Buka ya Bubeli ya Makabaeusi 3
3
Ku fita kwa Heliodorusi mwa Jerusalema
1Muleneñi o kenile u n'o nz'o iketile mwa kozo kaufela, mi milao ne i bulukwa hande ka mo ne ku konahalela kaufela bakeñisa ku sebeza hande kwa Oniasi, muprisita yo muhulu, ni ku sa lata kwa hae bumaswe. 2Kabakaleo ni bona malena kasibili ba kuteka sibaka se si kenile, mi ba tumisa Tempele ka ku fa limpo ze nde hahulu. 3Mane nihaiba yena Selukusi, mulena wa Asia, a tusa ka mali a hae kwa lisinyehelo kaufela ze ne tiswa ki lisebelezo za litabelo.
4Kono mutu yo muñwi ya bizwa Simoni, wa lusika lwa Biliga, ha s'a ketilwe ku ba muzamaisi wa Tempele, a fapahana ni muprisita yo muhulu bakeñisa zamaiso ya misika ya mwa muleneñi. 5Ha s'a palewa ku amuha Oniasi maata a zeo, a ya ku Apoloniusi mwan'a Tarseusi. Ka yona nako yeo ne li yena muzamaisi yo muhulu wa ndwa ya Coele-Siria ni Fenisia. 6A y'o mu bihela kuli bufumu bwa mwa Jerusalema ne li bo buñata hahulu-hulu ni kuli limpo ze ne fiwa ne li sa konahali ku balwa. A talusa kuli ne ku siyalanga bufumu bo buñata kasamulaho a litabelo mi ne bu lukela ku zamaiswa ki mulena.
7Cwale Apoloniusi a ya ku mulena mi a y'o mu bulelela ka za taba ye ya bufumu bo bw'a n'a taluselizwe. Cwale mulena a keta Heliodorusi, nduna wa hae yo muhulu, a mu luma mi a mu laela kuli a y'o nga mali ao a bulezwi. 8Heliodorusi a si ka liyeha. A funduka inge ya y'o tatuba minzi ya Coele-Siria ni Fenisia, kono n'a yela feela ku y'o peta mulelo wa mulena. 9Ha s'a fitile mwa Jerusalema, ni ku amuhelwa hande ki muprisita yo muhulu ni batu ba muleneñi, a bulela se ne si talusizwe ni ku ba zibisa kuli ki sona s'a tezi. A buza kuli a zibe haiba taba yeo ne li ya niti. 10Muprisita yo muhulu a mu taluseza kuli ne ku na ni mali a likoleko za ku tusa lindiala ni limbelwa. 11Ne ku na ni a mañwi a Hirikanusi mwan'a Tobiasi, munna ya n'a sweli situlo se situna. Mali kaufel'a ona h'a likanyezwa ka mw'a bihezi Simoni yo ya maswe cwalo, a fita feela fa litalenta za silivela ze eza mianda ye mine ni za gauda ze eza mianda ye mibeli. 12Hape a ekeza ku bulela kuli ha ku konahali kuli batu bao, ba ba ne ba sepile sibaka se si kenile ni buhalalelhi bwa Tempele ye kutekeha mwa lifasi kamukana, ne ba ka sinyehelwa ki mali a bona.
