E kanto di tur kanto 2
2
1Anto ámi, t'un anglo mi ta den sabana di Sharon,
un leli di vaye.
Mucha hòmber
2Sí, un leli meimei di bringamosa,
t'asina e dushi di mi ta
kompará ku e otro mucha muhénan.
Mucha muhé
3Un palu di apel entre palunan di mondi
t'asina mi amor ta
kompará ku e otro mucha hòmbernan.
Mi tin gana di sinta den su sombra!
Esta dushi su fruta ta smak!
4El a hiba mi su bodega,
kaminda su bandera ta bula,
bandera ku ‘Amor’ riba dje.
5Hasi lihé, bola di rasenchi mi ke,
pa bolbe duna mi kurpa energia
i apel pa sasia mi set,
pasobra amor ta mata mi.
6Su brasa robes ta bou 'i mi kabes,
esun drechi ta primi mi den su kurpa.
Mucha hòmber
7O, damitanan di Herusalèm,
mi ke supliká boso ku insistensia
na nòmber di gasela- i binánan#2:7 gasela- i binánan tabata símbolonan di amor den kunuku;
no lanta stimashon,
no provok'é,
promé ku e mes ke tum'aden.#2:7 no lanta…tum'aden; otro posibel tradukshon: no lanta mi amor, no strob'é, ku n' ta te ora e mes ke#E Kanto di tur Kanto 3:5; 8:4
Mucha muhé
8Skucha! Ta mi amor!
Wak! At'é ta bini!
E ta bula pasa den serunan,
belenkiá den seritunan.
9Mi amor parse gasela o yu di biná!
Wak, at'é pará tra'i muraya di nos kas,
e ta wak dor di bentana,
lur den yalusí.
10Awor e ta papia ku mi:
‘Ban mira, dushi di mi,
mi prenda, ban ku mi!
11Djis wak afó, wenter a pasa,
awa a stòp di kai,
el a bai un biahe di zjil!
12Kunuku ta yen di flor atrobe,
ta temporada ku tur kos ta kanta,
rukukú di tòrteldùif ta zona den kunuku.
13Ya e promé figonan ta hecha na palu,
mata di wendrùif ta tapá ku flor,
esta dushi holó!
Ban mira, dushi di mi,
mi prenda, ban ku mi!
14Mi palomita,
skondí den kibrá di baranka,
den bo hòl na altu den lomba di seru,
laga mi mira bo figura,
esta un enkanto e ta;
laga mi tende bo stèm,
esta dushi e ta!’
(E mama)
15Gara e zoronan#2:15 zoronan; rais di e palabra zoro na hebreo ta nifiká: koba pa nos,
e bestianan chikitu ei,
ku ta destruí#2:15 E palabra pa destruí ta zona meskos ku e palabra pa ta na estado. nos hòfinan di wendrùif,
nèt awor ku nan ta na flor!
Mucha muhé
16Mi amor ta di mi
i ami ta di dje,
di esun ku ta gosa barika yen
meimei dje lelinan.#E Kanto di tur Kanto 6:3
17Ora brisa di anochi trese freskura
i sombranan rèk, bira largu,
bini bèk, mi amor.
Na kareda manera gasela,
manera yu 'i biná riba serunan di Beter.#2:17 serunan di Beter; otro posibel tradukshon: serunan ku klof
Currently Selected:
E kanto di tur kanto 2: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
