Mututo 35
35
Milao ya Lizazi la Pumulo
1Mushe a biza batu kamukana ba sicaba sa Isilaele, mi a li ku bona, “S'a ni laezi Muñ'a Bupilo kuli mu si eze ki se. 2#Mut 20.8-11; 23.12; 31.15; 34.21; Malivi 23.3; Mul 5.12-14 Mu ta eza misebezi ya mina mwa mazazi a silezi, kono la busupa mu ta li eza le li kenile, lizazi la pumulo le li ketezwi Mulimu. Ufi ni ufi ya ka sebeza ka lona lizazi leo u ta bulaiwa. 3Mu si ke mwa tumbula nihaili mulilo mwa mandu a mina ka lona lizazi leo la pumulo.”
Limpo za ku yahisa Tabelenakele
(Mut 25.1-9)
4Mushe a li kwa batu kamukana ba sicaba sa Isilaele, “S'a laezi Muñ'a Bupilo ki se. 5Mu fe Muñ'a Bupilo mpo. Mutu kaufela ya tabela ku eza cwalo a tise limpo za gauda, silivela ni kopa, 6lisila la boya bwa ngu le litala, le lipuzwa ni le lifubelu, lisila le linde la line, lisila la boya bwa puli, 7litalo la poho ya ngu le li basizwe bufubelu, matalo a mande, likota za akeshya, 8mafula a mwa lampi, miinko ya mafula a ku toza ni a ku eza insense ye nunka hande, 9macwe a onikisi, ni macwe a butokwa a ta beiwa mwa efoda ni fa lisila la fa sifuba sa muprisita yo muhulu.”
Libyana za mwa Tabelenakele
(Mut 39.32-43)
10“Banna ba likwala kamukana mwahal'a mina ba tahe, ba t'o eza lika kaufela z'a laezi Muñ'a Bupilo, ili 11tabelenakele, tende ya teñi ni lisila la fahalimu, liñomeliso za yona, mabala, mabalelo, mitiyo ni matomelo a yona, 12likwati ni mitiyo ya lona, ni sikwahelo sa fa likwati, ni lisila le li li sileleza, 13tafule ni mitiyo ya yona ni lisebeliso za teñi kamukana, ni linkwa ze filwe Mulimu, 14sipahekelo sa lilampi hamoho ni za teñi ili lilampi ni mafula a zona, 15katala fo ku cisezwa insense ni mitiyo ya kona, mafula a ku toza, insense ya muunko o munde, ni lisila la fa munyako wa tabelenakele, 16katala ka limpo ze ciswa, ni lukwakwa lwa lisipi za kopa ze indilwe, mitiyo ya ku ka lwalela hamoho ni ze belekiswa ku kona kamukana, mukeke wa ku tapela ni lilaho la ona, 17masila a lapa, mitiyo ni matomelo a yona ni lisila le li kwala kwa munyako wa lapa, 18likonkwani za tende ni mihala ya tende ni ya lapa cwalo, 19liapalo za mikabo za baprisita, ze ba sebelisa mwa Sibaka se si Kenile, ni liapalo ze kenile za muprisita Aruni ni za bana ba hae ze ba sebelisa mwa musebezi wa bona wa buprisita.”
Batu ba tisa limpo
20Batu ba sicaba sa Isilaele kamukana ba siya Mushe. 21Mutu kaufela ya n'a lata ku eza cwalo a tisa ku Muñ'a Bupilo mpo ya ku t'o yahisa Tabelenakele, ili lika kamukana ze ne tokwahala mwa lisebelezo za yona, ni za ku ezisa liapalo ze kenile. 22Banna ni basali ba taha. Mañi ni mañi ya n'a lata cwalo a tisa lipini ze kabisizwe, masale a kwa lizebe ni a kwa minwana, lifaha ni lika za mifuta-futa ze ezizwe ka gauda. Mutu ni mutu a tisa za butokwa za gauda z'a n'a hupuzi ku fa Muñ'a Bupilo. 23Mutu kaufela ya n'a na ni lisila la boya bwa ngu le li basizwe butala, bupuzwa kamba bufubelu, ni lisila feela le linde, lisila le li ezizwe ka boya bwa puli, litalo la poho ya ngu le li basizwe bufubelu, kamba litalo feela le linde, a tisa z'a n'a na ni zona kaufela. 24Batu kamukana ba ba ne ba kona ku koleka silivela, kamba kopa, ba tisa limpo za bona ku Muñ'a Bupilo, ni ba ba ne ba na ni likota za akeshya ze ne ka sebeliswa mwa muyaho, ba li tisa. 25Basali kaufela ba likwala ba ota bwanda ka boya bwa ngu, ili bo butala, bo bupuzwa, ni bo bufubelu. Ba eza ni masila a mande, mi ba a tisa. 26Basali ba likwala kamukana ba ota bwanda ka boya bwa lipuli. 27Bahulu bona ba tisa macwe a onikisi, macwe a butokwa a ku beya fa efoda ni fa lisila la fa sifuba. 28Bahulu ba tisa ni miinko ni mafula a mwa lilampi, ni mafula a ku toza ni miinko ye minde ya insense. 29Banna ni basali kamukana ba sicaba sa Isilaele ba ba ne ba lata ku zwisa se siñwi kwa musebezi wo, o n'o laezwi ki Muñ'a Bupilo ka Mushe, ba tisa limpo za bona ku Muñ'a Bupilo.