Nyewa-nyewa ya mwa Jerusalema
13Kono Heliodorusi kabakala taelo ya mulena, a tiisa ku bulela kuli mali a a tamehile ku ngiwa ni ku beiwa mwa pulukelo ya mulena. 14Ha s'a tomile lizazi la mulelo wo, a taha mi a kena ku y'o tatuba ni ku ñola mali ao f'a kuma. Kwa ba ni maswabi a matuna mwa muleneñi kaufela. 15Baprisita ba patama fapil'a katala, ba apezi liapalo za bona za buprisita. Ba kupa tuso ku Mulimu, yena muñ'a mulao wa pulukelo, kuli a sileleze mali a, a be a bañi ba ona. 16Ponahalo ya muprisita yo muhulu ne i taba lipilu za ba ba ne ba mu bona, bakeñisa ku utwa butuku kwa hae mwa pilu ni ku cinca sifateho kwa hae. 17N'a kenwi ki sabo ye tuna ni ku njanja, mane ba ne ba mu boni kamukana ba ziba kuli n'a li mwa manyando a maswabi a matuna. 18Batu ba zwa kapili mwa mandu ku y'o lapela hamoho kabakala tompololo ye ne i se i bata ku ezahala mwa Sibaka se si Kenile. 19Basali ba zamaya ba apezi liapalo za maswabi mwa liteka ba tala mwa mikwakwa. Basizana be ne ba sa kopani ni batu ba mata hamoho, ba bañwi kwa minyako ya mandu, ba bañwi ba yendamena fa mahaulo. 20Kamukan'a bona ba nanulela mazoho a bona mwahalimu ka tapelo. 21N'e li nto ye ne shwisa hahulu makeke ku bona batu ba bañata cwalo ba patami, ba zielehile, ni muprisita yo muhulu a li mwa manyando a maswabi a matuna cwalo.
22Ne ba nze ba kupa tuso cwalo ku Muñ'a Bupilo kuli a tuse ku sileleza hande mali a batu a, a bulukilwe, kuli a be a bañi ba ona. 23Heliodorusi yena a zwelapili ku eza musebezi wa hae w'a n'a ketezwi.
Mulatu wa Heliodorusi
24Kono a sa fita feela kwa sibulukelo ni masole ba hae, Muñ'a Bupilo, yena mubusi wa mioya ni wa maata kaufela, a tisa pono ye sabisa hahulu kuli mane bao kamukana ba ba ne ba na ni bundume bwa ku taha ni Heliodorusi ba welela, ba kenwi ki sabo bakeñisa maata a Mulimu, mi ba ngangamana feela. 25Ba bona pizi ye kabisizwe hande, mi i pahamwi ki mutu ya sabisa hahulu, ya n'a apezi siapalo sa ndwa sa gauda. Ya taha i libile ku Helidorusi mi ya mu hata ka mahutu a kwa pili. 26Hape ka yena nako yeo, kwa bonahala micaha ba babeli ba ba maata, ba bande hahulu, ba ba apezi hande ka mukwa o komokisa. Ba t'o mu yema mwa matuko ba nze ba mu bumaula ka tata. 27Kapili-pili Heliodorusi a wela fafasi, a apeziswe ki lififi le lituna hahulu. Batu ba hae ba t'o mu tusa, mi ba mu beya fa mushelo. 28Yena mutu yo ya sa z'o fita cwanoñu fa ni ku kena mwa sibulukelo ni masole ba hae kaufela sina mo lu taluselize pili, ha ba mu nanula, a si na maata a ku itusa ili yena, ba lumela hande luli maata a matuna a Mulimu.
29Heliodorusi n'a lapalalile cwalo a sa buleli, bakeñisa maata a Mulimu, mi a si na sepo ya ku pila hape. 30Kabakaleo Majuda ba lumbeka Muñ'a Bupilo, ya n'a ezize makazo ye tumisize sibaka sa hae se si kenile. Ni yona Tempele ye ne i sa z'o tala sabo ye tuna ni mufili-fili, cwale ya tala tabo ni nyakalalo, bakeñisa ponahalo ya Muñ'a Bupilo. 31Cwale ba bañwi ba kwa batu ba Heliodorusi kapili-pili ba kupa Oniasi kuli a mu kupele bupilo ku Muambakani ya Pahami, kakuli n'a s'a bata ku shwa.
