Salmo 24
24
SALMO 24
SEÑOR ta e Rei grandi
Salmo di David.
1Henter mundu ta di Dios ku tur loke ta den dje,
tera ku tur hende ku ta biba riba dje.#Salmonan 50:12; 89:11; 1 Korintionan 10:26
2T'É a sigur'é den korientenan di awa.
3Ken lo por subi seru di SEÑOR?#24:3 seru di SEÑOR: e seru na Herusalèm ku tèmpel tabata trahá riba dje.
Ken lo keda na e lugá sagrado?
4Esun ku ta limpi den su obra i pensamentu,#Salmo 15:1-2; Isaías 33:14-16; Mateo 5:8
esun ku no ta loko tra'i fandanganan di mundu#24:4 fandanganan di mundu; otro posibel tradukshon: diosnan falsu
i ku no sa hura falsu tampoko.
5Bendishon di SEÑOR ta pa un hende asina,
Dios, su Salbador, lo dun'é su derecho.
6Sorto di hendenan asina ta buska SEÑOR,
ta buska bo Kara, o Dios di Yakob!#24:6 ta buska bo Kara…Yakob: segun vershonnan antiguo; hebreo tin: ta buska Kara di Dios di Yakob
7O portanan, hisa kabes;
alsa boso, portalnan antiguo,
pa Rei di gloria por drenta.
8Ta ken e Rei di gloria ta?
Ta SEÑOR, Esun fuerte i balente,
SEÑOR, triunfante den bataya!
9O portanan, hisa kabes;
alsa boso, portalnan antiguo,
pa Rei di gloria por drenta.
10Ta ken e Rei di gloria ta?
Esei ta SEÑOR di universo.
T'É ta Rei di gloria!
Currently Selected:
Salmo 24: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013