Bo caziba ba Tabelenakele
(Mut 31.1-11)
30Mushe a li kwa Maisilaele, “Muñ'a Bupilo u ketile Bezaleele, mwan'a Uri, mwan'a Huri wa lusika lwa Juda. 31U mu talize moya wa Mulimu, kuli a be ni bukwala, maata ni kutwisiso mwa misebezi ya mazoho kamukana, 32ku hupula misebezi ye minca ya bukwala, ni ku i eza ka gauda, silivela ni kopa, 33ku beta macwe a butokwa a ka kwesiwa, ku beta likota ni ku eza musebezi ufi ni ufi wa bukwala. 34Ku yena ni ku Oholiabi, mwan'a Akisamaki wa lusika lwa Dani, Muñ'a Bupilo u file zibo ya ku luta ba bañwi bukwala bwa bona. 35U ba file bukwala bo butuna bwa ku eza misebezi kamukana ye eziwa ki babeti ba macwe, bakabisi, baluki ba masila a boya bwa ngu a matala, a mapuzwa, ni a mafubelu cwalo, baluki ba masila a mande a line, ni ba masila feela. Ba kona ku eza misebezi ya mifuta-futa kaufela ni ku hupula ze nca ka bukwala.
Currently Selected:
Mututo 35: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Mututo 35
35
Milao ya Lizazi la Pumulo
1Mushe a biza batu kamukana ba sicaba sa Isilaele, mi a li ku bona, “S'a ni laezi Muñ'a Bupilo kuli mu si eze ki se. 2#Mut 20.8-11; 23.12; 31.15; 34.21; Malivi 23.3; Mul 5.12-14 Mu ta eza misebezi ya mina mwa mazazi a silezi, kono la busupa mu ta li eza le li kenile, lizazi la pumulo le li ketezwi Mulimu. Ufi ni ufi ya ka sebeza ka lona lizazi leo u ta bulaiwa. 3Mu si ke mwa tumbula nihaili mulilo mwa mandu a mina ka lona lizazi leo la pumulo.”
Limpo za ku yahisa Tabelenakele
(Mut 25.1-9)
4Mushe a li kwa batu kamukana ba sicaba sa Isilaele, “S'a laezi Muñ'a Bupilo ki se. 5Mu fe Muñ'a Bupilo mpo. Mutu kaufela ya tabela ku eza cwalo a tise limpo za gauda, silivela ni kopa, 6lisila la boya bwa ngu le litala, le lipuzwa ni le lifubelu, lisila le linde la line, lisila la boya bwa puli, 7litalo la poho ya ngu le li basizwe bufubelu, matalo a mande, likota za akeshya, 8mafula a mwa lampi, miinko ya mafula a ku toza ni a ku eza insense ye nunka hande, 9macwe a onikisi, ni macwe a butokwa a ta beiwa mwa efoda ni fa lisila la fa sifuba sa muprisita yo muhulu.”
