Mututo 36
36
1“Bezaleele, Oholiabi, ni babeti kamukana ba ba filwe ki Muñ'a Bupilo butali ni bukwala, ni ba ba ziba ku eza sifi ni sifi se si batahala ku yaha Tabelenakele, ba ta eza lika kamukana ka mw'a laelezi Muñ'a Bupilo.”
Batu ba tisa limpo ze ñata
2Mushe a biza Bezaleele, Oholiabi ni likwala kamukana ba ba ne ba filwe butali ki Muñ'a Bupilo, ba ba ne ba itukiselize ku tusa kaufela, mi a ba bulelela kuli ba kalise musebezi. 3Mushe a ba fa limpo kamukana ze n'e tisizwe ki Maisilaele ku t'o yahisa Tabelenakele. Sicaba sa Isilaele sa zwelapili ku tisa limpo za sona ku Mushe ka zazi ni zazi kakusasa. 4Cwale banna ba likwala ba ba ne ba eza musebezi kaufela wa Tabelenakele ba tuhela misebezi ya bona ye fapahani-fapahani, ba taha. 5Ba li ku Mushe, “Sicaba si se si tisa ze ñata hahulu ku fita ze batahala mwa musebezi w'a laezi Muñ'a Bupilo kuli u eziwe.”
6Cwale Mushe a hasanya taelo ye mwa mafulo kamukana, a li, “Ku si ke kwa ba ni mutu, munna kamba musali, ya ka tisa mpo ya kwa muyaho hape.” Kiha batu ba tuhela ku tisa lika. 7Ze ne tisizwe i n'e li ze ñata hahulu ku fita ze ne tokwahala ku feleleza musebezi kaufela.
Ku yahiwa Tabelenakele
(Mut 26.1-37)
8Batu kamukana ba likwala, mwahal'a ba ba ne ba eza musebezi, ba eza Tabelenakele. Ya ezwa ka masila a lishumi a ezizwe ka bwanda bwa line bo bu otilwe hande ni ka bwanda bwa boya bwa ngu bo bu basizwe butala, bupuzwa ni bufubelu cwalo, ili masila a kabisizwe ka bukwala ka maswaniso a likerubimi. 9Lisila ni lisila ne li eza mapeka a lishumi ka a mane mwa butelele ni mapeka a mabeli mwa bukuswani, ili a tikanyo i li ñwi feela. 10Kwa ngunganyiwa a ketalizoho, ku eza li li liñwi, ni a ketalizoho ku eza le liñwi hape. 11Kwa ezwa lipiki ka lisila le litala kwa mafelelezo, fande a le liñwi ni le liñwi. 12Kwa beiwa lipiki ze mashumi a ketalizoho fa lisila la pili ku a kopanyizwe pili ni lipiki ze mashumi a ketalizoho ku libahana ni la bubeli le li kopanyizwe. 13Kwa ezwa liñomeliso za gauda ze mashumi a ketalizoho, mi ka zona kwa kopanyiwa masila ao a mabeli. Kamukwaocwalo, Tabelenakele ya ba nto i liñwi.
14Cwale kwa eziwa masila a lishumi ka li li liñwi a boya bwa lipuli ku eza tende ye kwahela Tabelenakele. 15Lisila le liñwi ni le liñwi ne li eza mapeka a lishumi ka a ketalizoho mwa butelele ni a mabeli mwa bukuswani, mi n'a likanelela kaufel'a ona. 16Kwa ngungekwa a ketalizoho ku eza le liñwi, ni a silezi ku eza la bubeli. 17Kwa beiwa lipiki ze mashumi a ketalizoho kwa mafelelezo a lisila la mwa kalulo ya pili, ni ze mashumi a ketalizoho hape kwa mafelelezo a la kalulo ya bubeli. 18Kwa ezwa liñomeliso za kopa ku kopanyisa likalulo ze peli zeo hamoho, ku eza tende i liñwi. 19Kwa ezwa sikwaheliso sa fa tende ka matalo a lipoho za lingu a basizwe bufubelu, ni litalo le linde la ku apesa fateñi.
20Kwa betelwa Tabelenakele mabala a kota ya akeshya. 21Libala ni libala la ba la mapeka a ketalizoho mwa butelele, mi bupala bwa ba bo bu fitelela hanyinyani licika la lipeka. 22Libala ni libala ne li na ni mishengela ye mibeli ye bapani ya ku li kopanya hamoho. Mabala kaufela a Tabelenakele a ezwa cwalo hamoho ni matomelo a ona. 23Kwa ezwa mabala a mashumi a mabeli ku a beya kwa neku la mboela. 24Mi kwa beiwa matomelo a mashumi a mane a silivela kwatas'a ona, matomelo a mabeli kwa libala li li liñwi ku swala mishengela ya ona ye mibeli. 25Kwa ezwa hape mabala a mashumi a mabeli kwa neku la mutulo wa Tabelenakele. 26Mi kwa ezwa matomelo a silivela a mashumi a mane kwatas'a mabala. 27Ka mulaho wa Tabelenakele, kwa wiko, kwa beiwa mabala a silezi. 28Mi kwa ezwa mabala a mabeli a mwa malulu kwamulaho a Tabelenakele. 29Mabala mwa malulu n'a kopani kwatasi, mi a ngunganyiwa cwalo, mane ku y'o fita kwahalimu, ka liseka la pili. Mabala a mabeli a na eza malulu a mabeli n'a ezizwe ka ona mukwa wo. 30Cwalo, kwa ba ni mabala a supile ni li li liñwi ni matomelo a lishumi ka a silezi, a mabeli kwatas'a libala li li liñwi.
