋagba ‑naa, ‑a ‑glɩ 'lɛ 'plɩplɩ ‑naana ‑ma na ala leliea 'la gbʋ, Izlayɛlɩnyaa* 'taa mino ɩya ma 'ka Moyizi 'la 'klʋa 'ciinkope na, 8'nsasa 'Wugoa 'la lobholia 'la 'klʋagbaa cɩ 'taa 'lɛ 'kʋzi bha? 9'Tɩtɩplalɩɛa ‑ɩ lamʋ 'lɛ gbaylɩsalɩɛ na, ‑ka 'klʋagba 'lɩ na, 'nsasa ɩmɩa ‑ɩ lamʋ 'lɛ 'kʋnylugolulɩɛ na 'ɩ cɩ 'ta 'lɛ 'klʋgba 'lɩ ɩya ɩ 'ka 'lɛ 'dɛ 'kʋzi bha? 10Na, ɩmɩa 'titia ɩ yaa 'lɛ 'klʋagba 'lɩ na, ɩla 'klʋagbaa 'tanɩ lʋʋ ‑ylɛylɛ ‑glɩ 'klʋagba ‑naa, ‑a 'ta 'lɛ 'mʋsʋ ‑ka na 'ci 'kʋ. 11‑Masa, ɩmɩa ‑ɩ ‑glɩa 'lɛ 'plɩplɩlɩɩ, ‑ɩ ‑ka 'klʋagba 'lɩ na, 'nsasa ɩmɩa ‑ɩ ‑kʋ 'lɛ 'lʋkʋlʋkʋ na, 'ɩ cɩ 'ta 'lɛ 'klʋagba 'lɩ ɩya ɩ 'ka 'lɛ 'dɛ 'kʋzi bha?
12‑Sa 'la pɔlɛkʋtɛlɔ ‑a ‑ka 'lɛ, dɛ ‑delikʋtɛlɔ ‑yelio 'lɛ ‑anyɩ. 13‑Anyɩ, ‑a nʋ 'ta le Moyizi, ‑ɔ zʋa 'lɛ ɔcɩ ‑aslala 'klʋ le Izlayɛlɩnyaa 'la kasɛ leliea ‑ɩ ‑glɩ 'lɛ 'plɩplɩ ‑naanɩ na 'la bhɩadaa 'lɩmʋ na. 14Mala dɩgalɩa ya 'tutu pla 'nyɩ ‑yaka ‑awlɛ, ma ‑ka ‑godogodomɛnʋa 'la ‑afluwaa zɛlɩda ‑kʋ na, ‑aslala ‑naa ‑sakasaka ‑kʋ ka ‑azla 'dɛ. A 'ta ka 'dɛ 'wlʋ, sa Klisi nɩkplaan ‑tɛɛ a 'wlʋlʋ 'lɛ 'dɛ na. 15‑Ghɛɛ, 'dɛ 'la 'bhlɛsʋa nɩkplaan tootoa ‑aan ‑yaka 'titio, ma ‑ka Moyizi 'la ‑afluwia zɛlɩda ‑kʋ na, ‑aslala ‑gblio ka ‑azla mala pɔlɩa 'wlu. 16Nclɔɔ ‑ka kwlacala 'nyɩ ɔ ‑ka ‑Kwlenyɔ 'klʋ ‑tla na, 'dɛ ‑tɛɛ ‑aslala ‑naa bhli 'lɛ. 17Sa, ‑Kwlenyɔ ‑glɩ 'lɛ 'Wugoa, 'nyɩ daa ‑Kwlenyɔ 'la 'Wugoa ‑kʋ 'lɛ na, dɩpɩa ‑ncɩkalɩɛ kʋ 'lɛ. 18Na, ‑anyɩa 'fɩan ‑ɔ 'ta 'lɛ ‑aslala 'klʋ ‑gblio, 'nyɩ ‑Kwlenyɔ 'la 'klʋagbaa 'la 'jɩa kla 'lɛ na, ‑a kɩɩ 'pa na, ka ‑Kwlenyɔa ‑ɔ ‑glɩ 'lɛ 'Wugo na, kaci 'lɛ anyɩ ɔcɩ, ɔla 'klʋagbaa ‑a 'ghlibholighlibholili 'lɛ 'kʋ na nɩkplaan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Dida New Testament © Bible Society of Côte d'Ivoire, 2013.