32Muprisita yo muhulu, ka ku saba kuli mulena a ka swana a hupula kuli mwendi Majuda ne ba na ni mukwa o muñwi o ne ba ezize ku Heliodorusi, a eza sitabelo sa ku kupela mutu yo kuli a fole. 33Mi cwale muprisita yo muhulu h'a sweli ku eza litabelo za ku kupela mutu yo bupilo, micaha ba babeli bani, ba ba apezi liapalo ze nde hahulu, ba bonahala ba nze ba yemi kwatukw'a Heliodorusi, ba li, “U itumele hahulu ku Oniasi, muprisita yo muhulu, kakuli ki kabakala hae Muñ'a Bupilo h'a ku kutiselize bupilo. 34Haili ka wena ya n'a shapilwe ki Mulimu, u zibise batu kaufela butuna bwa maata a Mulimu.” Ba man'o bulela cwalo, ba tokwa ku bonahala.
Heliodorusi wa lumela
35Cwale Heliodorusi a eza sitabelo ku Muñ'a Bupilo. Hape a eza buitamo bo bu tiile ku Mulimu ya mu pilisize. Kih'a laeza Oniasi ka likute, cwale yena ni masole ba hae ba kutela ku mulena. 36A paka kwa batu kaufela niti ya misebezi ya Mulimu ya Maata Kaufela, ya n'a iponezi ka meeto a hae.
37Mulena h'a buza Heliodorusi kuli ku lukela ku lumwa mutu ya cwañi hape kwa Jerusalema ka musipili wa bubeli, yena a alaba, a li, 38“Haiba u na ni mutu y'o toile kamba ya fetuhela muso, u mu lume kwateñi, mi u ta kuta a shapilwe hahulu luli haiba a ka pila, kakuli ki niti, kwa sibaka seo ku na ni maata a komokisa a Mulimu. 39Mu lemuhe kuli yena Mulimu ya mwa lihalimu ki yena ya mamela sibaka seo ni ku si sileleza, mi u shapa ni ku timeza ba ba t'o si sinya.” 40Ye ki yona taba ya Heliodorusi ni silelezo ya sibulukelo sa mali a Tempele.
Currently Selected:
Buka ya Bubeli ya Makabaeusi 3: Lozi09
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.
Buka ya Bubeli ya Makabaeusi 3
3
Ku fita kwa Heliodorusi mwa Jerusalema
1Muleneñi o kenile u n'o nz'o iketile mwa kozo kaufela, mi milao ne i bulukwa hande ka mo ne ku konahalela kaufela bakeñisa ku sebeza hande kwa Oniasi, muprisita yo muhulu, ni ku sa lata kwa hae bumaswe. 2Kabakaleo ni bona malena kasibili ba kuteka sibaka se si kenile, mi ba tumisa Tempele ka ku fa limpo ze nde hahulu. 3Mane nihaiba yena Selukusi, mulena wa Asia, a tusa ka mali a hae kwa lisinyehelo kaufela ze ne tiswa ki lisebelezo za litabelo.
4Kono mutu yo muñwi ya bizwa Simoni, wa lusika lwa Biliga, ha s'a ketilwe ku ba muzamaisi wa Tempele, a fapahana ni muprisita yo muhulu bakeñisa zamaiso ya misika ya mwa muleneñi. 5Ha s'a palewa ku amuha Oniasi maata a zeo, a ya ku Apoloniusi mwan'a Tarseusi. Ka yona nako yeo ne li yena muzamaisi yo muhulu wa ndwa ya Coele-Siria ni Fenisia. 6A y'o mu bihela kuli bufumu bwa mwa Jerusalema ne li bo buñata hahulu-hulu ni kuli limpo ze ne fiwa ne li sa konahali ku balwa. A talusa kuli ne ku siyalanga bufumu bo buñata kasamulaho a litabelo mi ne bu lukela ku zamaiswa ki mulena.
