Yozue 19
19
Teritorio di tribu di Simeon
1Di dos lòt a kai riba tribu di Simeon. E propiedat ku e famianan di e tribu akí a haña tabata keda den teritorio di Huda. 2Nan a haña e siguiente siudatnan: Beer-Shèba, Shèba, Molada, 3Hasar-Shual, Bala, Esèm, 4Eltolad, Betul, Horma, 5Siklag, Bet-Hamarkabot, Hasar-Susa, 6Bet-Lebaot i Sharuhèn, total diestres siudat ku nan pueblonan. 7Tambe En-Rimon, Etèr i Ashan, kuater siudat ku nan pueblonan. 8Tur e pueblonan rondó di e siudatnan akí te ku Baalat-Beer i Rama-Neguèb tabata kontá aden. E teritorio akí e famianan di Simeon a haña.#1 Krónikanan 4:28-33 9Komo e teritorio ku tribu di Huda a haña tabata muchu grandi pa nan, a duna tribu di Simeon un parti di e teritorio komo propiedat.
Teritorio di tribu di Zebulon
10Di tres lòt a kai riba e famianan di Zebulon. Frontera di nan teritorio tabata yega te Sarid, 11sigui bai wèst te Marala, bai Dabeshèt pa kaba na e roi banda di Yokneam. 12Den direkshon ost e tabata kore di Sarid bai Kesulot-Tabor, pasa Dabrat, subi bai Yafia. 13Di ei e frontera tabata bai den direkshon ost te Gat-Hahefèr, pasa Ita-Kasin, bai sali na Rimon pa lora bai Nea. 14Despues e tabata lora pasa nort di Hanaton, bai kaba den vaye di Yiftag-El. 15Nan tabatin en total diesdos siudat ku nan pueblonan, Katat, Nahalal, Shimron, Yidala i Betlehèm kontá aden. 16E siudatnan akí ku nan pueblonan tabata forma propiedat di e famianan di Zebulon.
Teritorio di tribu di Isakar
17Di kuater lòt a kai riba e famianan di Isakar. 18Nan teritorio tabata konsistí di e siudatnan Yizreel, Kesulot, 19Shunem, Hafaraim, Sion, Anaharat, 20Rabit, Kishon, Ebès, 21Rèmèt, En-Ganim, En-Hada i Bet-Pases. 22E frontera tabata pasa Tabor, Shahasima i Bet-Shèmèsh bai kaba den riu Yordan. Tabata na tur diesseis siudat ku nan pueblonan. 23E siudatnan akí ku nan pueblonan tabata forma propiedat di e famianan di Isakar.
Teritorio di tribu di Asher
24Di sinku lòt a kai riba e famianan di Asher. 25Nan teritorio tabata konsistí di Hèlkat, Hali, Bètèn, Akshaf, 26Alamelèk, Amad i Mishal. E frontera tabata sigui bai den direkshon wèst te Karmel i Shihor-Libnat. 27Djei e tabata lora den direkshon ost bai Bet-Dagon bai topa ku frontera di Zebulon i tabata pasa vaye di Yiftag-El bai nort na Bet-Haemèk i Neiel pa djei sali nort di Kabul, 28pasa Ebron, Rehob, Hamon i Kana, bai te Gran Sidon. 29Ei e frontera tabata kita bai Rama, sigui te e siudat fortifiká Tiro, lora bai Hosa pa bin kaba den laman. Ku Hèbèl, Akzib, 30Uma, Afèk i Rehob kontá aden, nan tabatin en total bintidos siudat ku nan pueblonan. 31E siudatnan akí i nan pueblonan tabata forma propiedat di e famianan di Asher.
Teritorio di tribu di Naftali
32Di seis lòt a kai riba e famianan di Naftali. 33Nan teritorio tabata kore di Helèf, pasa e palu grandi di Saananim, Adami-Hanèkèb i Yabneel bai Lakum i kaba den Yordan. 34Den direkshon wèst e frontera tabata pasa di Aznot-Tabor bai Hukok. Na zùit e tabata yega te na teritorio di Zebulon i na wèst te na teritorio di Asher. Na ost e tabata yega te Yordan na Yehuda. 35Nan siudatnan fortifiká tabata: Sidim, Ser, Hamat, Rakat, Kinerèt, 36Adama, Rama, Hasor, 37Kèdèsh, Edrei, En-Hasor, 38Yiron, Migdal-El, Harem, Bet-Anat i Bet-Shèmèsh, total diesnuebe siudat ku nan pueblonan. 39E siudatnan akí ku nan pueblonan tabata forma propiedat di e famianan di Naftali.
Teritorio di tribu di Dan
40E di shete lòt a kai riba e famianan di Dan. 41Nan teritorio tabata konsistí di Sora, Eshtaol, Ir-Shèmèsh, 42Shaalabin, Ayalon, Yitla, 43Elon, Timna, Ekron, 44Elteké, Guibton, Baalat, 45Yehud, Bene-Barak, Gat-Rimon, 46Me-Hayarkon, Rakon i e region banda di Yafo. 47Komo e teritorio akí tabata muchu chikitu pa tribu di Dan, nan a ataká e siudat Lèshèm i kaptur'é. Nan a mata tur hende i a keda biba aya. Nan a kambia nòmber di Lèshèm hasié Dan na honor di nan antepasado Dan.#Huesnan 18:1-29 48E siudatnan akí ku nan pueblonan tabata forma propiedat di e famianan di Dan.
Teritorio di Yozue
49Ora nan a kaba di parti e pais den teritorio pa kada tribu, Yozue, yu di Nun, tambe a haña un parti komo propiedat. 50Manera SEÑOR a ordená, nan a duna Yozue e siudat Timnat-Sera den e serunan di Efraim, e siudat ku Yozue a pidi. El a rekonstruí e siudat i a bai biba aya.
51Esaki tabata e teritorionan ku e saserdote Eleazar, Yozue, i e kabesnan di famia a parti entre e tribunan di Israel. Nan a hasié pa medio di tiramentu di lòt na Silo dilanti di SEÑOR na entrada di e Tènt di Enkuentro. E ora ei nan tabata kla ku partimentu di e pais.
Currently Selected:
Yozue 19: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