31Kwa ezwa miambeso ye ketalizoho ya kota ya akeshya, ku beya kwa mabala a neku le liñwi la Tabelenakele. 32Kwa ezwa ye ketalizoho hape ni kwa neku le liñwi, ni ye ketalizoho ya mabala a kwa wiko, ili kwamulaho. 33Mubio wa fahali wa ezwa kuli u zwe kwa neku le liñwi ku ya ku le liñwi. 34Mabala a kwahelwa ka gauda ni kwa beiwa lioka za gauda za ku tiisa miambeso, ili lioka ze ne kwahezwi ka gauda ni zona.
35Lisila la ku kwalisa la ezwa ka boya bwa ngu bo butala, bo bupuzwa ni bo bufubelu, ni kwa bwanda bwa line bo bu indilwe, ili lisila le li kabisizwe ka bukwala ka maswaniso a likerubimi. 36Kwa ezwa mitiyo ye mine ya kota ya akeshya ya ku swalisa lisila kwahalimu, ili ye kwaheziwa ka gauda, mi ye beilwe liñomeliso za gauda. Hape kwa ezwa matomelo a mane a silivela a ku tiisa mitiyo. 37Kwa munyako wa tende kwa kwaliswa ka lisila la boya bwa ngu bo bu basizwe butala, bupuzwa ni bufubelu, ni lisila la bwanda bwa line bo bu indilwe. Masila ao n'a kabisizwe ka bukwala. 38Kwa ezwa mitiyo ye ketalizoho ye beilwe liñomeliso, mi ya kwahelwa ka gauda hamoho ni litupa za yona cwalo. Mi hape, kwa ezwa matomelo a ketalizoho a kopa ku beya kwatas'a mitiyo.
Currently Selected:
Mututo 36: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Mututo 36
36
1“Bezaleele, Oholiabi, ni babeti kamukana ba ba filwe ki Muñ'a Bupilo butali ni bukwala, ni ba ba ziba ku eza sifi ni sifi se si batahala ku yaha Tabelenakele, ba ta eza lika kamukana ka mw'a laelezi Muñ'a Bupilo.”
Batu ba tisa limpo ze ñata
2Mushe a biza Bezaleele, Oholiabi ni likwala kamukana ba ba ne ba filwe butali ki Muñ'a Bupilo, ba ba ne ba itukiselize ku tusa kaufela, mi a ba bulelela kuli ba kalise musebezi. 3Mushe a ba fa limpo kamukana ze n'e tisizwe ki Maisilaele ku t'o yahisa Tabelenakele. Sicaba sa Isilaele sa zwelapili ku tisa limpo za sona ku Mushe ka zazi ni zazi kakusasa. 4Cwale banna ba likwala ba ba ne ba eza musebezi kaufela wa Tabelenakele ba tuhela misebezi ya bona ye fapahani-fapahani, ba taha. 5Ba li ku Mushe, “Sicaba si se si tisa ze ñata hahulu ku fita ze batahala mwa musebezi w'a laezi Muñ'a Bupilo kuli u eziwe.”
6Cwale Mushe a hasanya taelo ye mwa mafulo kamukana, a li, “Ku si ke kwa ba ni mutu, munna kamba musali, ya ka tisa mpo ya kwa muyaho hape.” Kiha batu ba tuhela ku tisa lika. 7Ze ne tisizwe i n'e li ze ñata hahulu ku fita ze ne tokwahala ku feleleza musebezi kaufela.
Ku yahiwa Tabelenakele
(Mut 26.1-37)
8Batu kamukana ba likwala, mwahal'a ba ba ne ba eza musebezi, ba eza Tabelenakele. Ya ezwa ka masila a lishumi a ezizwe ka bwanda bwa line bo bu otilwe hande ni ka bwanda bwa boya bwa ngu bo bu basizwe butala, bupuzwa ni bufubelu cwalo, ili masila a kabisizwe ka bukwala ka maswaniso a likerubimi. 9Lisila ni lisila ne li eza mapeka a lishumi ka a mane mwa butelele ni mapeka a mabeli mwa bukuswani, ili a tikanyo i li ñwi feela. 10Kwa ngunganyiwa a ketalizoho, ku eza li li liñwi, ni a ketalizoho ku eza le liñwi hape. 11Kwa ezwa lipiki ka lisila le litala kwa mafelelezo, fande a le liñwi ni le liñwi. 12Kwa beiwa lipiki ze mashumi a ketalizoho fa lisila la pili ku a kopanyizwe pili ni lipiki ze mashumi a ketalizoho ku libahana ni la bubeli le li kopanyizwe. 13Kwa ezwa liñomeliso za gauda ze mashumi a ketalizoho, mi ka zona kwa kopanyiwa masila ao a mabeli. Kamukwaocwalo, Tabelenakele ya ba nto i liñwi.
