Lituto za Siraki 49
49
Josiasi
1 #
2 Male 22.1; 22.11-13; 23.3, 25 Kupuzo ya Josiasi i swana
ni insense
ye nunka hande ye lukisizwe
ka bukwala,
sina munati wa linosi mwa mulomo
wa mañi ni mañi,
mi i swana inge lipina kwa mukiti
wa waine.
2N'a ezize musebezi o munde
wa ku sikulula batu,
ni ku zwisa miila ya masila kaufela.
3A sepa feela Mulimu,
mi ka nako ya bumaswe a tiisa batu
ka manzwi a Mulimu.
Malena ba mafelelezo ni bapolofita
4Kwand'a Ezekiasi, Josiasi ni Davida,
malena kaufela, bona,
ne ba ikubukanyezanga bumaswe.
Kabakala ku sa tokomela
Mulao wa Mulimu,
malena ba Juda ba timela.
5Ba beile maata a bona ku ba bañwi,
ni likute la bona kwa sicaba si sili.
6 #
Jer 1.4-10; 39.8 Muleneñi o kenile o n'o ketilwe
wa ciswa,
mi mikwakwa ya ona ya siyala
ili matota feela,
sina mw'a n'a bulelezi mupolofita
Jeremia.
7Kono ne ba mu nyandisize,
niha n'a ezizwe mupolofita pili a si
ka pepwa,
ku t'o kumaula, ku sinya ni ku lutulula,
kono hape ku yaha ni ku cala.
8 #
Ezek 1.3-15; 14.14-20 Ezekiele n'e li yena ya n'a boni
pono ya kanya,
ya n'a bonisizwe ki Mulimu,
i nze i beilwe fa koloi ya mangeloi.
9A ekeza ku bulela ka za Jobo,
ya n'a ezanga lika ze lukile kamita.
10Haili ka za bapolofita ba lishumi
ka ba babeli,
ba pumbuke hande mwa libaka mo ba inzi
kakuli ne ba ezize Jakobo hande
ni ku mu pulusa ka tumelo ni sepo.
Zerubabele ni Joshua
11 #
Ezra 3.2; Hag 2.23 Lu ta kona cwañi ku lumba Zerubabele
ya n'a bonahala inge lisale la bulena
li kwa lizoho la bulyo?
12 #
Hag 1.1, 12 Hape kihona mw'a n'a inezi Joshua
mwan'a Jozadaki.
Ba, ki bona ba ba ne ba yahile Tempele
ka nako ya bona,
ni ku fumanela Mulena Mulimu batu
ba ba kenile,
ba ba lukiselizwe kanya ye sa feli
kuya kuile.
Nehemia
13 #
Neh 6.15
Ki ye tuna ni yona kupuzo ya Nehemia,
ya yahile sinca mamota a luna
a n'a s'a lutuluzwi.
U tomile minyako ni mikwalelo,
ni ku yaha sinca mandu a luna.
Za kwamulaho
14Ku ba ba bupilwe mwa lifasi
kaufela,
ha ku na ni ya n'a likana ni Enoke,
kakuli yena n'a isizwe kwa lihalimu.
15Hape ku ba ba pepilwe
ha ku na ya likana ni Josefa,
mueteleli wa banabahabo,
ni musilelezi wa batu ba hae,
mi masapo a hae n'a kutekwa ki batu.
16Sema ni Seta ne ba kutekehile
mwahal'a batu kaufela,
kono ya n'a fita libupiwa kamukana
n'e li Adama.
Currently Selected:
Lituto za Siraki 49: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.