Salmo 22
22
SALMO 22
Mi Dios, mi Dios, di kon B'a bandoná mi?
Pa maestro di kanto. Na weis di ‘Biná di ourora’.
Un salmo di David.
1 #
Mateo 27:46; Marko 15:34 Mi Dios, mi Dios, di kon B'a bandoná mi,
asina leu fo'i mi en bes di bin salba mi,
leu di mi palabra i kehonan?
2Mi Dios, den dia mi ta yama,
pero Bo no ta kontestá;
anochi tambe, ma Bo no tin atenshon.
3Tòg Bo tin bo bibá den santuario,
kaminda Israel ta alabá Bo!#22:3 Tòg…alabá Bo!; otro posibel tradukshon: Sinembargo Bo ta Dios Santu, sintá riba Israel su kantonan di alabansa!
4Ta den Bo nos grandinan a konfia,
nan a konfia i Bo a salba nan.
5Ta na Bo nan a sklama i nan a skapa,
nan a buta nan konfiansa den Bo
sin ku nan a keda brongosá.
6Ma ami ta un bichi, no un hende,
mofa di hende, despresio di pueblo.
7Tur esnan ku ta mira mi ta hari mi,
ta hari falsu, sakudiendo nan kabes:#Mateo 27:39; Marko 15:29; Lukas 23:35
8‘El a konfia#22:8 El a konfia: segun vershonnan antiguo; hebreo tin: Konfia den SEÑOR, lag'É salb'é!
Laga Dios libr'é! E n' ta stim'é?’#Sabiduria 2:18-20; Mateo 27:43
9For di barika di mi mama Bo a fangu mi,
pone mi trankil na su pechu;
10for di su seno mi a pasa den bo man,
Bo ta Dios fo'i barika di mi mama.
11No keda leu fo'i mi, peliger ta serka
i mi no tin hende pa yuda mi!
12Kantidat di toro a rondoná mi,
tur rònt tin toro di manzinga di Bashan.
13Nan a span nan boka grandi kontra mi —
leonnan feros, gritando duru.
14Mi bida a kore bai manera awa,
tur mi wesunan a kita fo'i lugá,
dirtí paden di mi mondongo.
15Mi shel'i boka#22:15 shel'i boka: teksto probabel; hebreo tin: forsa ta seku seku
manera wea di klei garná;
mi lenga ta pegá den mi boka,
Bo a pone mi sosegá den stòf di morto.
16Kachónan a bin rondoná mi,
un trupa di malbado a changa mi.
Nan a bora mi man#22:16 Nan…man: segun algun vershon antiguo; otro vershonnan tin: Nan a mara mi man; hebreo tin: Manera un leon na mi man i mi pianan,
17mi por konta tur wesu di mi kurpa,
nan ta bin mira mi, para wak mi.
18Nan a parti mi paña entre nan
i ta tira dou pa mi mantel.#Mateo 27:35; Marko 15:24; Lukas 23:34; Huan 19:24
19Ma Abo, SEÑOR, no keda leu!
Mi fortalesa, kore bin yuda mi!
20Warda mi bida, loke sobra di mi
for di spada, for di gara dje kachónan;
21salba mi for di boka di leon,
ami, pober,#22:21 ami, pober: segun vershonnan antiguo; hebreo tin: Bo a kontestá mi for di kachunan di búfalo.
22Lo mi konta mi rumannan di bo nòmber
i alabá Bo den presensia di nan tur.#Hebreonan 2:12
23Boso, fielnan di SEÑOR, alab'É,
dun'É honor, tur desendiente di Yakob,
respet'É, henter pueblo di Israel!
24Ya ku E no a despresiá ni detestá
un hende mizerabel den apuro,
E no a kita kara for di dje,
ma a skuch'é ora el a grita ousilio.
25T'Abo ta pone mi alabá Bo
den presensia di bo pueblo numeroso;
lo mi kumpli ku tur mi promesanan
dilanti di esnan ku ta tem'É.
26Un dia pobernan lo kome te yena,
esnan ku buska SEÑOR lo alab'É;
nan#22:26 nan: segun vershonnan antiguo; hebreo tin: boso kurason sea pa semper kontentu!
27Na delaster un skina di mundu
hende lo kòrda i kombertí na SEÑOR;
tur famia di pueblonan pagano
lo kai abou Su dilanti ador'É.
28Pasobra SEÑOR ta Rei,
E ta goberná nashonnan.
29Sí, poderosonan di mundu
lo kai abou Su dilanti ador'É;#22:29 lo…ador'É: teksto probabel; hebreo tin: lo kome i kai abou
tambe lo dobla Su dilanti
esnan ku a baha den tera,
ku no tin forsa mas pa sigui biba.
30Nan desendensia lo sirbiÉ
i lo papia di Señor ku nan yunan;
31nan lo bin konta di su obranan hustu
na esnan ku lo nase despues.
Komo pa medio di djE
tur kos ta kumplí.
Currently Selected:
Salmo 22: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013