Salmo 43
43
SALMO 43
Guia mi riba kaminda pa bo tèmpel
1Defendé mi, mi Dios, pleita mi kousa
kontra un pueblo infiel.
Libra mi di hende ku ta buska
blo traishon i maldat.
2Abo, mi Dios, ta mi refugio,
di kon B'a bandoná mi?
Di kon mi ta kana tur tristu,
hostigá pa mi enemigu?
3Manda mi bo lus i bo bèrdat,
ta nan lo guia mi
hiba mi na bo seru santu,
na bo lugá di biba.
4Ei lo mi bai na altá di Dios,
Dios, mi alegria i mi goso.
Lo mi kanta i toka arpa pa Bo,
o Dios, ku ta mi Dios.
5Mi alma, di kon bo ta flihí
i bo ta keha den mi?
Konfia den Dios! Lo mi bolbe alab'É,
mi Salbador i mi Dios!
Currently Selected:
Salmo 43: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