7Cwale Apoloniusi a ya ku mulena mi a y'o mu bulelela ka za taba ye ya bufumu bo bw'a n'a taluselizwe. Cwale mulena a keta Heliodorusi, nduna wa hae yo muhulu, a mu luma mi a mu laela kuli a y'o nga mali ao a bulezwi. 8Heliodorusi a si ka liyeha. A funduka inge ya y'o tatuba minzi ya Coele-Siria ni Fenisia, kono n'a yela feela ku y'o peta mulelo wa mulena. 9Ha s'a fitile mwa Jerusalema, ni ku amuhelwa hande ki muprisita yo muhulu ni batu ba muleneñi, a bulela se ne si talusizwe ni ku ba zibisa kuli ki sona s'a tezi. A buza kuli a zibe haiba taba yeo ne li ya niti. 10Muprisita yo muhulu a mu taluseza kuli ne ku na ni mali a likoleko za ku tusa lindiala ni limbelwa. 11Ne ku na ni a mañwi a Hirikanusi mwan'a Tobiasi, munna ya n'a sweli situlo se situna. Mali kaufel'a ona h'a likanyezwa ka mw'a bihezi Simoni yo ya maswe cwalo, a fita feela fa litalenta za silivela ze eza mianda ye mine ni za gauda ze eza mianda ye mibeli. 12Hape a ekeza ku bulela kuli ha ku konahali kuli batu bao, ba ba ne ba sepile sibaka se si kenile ni buhalalelhi bwa Tempele ye kutekeha mwa lifasi kamukana, ne ba ka sinyehelwa ki mali a bona.
Nyewa-nyewa ya mwa Jerusalema
13Kono Heliodorusi kabakala taelo ya mulena, a tiisa ku bulela kuli mali a a tamehile ku ngiwa ni ku beiwa mwa pulukelo ya mulena. 14Ha s'a tomile lizazi la mulelo wo, a taha mi a kena ku y'o tatuba ni ku ñola mali ao f'a kuma. Kwa ba ni maswabi a matuna mwa muleneñi kaufela. 15Baprisita ba patama fapil'a katala, ba apezi liapalo za bona za buprisita. Ba kupa tuso ku Mulimu, yena muñ'a mulao wa pulukelo, kuli a sileleze mali a, a be a bañi ba ona. 16Ponahalo ya muprisita yo muhulu ne i taba lipilu za ba ba ne ba mu bona, bakeñisa ku utwa butuku kwa hae mwa pilu ni ku cinca sifateho kwa hae. 17N'a kenwi ki sabo ye tuna ni ku njanja, mane ba ne ba mu boni kamukana ba ziba kuli n'a li mwa manyando a maswabi a matuna. 18Batu ba zwa kapili mwa mandu ku y'o lapela hamoho kabakala tompololo ye ne i se i bata ku ezahala mwa Sibaka se si Kenile. 19Basali ba zamaya ba apezi liapalo za maswabi mwa liteka ba tala mwa mikwakwa. Basizana be ne ba sa kopani ni batu ba mata hamoho, ba bañwi kwa minyako ya mandu, ba bañwi ba yendamena fa mahaulo. 20Kamukan'a bona ba nanulela mazoho a bona mwahalimu ka tapelo. 21N'e li nto ye ne shwisa hahulu makeke ku bona batu ba bañata cwalo ba patami, ba zielehile, ni muprisita yo muhulu a li mwa manyando a maswabi a matuna cwalo.
22Ne ba nze ba kupa tuso cwalo ku Muñ'a Bupilo kuli a tuse ku sileleza hande mali a batu a, a bulukilwe, kuli a be a bañi ba ona. 23Heliodorusi yena a zwelapili ku eza musebezi wa hae w'a n'a ketezwi.
