Magalata 2
2
Paulusi ni baapositola ba bañwi
1 #
Lik 11.30; 15.2 Mwamulaho a lilimo ze lishumi ka ze ne, na kutela hape kwa Jerusalema ni zamaya ni Barnabasi. Na nga ni Tite, na ya ni yena. 2Na ya kwateñi kakuli Mulimu n'a ni bonisize kuli ne ni swanezi ku eza cwalo. Ha ne lu kopanezi kwa mukunda ni ba bahulu, na ba taluseza Litaba ze Nde za Mulimu ze ni luta balicaba. Ne ni sa lati kuli musebezi wa ka wa pili, ni wa nako ye, i be wa mbango. 3Ibe, mulikan'a ka Tite, niha n'a li Mugerike, h'a si ka hapelezwa ku ya kwa mupato. 4Batu ba bañwi ba ba ne ba ikezize balumeli, ni ku t'o kena mwa sitopa sa luna, ne ba bata ku mu kenya mwa mupato. Batu ba, ne ba keni sina matwela ku t'o bona tukuluho ye lu na ni yona ha lu kopani ni Jesu Kreste. Ne ba bata ku lu kutiseza mwa butanga. 5Ha lu si ka itiselela nihaili nakonyana feela, kuli lu te lu kone ku mi bulukela Litaba ze Nde ka buniti bwa zona.
6 #
Mul 10.17
Ba bahulu ba ba ne ba talimwa kuli ki bazamaisi i ka ba ba batuna cwañi, ku ba ha si taba ye ni bilaeza, kakuli Mulimu h'a talimi mutu ka mw'a bonahalela fa mubili. Bazamaisi bao, be ni bulela, ha ba na mihupulo ye minde ye ba ni file. 7Mane, ba lemuha kuli Mulimu n'a ni file musebezi wa ku luta balicaba Litaba ze Nde, sina mw'a n'a fezwi Pitrosi ku luta Majuda Litaba ze Nde. 8Kakuli ka maata a Mulimu ni ezizwe muapositola wa Balicaba, sina Pitrosi h'a ezizwe muapositola wa Majuda. 9Jakobo ni Pitrosi ni Joani, ba ba ne ba talimwa kuli ki bazamaisi, ba lemuha kuli Mulimu n'a ni file musebezi ona wo. Kiha ba lu swala kwa mazoho, Barnabasi ni na cwalo. Ka ku ba mizwale lwa lumelelana kuli luna lu y'o sebeza mwahal'a Majuda. 10Se ba lu kupile feela kikuli lu hupulange babotana ba keleke ya bona, ili nto ye ni sweli ku eza ka tokomelo.
Paulusi u nyaza Pitrosi mwa Antioke
11Pitrosi h'a t'o fita mwa Antioke, na mu hanyeza patalaza kakuli n'a fosize luli. 12Kaniti batu ba ba ne ba lumilwe ki Jakobo ba si ka fita kale, Pitrosi n'a canga ni mizwale ya balicaba. Kono batu bao ha ba se ba fitile, a kutela mwamulaho mi a hana ku ca ni bona, kakuli n'a saba ba ba ne ba tabela kuli balicaba ba isiwe kwa mupato. 13Mizwale ye miñwi ya Majuda ni bona ba ikeza mapyeha hamoho ni Pitrosi. Nihaili Barnabasi ni yena a hohiwa ki kezo ya boi bwa bona. 14Ha ni se ni boni kuli ne ba sa zamayi ka nzila ye lukile, mwa niti ya Litaba ze Nde, na li ku Pitrosi fapil'a bona kaufela, “Wena u li Mujuda u pilile sina Mulicaba, isiñi Mujuda. Cwalehe, kiñi ha u hapeleza Balicaba ku pila sina Majuda?”
Majuda ni Balicaba ba piliswa ka tumelo
15Luna, ha lu ba bañwi ba balicaba, ba ba bizwa baezalibi. Lu Majuda ka sipepo. 16#Lipi 143.2; Baro 3.20, 22 Nihakulicwalo, lu ziba kuli mutu u beiwa ya lukile feela ka tumelo ku Jesu Kreste, isiñi ka ku eza ze batwa ki Mulao. Ni luna cwalo, lu lumezi ku Jesu Kreste kuli lu be ba ba lukile ku Mulimu ka tumelo ku Kreste, isiñi ka ku eza se si batiwa ki Mulao. Ha ku na ya beiwa ya lukile ku Mulimu ka ku eza se si batiwa ki Mulao. 17Cwale, luna ha lu bata ku ba ba ba lukile ku Mulimu ka kopano ni Kreste, lu fumaneha kuli lu baezalibi sina balicaba. Kana ku talusa kuli Kreste u lu isize mwa sibi? Ha ki cwalo! 18Haiba ni kutela ku zamaya hape ka litaelo za Mulao, ku bonahala kuli ni tula mulao wa tumelo. 19Nihakulicwalo, ka m'o inezi Mulao kasibili, na, ni shwile. Ni bulailwe ki ona kasibili kuli ni pilele Mulimu. Ni bulailwe ni Kreste fa sifapahano. 20Kikuli ha i sa li na ya pila, kono ki Kreste ya pila ku na. Bupilo bo, bo ni pila cwale, ni bu pila ka tumelo ku Mwan'a Mulimu ya ni latile, mi ya fanile bupilo bwa hae kabakala ka. 21Ha ni hani sishemo sa Mulimu. Haiba mutu a ezwa ya lukile ku Mulimu ka Mulao, fohe ku talusa kuli Kreste h'a na s'a shwezi.
