Malivi 20

Milatu ye tahiswa ki ku sa utwa

1Muñ'a Bupilo a fa Mushe litaelo. 2Mushe n'a na ni ku taluseza batu ba Isilaele kuli, “Mutu ufi ni ufi ku mina, kamba muzwahule ya pila mwahal'a mina, ya ta fa yo muñwi wa bana ba hae kuli a ezezwe Muloke sitabelo, u ta pobaulwa ki nyangela ka macwe. 3Kakuli u file yo muñwi wa bana ba hae ku Muloke, u silafalize Tende ya ka ye Kenile, mi u tompolozi libizo la ka le li kenile, ni ta mu fetuhela, mi ha ni sa na ku mu balela kwa batu ba ka. 4Kono haiba batu ba sa isi pilu ku s'a ezize mutu yo, mi ba tokwa ku mu bulaya, na kasibili ni ta fetuhela mutu yo ni lubasi lwa hae kaufela. 5Hape, ni ta fetuhela batu bao kamukana ba ba kopani ni yena mwa kezo yeo ya ku sa sepahala ku na, ni ku lapela Muloke kwa bona. Ha ni na ku ba balela kwa batu ba ka ni kamuta.

6“Haiba mutu yo muñwi a ka yembulukela kwa batu ba ba buza milimu ya ba ba shwile ni balauli, ni ta mu fetuhela, mi ha ni sa na ku mu balela kwa batu ba ka. 7Mu ipuluke mu nze mu kenile, kakuli ki na Muñ'a Bupilo, Mulimu wa mina. 8Mu utwe milao ya ka, kakuli ki na Muñ'a Bupilo, mi ki na ni mi kenisa.”

9 # Mut 21.17; Mat 15.4; Mar 7.10 Muñ'a Bupilo a fa milao ye, a li, “Mutu kaufela ya ta lwaha ndat'ahe kamba m'ahe, u ta bulaiwa. Lifu la hae ki la ku ipatiseza.

10 # Mut 20.14; Malivi 18.20; Mul 5.18 “Haiba munna a fosa ni musali, bubeli bwa bona ba ta bulaiwa. 11#Malivi 18.8; Mul 22.30; 27.20 Mutu ya fosa ni yo muñwi wa basali ba ndat'ahe u tompolola ndat'ahe, mi yena ni musali cwalo ba ta bulaiwa. Ki bona kasibili ba ba ipatezi lifu. 12#Malivi 18.15 Haiba munna a fosa ni mukwenyan'a hae, bubeli bwa bona ba ta bulaiwa. Ba ezize sindoye, mi ba ipizelize lifu ili bona. 13#Malivi 18.22 Haiba munna a eza kalombe ni munna yo muñwi, fo bubeli bwa bona ba ezize nto ye maswe hahulu, mi ba ta bulaiwa hamoho. Ki bona kasibili ba ba ipatezi lifu. 14#Malivi 18.17; Mul 27.23 Haiba munna a nyala mutu ni m'ahe, kaufel'a bona mwa bulalu bwa bona ba ta bulaiwa ka mulilo, kabakala kezo ye maswe hahulu ye ba ezize. Nto ye cwalo ha i lukeli ku lumelelwa mwahal'a mina. 15#Mut 22.19; Malivi 18.23; Mul 27.21 Haiba munna a ka fosa ni folofolo, ni yena u ta bulaiwa hamoho ni yona. 16Haiba ki yena musali ya lika ku foswa ki folofolo, ni yena u ta bulaiwa hamoho ni yona. Ki mulatu wa hae ni folofolo yeo. U ipatiselize lifu.

17 # Malivi 18.9; Mul 27.22 “Haiba munna a nyala kaizel'a hae, kapa kaizel'a hae y'a kopanezi ni yena ku ndat'a bona, batu bao ba ta swabiswa hahulu patalaza, mi ba ta zwiswa mwa sicaba. U lobezi ni kaizel'a hae, mi u swanezi ku lifa mulatu wa sindoye. 18#Malivi 18.19 Hape haiba munna a fosa ni musali ya keluhile, bubeli bwa bona ba na ni ku zwiswa mwa sicaba, kakuli ba lobile milao ya za ku silafala.

19 # Malivi 18.12-14 “Haiba munna a fosa ni kaizel'a ndat'ahe, bubeli bwa bona ba swanezi ku lifa mulatu wa sindoye. 20Hape haiba mutu a lobala ni musal'a malum'ahe, u tompolola malum'ahe, mi yena ni musali yo ba swanezi ku lifa mulatu wo wa sindoye. Hape ha ku na wa ku bona ya ta ba ni mwana. 21#Malivi 18.16 Haiba munna a nyala musal'a munyan'a hae, ba ta shwa cwalo ba si na bana. U ezize nto ye silafezi ka mulao, mi hape u tompolozi munyan'a hae.”

22Muñ'a Bupilo a li, “Mu buluke milao ni litaelo za ka kaufela, ili kuli mu si ke mwa y'o hanwa ki naha ye ni mi isa ku yona. 23Mu si ke mwa latelela mikwa ya bahedeni be ni leleka mwa naha kuli mina mu ba yole. Ba ni swabisize hahulu ka mikwa ya bona ye maswe kaufela. 24Kono ni mi sepisize naha ye, ye nde ye nunile, kuli i be ya mina, mi luli ni ta mi fa yona. Ki na Muñ'a Bupilo, Mulimu wa mina, mi ni mi ketile kwa macaba a mañwi kaufela. 25Cwalehe, mu ta bonisa fapahano ye utwahala mwahal'a lifolofolo ni linyunywani ze kenile ka mulao ni ze si ka kena. Mu si ke mwa ca lifolofolo kamba linyunywani ze silafezi. Ni se ni talusize kuli li silafezi, mi ha mu li ca, mu ta silafala. 26Mu be batu ba ka, ili ba ba kenile kakuli ni na ni kenile, na, Muñ'a Bupilo. Ni iketezi mina kwa macaba a mañwi kuli kaufel'a mina mu be batu ba ka luli.

27“Munna kamba musali ufi ni ufi ya ta kupa tuso kwa milimu ya ba ba shwile, u ta pobaulwa ka macwe. Ya eza cwalo, ki mulatu wa hae. U ipatiselize lifu.”

Currently Selected:

Malivi 20: Lozi09

Highlight

Copy

Compare