Mulatu wa Heliodorusi
24Kono a sa fita feela kwa sibulukelo ni masole ba hae, Muñ'a Bupilo, yena mubusi wa mioya ni wa maata kaufela, a tisa pono ye sabisa hahulu kuli mane bao kamukana ba ba ne ba na ni bundume bwa ku taha ni Heliodorusi ba welela, ba kenwi ki sabo bakeñisa maata a Mulimu, mi ba ngangamana feela. 25Ba bona pizi ye kabisizwe hande, mi i pahamwi ki mutu ya sabisa hahulu, ya n'a apezi siapalo sa ndwa sa gauda. Ya taha i libile ku Helidorusi mi ya mu hata ka mahutu a kwa pili. 26Hape ka yena nako yeo, kwa bonahala micaha ba babeli ba ba maata, ba bande hahulu, ba ba apezi hande ka mukwa o komokisa. Ba t'o mu yema mwa matuko ba nze ba mu bumaula ka tata. 27Kapili-pili Heliodorusi a wela fafasi, a apeziswe ki lififi le lituna hahulu. Batu ba hae ba t'o mu tusa, mi ba mu beya fa mushelo. 28Yena mutu yo ya sa z'o fita cwanoñu fa ni ku kena mwa sibulukelo ni masole ba hae kaufela sina mo lu taluselize pili, ha ba mu nanula, a si na maata a ku itusa ili yena, ba lumela hande luli maata a matuna a Mulimu.
29Heliodorusi n'a lapalalile cwalo a sa buleli, bakeñisa maata a Mulimu, mi a si na sepo ya ku pila hape. 30Kabakaleo Majuda ba lumbeka Muñ'a Bupilo, ya n'a ezize makazo ye tumisize sibaka sa hae se si kenile. Ni yona Tempele ye ne i sa z'o tala sabo ye tuna ni mufili-fili, cwale ya tala tabo ni nyakalalo, bakeñisa ponahalo ya Muñ'a Bupilo. 31Cwale ba bañwi ba kwa batu ba Heliodorusi kapili-pili ba kupa Oniasi kuli a mu kupele bupilo ku Muambakani ya Pahami, kakuli n'a s'a bata ku shwa.
32Muprisita yo muhulu, ka ku saba kuli mulena a ka swana a hupula kuli mwendi Majuda ne ba na ni mukwa o muñwi o ne ba ezize ku Heliodorusi, a eza sitabelo sa ku kupela mutu yo kuli a fole. 33Mi cwale muprisita yo muhulu h'a sweli ku eza litabelo za ku kupela mutu yo bupilo, micaha ba babeli bani, ba ba apezi liapalo ze nde hahulu, ba bonahala ba nze ba yemi kwatukw'a Heliodorusi, ba li, “U itumele hahulu ku Oniasi, muprisita yo muhulu, kakuli ki kabakala hae Muñ'a Bupilo h'a ku kutiselize bupilo. 34Haili ka wena ya n'a shapilwe ki Mulimu, u zibise batu kaufela butuna bwa maata a Mulimu.” Ba man'o bulela cwalo, ba tokwa ku bonahala.
Heliodorusi wa lumela
35Cwale Heliodorusi a eza sitabelo ku Muñ'a Bupilo. Hape a eza buitamo bo bu tiile ku Mulimu ya mu pilisize. Kih'a laeza Oniasi ka likute, cwale yena ni masole ba hae ba kutela ku mulena. 36A paka kwa batu kaufela niti ya misebezi ya Mulimu ya Maata Kaufela, ya n'a iponezi ka meeto a hae.
37Mulena h'a buza Heliodorusi kuli ku lukela ku lumwa mutu ya cwañi hape kwa Jerusalema ka musipili wa bubeli, yena a alaba, a li, 38“Haiba u na ni mutu y'o toile kamba ya fetuhela muso, u mu lume kwateñi, mi u ta kuta a shapilwe hahulu luli haiba a ka pila, kakuli ki niti, kwa sibaka seo ku na ni maata a komokisa a Mulimu. 39Mu lemuhe kuli yena Mulimu ya mwa lihalimu ki yena ya mamela sibaka seo ni ku si sileleza, mi u shapa ni ku timeza ba ba t'o si sinya.” 40Ye ki yona taba ya Heliodorusi ni silelezo ya sibulukelo sa mali a Tempele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lozi Interconfessional Bible, Catholic Edition © Bible Society of Zambia, 2009.