Isaías 46
46
E diosnan sin poder di Babilonia kontra e Dios poderoso di Israel
1Wak, e dios Bèl a baha bini abou,
e dios Nebo ta drumí pech'ariba.
Bestia di karga ta kana show ku nan imágen.
Si un ten ta hende#46:1 hende; literalmente: boso tabata karga e bultonan,
awor ta bestia kansá
ta karga nan peso.#Yeremías 50:2; 51:44; Barug 6:40
2E diosnan a kai pech'ariba,
nan tur a baha bini abou pareu.
Inkapas di salba e bultonan,
nan mes ta bai den eksilio.
3Dios ta bisa:
‘Desendientenan di Yakob,
israelitanan ku a sobrebibí,
ku M'a karga fo'i den barika di boso mama,
ku M'a tuma den brasa fo'i boso nasementu,
skucha Mi:
4Mi ta sigui karga boso,
te dia boso bira bieu, kabei shinishi.
M'a hasié i ta keda hasié.
Mi ta pone boso riba mi skouder,
Mi ta salba boso.
5Ku ken boso ke kompará Mi awor?
Ken ta mi pareu?
Ken por igualá su mes ku Mi?
6Hende ta saka oro fo'i nan saku,
pisa plata riba balansa;
nan ta buska un platé
pa traha un dios dje metal akí;
nan ta bùig su dilanti pa ador'é.
7Nan ta hisa e bulto pone riba skouder
i karg'é bai hiba su lugá;
nan ta pon'é abou i at'é pará ei!
E no ta skit fo'i su lugá.
Ni maske kuantu nan grita pidi ousilio,
e no ta rospondé,
e no ta saka nan fo'i nan perkansia.#Yeremías 10:5
8Kòrda esaki, rebeldenan,
grab'é den boso memoria
i tum'é na kuenta.
9Kòrda e kosnan ku a pasa ántes,
den tempu bieu,
kòrda ku Ami ta Dios, no tin otro.
Ami ta Dios i no tin mi pareu.
10Fo'i kuminsamentu ya Mi ta anunsiá e fin.
Mi ta predesí hopi delantá
kosnan ku no a pasa ainda.
T'Ami t'Esun ku ta bisa:
“Mi desishon ta irevokabel;
mi boluntat ta lei.”
11Fo'i ost mi ta yama un hòmber,
fuerte manera para di rapiña.#46:11 para di rapiña: esei ta Siro, ku tabatin un para asina komo emblema
E ta bini djaleu i ta kumpli ku mi desishonnan.
Mi palabra ta piedr'i bos,
plannan ku Mi traha, Mi ta ehekutá.
12Skucha Mi, boso ku a pèrdè kurashi.#46:12 ku…kurashi: segun vershon griego; hebreo tin: hende kabesura
Boso no tabata spera liberashon,
13pero Ami ta hal'é trese serka,
e no ta leu mas;
e salbashon ku Ami ta trese no ta tarda.
Mi ta trese salbashon pa Sion
i laga Israel toka parti den mi splendor.’
Currently Selected:
Isaías 46: BPK13
Highlight
Copy
Compare
Share
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