Libyana za mwa Tabelenakele
(Mut 39.32-43)
10“Banna ba likwala kamukana mwahal'a mina ba tahe, ba t'o eza lika kaufela z'a laezi Muñ'a Bupilo, ili 11tabelenakele, tende ya teñi ni lisila la fahalimu, liñomeliso za yona, mabala, mabalelo, mitiyo ni matomelo a yona, 12likwati ni mitiyo ya lona, ni sikwahelo sa fa likwati, ni lisila le li li sileleza, 13tafule ni mitiyo ya yona ni lisebeliso za teñi kamukana, ni linkwa ze filwe Mulimu, 14sipahekelo sa lilampi hamoho ni za teñi ili lilampi ni mafula a zona, 15katala fo ku cisezwa insense ni mitiyo ya kona, mafula a ku toza, insense ya muunko o munde, ni lisila la fa munyako wa tabelenakele, 16katala ka limpo ze ciswa, ni lukwakwa lwa lisipi za kopa ze indilwe, mitiyo ya ku ka lwalela hamoho ni ze belekiswa ku kona kamukana, mukeke wa ku tapela ni lilaho la ona, 17masila a lapa, mitiyo ni matomelo a yona ni lisila le li kwala kwa munyako wa lapa, 18likonkwani za tende ni mihala ya tende ni ya lapa cwalo, 19liapalo za mikabo za baprisita, ze ba sebelisa mwa Sibaka se si Kenile, ni liapalo ze kenile za muprisita Aruni ni za bana ba hae ze ba sebelisa mwa musebezi wa bona wa buprisita.”
Batu ba tisa limpo
20Batu ba sicaba sa Isilaele kamukana ba siya Mushe. 21Mutu kaufela ya n'a lata ku eza cwalo a tisa ku Muñ'a Bupilo mpo ya ku t'o yahisa Tabelenakele, ili lika kamukana ze ne tokwahala mwa lisebelezo za yona, ni za ku ezisa liapalo ze kenile. 22Banna ni basali ba taha. Mañi ni mañi ya n'a lata cwalo a tisa lipini ze kabisizwe, masale a kwa lizebe ni a kwa minwana, lifaha ni lika za mifuta-futa ze ezizwe ka gauda. Mutu ni mutu a tisa za butokwa za gauda z'a n'a hupuzi ku fa Muñ'a Bupilo. 23Mutu kaufela ya n'a na ni lisila la boya bwa ngu le li basizwe butala, bupuzwa kamba bufubelu, ni lisila feela le linde, lisila le li ezizwe ka boya bwa puli, litalo la poho ya ngu le li basizwe bufubelu, kamba litalo feela le linde, a tisa z'a n'a na ni zona kaufela. 24Batu kamukana ba ba ne ba kona ku koleka silivela, kamba kopa, ba tisa limpo za bona ku Muñ'a Bupilo, ni ba ba ne ba na ni likota za akeshya ze ne ka sebeliswa mwa muyaho, ba li tisa. 25Basali kaufela ba likwala ba ota bwanda ka boya bwa ngu, ili bo butala, bo bupuzwa, ni bo bufubelu. Ba eza ni masila a mande, mi ba a tisa. 26Basali ba likwala kamukana ba ota bwanda ka boya bwa lipuli. 27Bahulu bona ba tisa macwe a onikisi, macwe a butokwa a ku beya fa efoda ni fa lisila la fa sifuba. 28Bahulu ba tisa ni miinko ni mafula a mwa lilampi, ni mafula a ku toza ni miinko ye minde ya insense. 29Banna ni basali kamukana ba sicaba sa Isilaele ba ba ne ba lata ku zwisa se siñwi kwa musebezi wo, o n'o laezwi ki Muñ'a Bupilo ka Mushe, ba tisa limpo za bona ku Muñ'a Bupilo.
Bo caziba ba Tabelenakele
(Mut 31.1-11)
30Mushe a li kwa Maisilaele, “Muñ'a Bupilo u ketile Bezaleele, mwan'a Uri, mwan'a Huri wa lusika lwa Juda. 31U mu talize moya wa Mulimu, kuli a be ni bukwala, maata ni kutwisiso mwa misebezi ya mazoho kamukana, 32ku hupula misebezi ye minca ya bukwala, ni ku i eza ka gauda, silivela ni kopa, 33ku beta macwe a butokwa a ka kwesiwa, ku beta likota ni ku eza musebezi ufi ni ufi wa bukwala. 34Ku yena ni ku Oholiabi, mwan'a Akisamaki wa lusika lwa Dani, Muñ'a Bupilo u file zibo ya ku luta ba bañwi bukwala bwa bona. 35U ba file bukwala bo butuna bwa ku eza misebezi kamukana ye eziwa ki babeti ba macwe, bakabisi, baluki ba masila a boya bwa ngu a matala, a mapuzwa, ni a mafubelu cwalo, baluki ba masila a mande a line, ni ba masila feela. Ba kona ku eza misebezi ya mifuta-futa kaufela ni ku hupula ze nca ka bukwala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.