Currently Selected:
Magalata 2: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Magalata 2
2
Paulusi ni baapositola ba bañwi
1 #
Lik 11.30; 15.2 Mwamulaho a lilimo ze lishumi ka ze ne, na kutela hape kwa Jerusalema ni zamaya ni Barnabasi. Na nga ni Tite, na ya ni yena. 2Na ya kwateñi kakuli Mulimu n'a ni bonisize kuli ne ni swanezi ku eza cwalo. Ha ne lu kopanezi kwa mukunda ni ba bahulu, na ba taluseza Litaba ze Nde za Mulimu ze ni luta balicaba. Ne ni sa lati kuli musebezi wa ka wa pili, ni wa nako ye, i be wa mbango. 3Ibe, mulikan'a ka Tite, niha n'a li Mugerike, h'a si ka hapelezwa ku ya kwa mupato. 4Batu ba bañwi ba ba ne ba ikezize balumeli, ni ku t'o kena mwa sitopa sa luna, ne ba bata ku mu kenya mwa mupato. Batu ba, ne ba keni sina matwela ku t'o bona tukuluho ye lu na ni yona ha lu kopani ni Jesu Kreste. Ne ba bata ku lu kutiseza mwa butanga. 5Ha lu si ka itiselela nihaili nakonyana feela, kuli lu te lu kone ku mi bulukela Litaba ze Nde ka buniti bwa zona.
6 #
Mul 10.17
Ba bahulu ba ba ne ba talimwa kuli ki bazamaisi i ka ba ba batuna cwañi, ku ba ha si taba ye ni bilaeza, kakuli Mulimu h'a talimi mutu ka mw'a bonahalela fa mubili. Bazamaisi bao, be ni bulela, ha ba na mihupulo ye minde ye ba ni file. 7Mane, ba lemuha kuli Mulimu n'a ni file musebezi wa ku luta balicaba Litaba ze Nde, sina mw'a n'a fezwi Pitrosi ku luta Majuda Litaba ze Nde. 8Kakuli ka maata a Mulimu ni ezizwe muapositola wa Balicaba, sina Pitrosi h'a ezizwe muapositola wa Majuda. 9Jakobo ni Pitrosi ni Joani, ba ba ne ba talimwa kuli ki bazamaisi, ba lemuha kuli Mulimu n'a ni file musebezi ona wo. Kiha ba lu swala kwa mazoho, Barnabasi ni na cwalo. Ka ku ba mizwale lwa lumelelana kuli luna lu y'o sebeza mwahal'a Majuda. 10Se ba lu kupile feela kikuli lu hupulange babotana ba keleke ya bona, ili nto ye ni sweli ku eza ka tokomelo.
Paulusi u nyaza Pitrosi mwa Antioke
11Pitrosi h'a t'o fita mwa Antioke, na mu hanyeza patalaza kakuli n'a fosize luli. 12Kaniti batu ba ba ne ba lumilwe ki Jakobo ba si ka fita kale, Pitrosi n'a canga ni mizwale ya balicaba. Kono batu bao ha ba se ba fitile, a kutela mwamulaho mi a hana ku ca ni bona, kakuli n'a saba ba ba ne ba tabela kuli balicaba ba isiwe kwa mupato. 13Mizwale ye miñwi ya Majuda ni bona ba ikeza mapyeha hamoho ni Pitrosi. Nihaili Barnabasi ni yena a hohiwa ki kezo ya boi bwa bona. 14Ha ni se ni boni kuli ne ba sa zamayi ka nzila ye lukile, mwa niti ya Litaba ze Nde, na li ku Pitrosi fapil'a bona kaufela, “Wena u li Mujuda u pilile sina Mulicaba, isiñi Mujuda. Cwalehe, kiñi ha u hapeleza Balicaba ku pila sina Majuda?”
Majuda ni Balicaba ba piliswa ka tumelo
15Luna, ha lu ba bañwi ba balicaba, ba ba bizwa baezalibi. Lu Majuda ka sipepo. 16#Lipi 143.2; Baro 3.20, 22 Nihakulicwalo, lu ziba kuli mutu u beiwa ya lukile feela ka tumelo ku Jesu Kreste, isiñi ka ku eza ze batwa ki Mulao. Ni luna cwalo, lu lumezi ku Jesu Kreste kuli lu be ba ba lukile ku Mulimu ka tumelo ku Kreste, isiñi ka ku eza se si batiwa ki Mulao. Ha ku na ya beiwa ya lukile ku Mulimu ka ku eza se si batiwa ki Mulao. 17Cwale, luna ha lu bata ku ba ba ba lukile ku Mulimu ka kopano ni Kreste, lu fumaneha kuli lu baezalibi sina balicaba. Kana ku talusa kuli Kreste u lu isize mwa sibi? Ha ki cwalo! 18Haiba ni kutela ku zamaya hape ka litaelo za Mulao, ku bonahala kuli ni tula mulao wa tumelo. 19Nihakulicwalo, ka m'o inezi Mulao kasibili, na, ni shwile. Ni bulailwe ki ona kasibili kuli ni pilele Mulimu. Ni bulailwe ni Kreste fa sifapahano. 20Kikuli ha i sa li na ya pila, kono ki Kreste ya pila ku na. Bupilo bo, bo ni pila cwale, ni bu pila ka tumelo ku Mwan'a Mulimu ya ni latile, mi ya fanile bupilo bwa hae kabakala ka. 21Ha ni hani sishemo sa Mulimu. Haiba mutu a ezwa ya lukile ku Mulimu ka Mulao, fohe ku talusa kuli Kreste h'a na s'a shwezi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.