Isaías 6
6
Señor ta yama Isaías
1Tabata den aña ku rei Uzías#2 Reinan 15:7; 2 Krónikanan 26:23 a muri. Den un vishon mi a mira Señor sintá riba su trono, altu i elevá. Kola di su mantel tabata yena tèmpel. 2Tras di djE tabatin serafin#6:2 serafinnan: sernan misterioso di kandela ku tabata pará mas altu kuné. Kada un tabatin seis ala, dos pa tapa nan kara, dos pa tapa e parti abou di nan kurpa i dos pa nan bula kuné. 3Nan a grita otro:
‘Santu, santu, santu
ta SEÑOR soberano;#Revelashon 4:8
tur loke tin na mundu,
ta proklamá su grandesa.’
4Nan stèm tabata resoná dje duru ei ku e portanan tabata sakudí den nan kozeinnan i tèmpel a yena ku huma.#Revelashon 15:8 5Mi a bisa: ‘Ai di mi! Mi ta pèrdí!#Éksodo 33:20 Ami un hende ku lepnan impuru, bibá meimei di otro hende ku lepnan impuru, ku mi mes wowo a mira Rei, SEÑOR soberano!’
6Ma un di e serafinnan a bula bini serka mi ku un pida karbon sendé ku el a kohe for di altá ku un tan. 7El a pone e karbon na mi boka i bisa:
‘Awor ku esaki a mishi ku bo lepnan,
bo kulpa ta kitá
i bo pikánan ta pordoná.’
8Despues mi a tende stèm di Señor bisa: ‘Ken Mi mester manda, ken lo ta nos bosero?’ Mi a rospondé: ‘At'ami akí, manda ami.’
9E ora ei El a bisa:
‘Bai anto i bisa e pueblo akí:
“Skucha, sigui skucha numa,
tòg boso lo no komprondé,
wak, sigui wak numa,
tòg boso lo no rekonosé.”
10Hasi kurason di e pueblo akí duru,
tapa nan orea,
plak nan wowo sera,
pa nan wowo no mira,
nan orea no tende,
ni nan mente no komprondé,
pa nan no kombertí ni kura.’#Ezekiel 12:2; Mateo 13:14-15; Marko 4:12; Lukas 8:10; Huan 12:40; Echonan 28:26-27
11Mi a puntra:
‘Pa kuantu tempu, Señor?’
El a kontestá:
‘Te ora siudatnan ta destruí
i nan keda sin habitante;
te ora kasnan keda blo bashí,
kunukunan ruiná i nan bira mondi;
12te ora Mi hiba tur hende leu
i e pais keda totalmente bandoná.
13I si akaso sobra un désimo parti di e pais,
esei tambe lo ta destruí.
E pais lo keda manera un palu di ekel,
ora kaba di snui su takinan:
solamente tronkon.’
Ma e tronkon ei
bida nobo lo spreit for di dje,
bida konsagrá na SEÑOR.
Currently Selected:
Isaías 6: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
