Salmo 10
10
SALMO 10 #10:0 Vershon griego di Beibel, yamá Septuaginta, ta konsiderá Salmonan 9 i 10 komo un solo Salmo, Ta p'esei sierto tradukshon di Beibel ta duna e siguiente Salmonan un number ku ta keda ún sifra atras.
Dios ta defendé hende flihí kontra hende malbado
1SEÑOR, di kon Bo ta keda para leu,
Bo ta keda skondí den tempu di apuro?
2Pobernan ta sufri pa soberbia di mal hende:
laga nan kai den trampa ku nan mes a pone!
3Pekadó ta broma ku su kièr ta triunfá,
e ta sigui stafa hende i maldishoná,#10:3 maldishoná; hebreo tin: bendishoná, pasobra e outor no ker a bisa maldishoná SEÑOR.
sí, ta SEÑOR e ta menospresiá.
4E pekadó, arogante, no ta maha ku Dios;#10:4 E…Dios; otro posibel tradukshon: Na un manera arogante e pekadó ta pensa: E no ta pidi kuenta
‘Ai nò, no tin Dios,’ nada mas e no ta pensa.#Salmonan 14:1; 53:1; 73:11
5Semper e tin suerte ni maske kiko e hasi,
bo huisionan ta altu p'e, leu di su kabes;
su enemigunan — ai, desden e tin pa tur!
6E ta bisa den su mes: ‘Nada no ta pasa mi,
ún manera mi hamas i nunka lo no pena.’
7Maldishon so e ta papia, mentira i menasa,#Romanonan 3:14
ultrahe i maldat ta na su punta di lenga.
8E ta ten'é skondí den pueblonan chikí,
ketu ketu e ta mata hende inosente,
e no ta pèrdè hende débil fo'i bista,
9e ta lur den skondí — un leon den yerba altu;
e ta lur e pober pa e lastr'é bai kuné,
e ta lastr'é bai kuné, ta sera reda rònt di dje;
10e ta bùk i ta sera su kurpa pa e bula —
duele pa esun ku kai den su gara.
11E ta bisa den su mes: ‘Dios no ta ripará,
Dios a kita kara, E no ta mir'é nunka.’
12Lanta, SEÑOR! O Dios, hisa man!
No lubidá riba hende flihí.
13Pakiko e malbado no tin Dios pa nada
i ta bisa den su mes: ‘Bo no ta pidi kuenta?’
14Ma Bo ta mira sí! Bo ta ripará,
tur pena i fèrdrit, Bo ke pis'é den bo man.
Hende sin amparo ta konfia den Bo,
Abo ta yudansa di yunan sin mama.
15Kibra forsa di mal hende i malechor,
pidié kuenta di su malu pa kaba.
16SEÑOR lo ta Rei pa awor i pa semper,
den su tera lo no sobra pagano mas.
17SEÑOR, Bo ta skucha deseo di humildenan,
duna nan balor, hasi kaso di nan.
18Sali pa wérfano, pa hende oprimí,
pa ningun hende mortal no yen'é mas ku teror.
Currently Selected:
Salmo 10: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
