Isaya 35
35
Mukwakwa o kenile
1Lihalaupa li ka taba,
mi lipalisa li ka tubula
mwa manaha a omile.
2Lihalaupa li ta opela
ni ku huwa ka tabo.
Li ta ba le linde
sina Lilundu la Lebanoni,
ni le li nunile sina masimu
a Karimele ni Sharoni.
Mañi ni mañi u ta bona kanya
ya Muñ'a Bupilo,
a bone butuna bwa hae ni maata.
3 #
Maheb 12.12
A mu tiise mazoho a katezi,
ni mañwele a njanjiswa ki ku fokola.
4A mu bulelele ya zwafile kaufela,
mu li,
“Mu tiye, mi mu si ke mwa saba!
Mulimu wa taha ku t'o mi tusa,
ku t'o kutiseza lila za mina.”
5 #
Mat 11.5; Luk 7.22 Meeto a libofu a ta tutubuluha.
Lizebe za bo susu li tibuluhe ni zona.
6Liyanga za mahutu ba ka tula ba bine,
ni limumu ba ta huwa ka tabo.
7Linukana li ta buba mwa lihalaupa.
Lishabati le li cisa li ta fetuha lisa,
mi naha ye omile
i ka tala mawelu-welu.
Mo ne ku pila mawawa
ku ta mela miseme ni mataka.
8Ku ta ba ni mukwakwa o mutuna
mwateñi,
o bizwa Mukwakwa o Kenile.
Ha ku na ku zamaya muezalibi ku ona,
mi ha ku na likuba ba ba ta kelusa
ba ba zamaya mwateñi.
9Moo ha ku na ku ba ni litau.
Libatana ha li na ku taha mwateñi.
Ba ba pilisizwe ki Muñ'a Bupilo
ba ta ya kwa hae
ka ona mukwakwa wo.
10Ba ta y'o fita kwa Jerusalema,
ba nze ba huwa ni ku opela ka tabo.
Ba ta nyakalala kamita,
i nze ba lukuluhile kwa maswabi
ni lililo kuya kuile.
Lozi Interconfessional Bible, Catholic Edition © Bible Society of Zambia, 2009.