Salmo 46
46
SALMO 46
Dios ta na nos banda
Pa maestro di kanto. Di yunan di Korag. Na weis di ‘Bírgennan’. Kantika.
1Dios ta nos refugio, E ta nos fortalesa,
El a resultá un yudador den mesté.
2P'esei nos no tin miedu, maske tera por tembla,
òf serunan hundi den fondo di laman;
3maske awa di laman por ronka i skuma
òf serunan krak pa su forsa tumultuoso.#Isaías 54:10; Yoel 3:16
(SEÑOR di universo — E ta ku nos.
Dios di Yakob ta un fòrti pa nos.)
4Brasanan di un riu ta alegrá siudat di Dios,#Ezekiel 47:1-12; Zakarías 14:8; Revelashon 22:1-2
e bibá di mas santu di Dios Altísimo.
5Dios ta meimei di dje, e no por tambaliá,
Dios ta yud'é ora di dia ta habri.
6Pueblonan a rabia, reinonan a lanta:
E ta alsa su bos i tera ta krem.
7SEÑOR di universo — E ta ku nos.
Dios di Yakob ta un fòrti pa nos.
8Boso bin mira SEÑOR su obranan,
e kosnan tremendo k'El a hasi riba tera.
9E ta kaba ku guera tur kaminda riba mundu.
E ta kibra bog, ta plama lansa na wèrki
i garoshinan di guera E ta pega na kandela.
10‘Laga para i kòrda ku Ami ta Dios,
alsá riba pueblonan, alsá riba tera.’
11SEÑOR di universo — E ta ku nos.
Dios di Yakob ta un fòrti pa nos.
Currently Selected:
Salmo 46: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
