Mikéas 3
3
Mikéas
1Pero m'a bisa:
‘Skucha, gobernante- i lidernan di Israel!
Akaso n' ta boso mester konosé hustisia?
2Pero ta nèt boso ta odia loke ta bon
i stima loke ta malu.
Boso ta ranka kueru for di kurpa di hende
i pela karni fo'i nan wesu,
3boso ta habraká karni di mi pueblo,
boso ta ranka nan kueru,
kibra nan wesu
i kap nan na mochi,
na lapi pa stoba den wea,
na blòki blòki pa hasa den panchi.
4Ora boso grita yama SEÑOR,
l'E no rospond'é boso,
l'E bira lomba pa boso,
pasobra boso a hasi malu.
5Ata palabra di SEÑOR tokante profetanan,
ku ta gaña mi pueblo,
ku ta profetisá bendishon p'esun,
ku paga nan bon,
pero maldishon p'esun,
ku no duna nan nada.
6P'esei pa boso ku ta lider,
anochi lo sera,
un anochi sin klaridat,
ku skuridat, sin revelashon.
Solo lo baha p'e profetanan
i di dia lo bira skur rondó di nan.
7Vidente lo keda brongosá,
miradó di destino su kara lo kai di bèrgwensa;
nan lo tapa nan kara,
pasobra Dios no ke papia ku nan.
8Ami, al kontrario,
SEÑOR ta yena mi ku su spiritu i forsa,
duna mi konosementu di hustisia
i kurashi pa señalá pikánan di Israel.
9Laga e kos akí drenta boso kabes,
gobernante- i lidernan di Israel,
boso, ku ta odia hustisia
ku ta kohe bon hasi malu#Amos 5:7
10i a konstruí Herusalèm, sentro pa adorá Dios,
riba fundeshi di krímen i inhustisia.#Habakuk 2:12
11Gobernantenan di e siudat ta husga na fabor di esnan,
ku ta susha nan man.
Lidernan religioso ta kobra pa splika lei.
Profetanan ta hasi revelashonnan solamente na esnan,
ku paga nan
i ainda nan ta pretendé ku SEÑOR ta ku nan.
Nan ta bisa:
“Ningun kalamidat lo no kai riba nos,
SEÑOR ta ku nos.”
12I ta p'esei, pa boso motibu Sion,
Herusalèm lo keda desolá,
lo e n' ta nada mas ku un monton di piedra,
sí, un lugá bandoná.’#Yeremías 26:18
Currently Selected:
Mikéas 3: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013