14Cwale kwa eziwa masila a lishumi ka li li liñwi a boya bwa lipuli ku eza tende ye kwahela Tabelenakele. 15Lisila le liñwi ni le liñwi ne li eza mapeka a lishumi ka a ketalizoho mwa butelele ni a mabeli mwa bukuswani, mi n'a likanelela kaufel'a ona. 16Kwa ngungekwa a ketalizoho ku eza le liñwi, ni a silezi ku eza la bubeli. 17Kwa beiwa lipiki ze mashumi a ketalizoho kwa mafelelezo a lisila la mwa kalulo ya pili, ni ze mashumi a ketalizoho hape kwa mafelelezo a la kalulo ya bubeli. 18Kwa ezwa liñomeliso za kopa ku kopanyisa likalulo ze peli zeo hamoho, ku eza tende i liñwi. 19Kwa ezwa sikwaheliso sa fa tende ka matalo a lipoho za lingu a basizwe bufubelu, ni litalo le linde la ku apesa fateñi.
20Kwa betelwa Tabelenakele mabala a kota ya akeshya. 21Libala ni libala la ba la mapeka a ketalizoho mwa butelele, mi bupala bwa ba bo bu fitelela hanyinyani licika la lipeka. 22Libala ni libala ne li na ni mishengela ye mibeli ye bapani ya ku li kopanya hamoho. Mabala kaufela a Tabelenakele a ezwa cwalo hamoho ni matomelo a ona. 23Kwa ezwa mabala a mashumi a mabeli ku a beya kwa neku la mboela. 24Mi kwa beiwa matomelo a mashumi a mane a silivela kwatas'a ona, matomelo a mabeli kwa libala li li liñwi ku swala mishengela ya ona ye mibeli. 25Kwa ezwa hape mabala a mashumi a mabeli kwa neku la mutulo wa Tabelenakele. 26Mi kwa ezwa matomelo a silivela a mashumi a mane kwatas'a mabala. 27Ka mulaho wa Tabelenakele, kwa wiko, kwa beiwa mabala a silezi. 28Mi kwa ezwa mabala a mabeli a mwa malulu kwamulaho a Tabelenakele. 29Mabala mwa malulu n'a kopani kwatasi, mi a ngunganyiwa cwalo, mane ku y'o fita kwahalimu, ka liseka la pili. Mabala a mabeli a na eza malulu a mabeli n'a ezizwe ka ona mukwa wo. 30Cwalo, kwa ba ni mabala a supile ni li li liñwi ni matomelo a lishumi ka a silezi, a mabeli kwatas'a libala li li liñwi.
31Kwa ezwa miambeso ye ketalizoho ya kota ya akeshya, ku beya kwa mabala a neku le liñwi la Tabelenakele. 32Kwa ezwa ye ketalizoho hape ni kwa neku le liñwi, ni ye ketalizoho ya mabala a kwa wiko, ili kwamulaho. 33Mubio wa fahali wa ezwa kuli u zwe kwa neku le liñwi ku ya ku le liñwi. 34Mabala a kwahelwa ka gauda ni kwa beiwa lioka za gauda za ku tiisa miambeso, ili lioka ze ne kwahezwi ka gauda ni zona.
35Lisila la ku kwalisa la ezwa ka boya bwa ngu bo butala, bo bupuzwa ni bo bufubelu, ni kwa bwanda bwa line bo bu indilwe, ili lisila le li kabisizwe ka bukwala ka maswaniso a likerubimi. 36Kwa ezwa mitiyo ye mine ya kota ya akeshya ya ku swalisa lisila kwahalimu, ili ye kwaheziwa ka gauda, mi ye beilwe liñomeliso za gauda. Hape kwa ezwa matomelo a mane a silivela a ku tiisa mitiyo. 37Kwa munyako wa tende kwa kwaliswa ka lisila la boya bwa ngu bo bu basizwe butala, bupuzwa ni bufubelu, ni lisila la bwanda bwa line bo bu indilwe. Masila ao n'a kabisizwe ka bukwala. 38Kwa ezwa mitiyo ye ketalizoho ye beilwe liñomeliso, mi ya kwahelwa ka gauda hamoho ni litupa za yona cwalo. Mi hape, kwa ezwa matomelo a ketalizoho a kopa ku beya kwatas'a mitiyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.