Job 42
42
Epílogo
1E ora ei Job a rospondé SEÑOR:
2‘Mi sa ku Bo por tur kos,
niun hende no por stroba Bo
di hasi loke Bo ke.
3Bo a puntra:
“Ken ta esun ku ta nubla konsepto
ku Mi ke pa hende tin di Mi,
papiando sin konosementu?”#Job 38:2
Mi ta atmití
ku mi a papia di asuntunan,
ku mi no tabatin niun idea di dje,
kosnan maravioso,
inkomprensibel pa mi.
4Bo a pidi mi skucha,
miéntras Bo tabata papia
i purba rospondé bo preguntanan.#Job 38:3; 40:7
5Den pasado ta solamente
loke otro hende a konta mi di Bo
mi tabata sa,
pero awor m'a mira Bo ku mi propio wowo.
6P'esei mi ta humiliá mi mes
i mi ta hala mi palabranan atras abiertamente,
sintá den stòf i shinishi.’
7Despues di a papia ku Job, SEÑOR a dirigí su mes na Elifaz di Teman: ‘Mi ta mashá rabiá ku bo i bo dos amigunan, pasobra boso no a krea un konsepto korekto di Dios, manera mi sirbidó Job sí a hasi. 8P'esei boso mester kohe shete toro i shete karné i bai serka mi sirbidó Job. Boso mester ofresé nan manera sakrifisio di kandela#Job 1:5 pa boso mes. Mi sirbidó Job lo resa pa boso i Ami lo aseptá su orashon i Mi no ta hasi boso ningun daño, ounke boso meresé esei, ya ku boso den boso eror no a krea un konsepto korekto di Mi, manera mi sirbidó Job sí a hasi.’ 9Elifaz, Bildad i Sofar a bai hasi loke SEÑOR a ordená nan i SEÑOR a aseptá e orashon di Job. 10Despues ku Job a kaba di resa pa su amigunan, SEÑOR a hasié riku atrobe i a dun'é dos be mas tantu di loke e tabatin promé.#Job 1:1-3 11E ora ei tur su rumannan, hòmber i muhé, i hende ku tabata konos'é ántes a bini su kas bin kome kuné. Nan a konsol'é pa tur e problemanan ku SEÑOR a manda p'e i kada un a dun'é pida plata i un renchi di oro. 12I SEÑOR a bendishoná Job mas ku ántes. El a haña 14.000 karné, 6000 kamel, 1000 par di bue mará na yugo i 1000 buriku muhé. 13Job a haña shete yu hòmber i tres yu muhé. 14Su yu muhé mayó el a yama Yemima, e di dos Kesia i esun mas chikí Kèrèn-Hapuk. 15Nan tabata e mucha muhénan di mas bunita ku tabatin. Nan tata a laga nan kompartí e herensia ku nan ruman hòmbernan. 16-17Despues Job a biba 140 aña mas; el a muri na un edat mashá altu. El a mira su yunan, ñetunan, bisañetunan i tumañetunan.
Currently Selected:
Job 42: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013